Ill meðferð á dýrum

finnst mér það vera að eiga hross á útigangi og hugsa ekkert um að þau geti komist í skjól ef veður versnar. Gömul háspennukefli og hvaðeina dót geta bjargað skjóllausum hrossum í sárri neyð. Er það forsvaranlegt að eiga svona skepnur í bjargarleysi? Grænlendingar binda hunda í keðjum við staura úti og láta fenna yfir þá. En þeir fóðra þá. Hér sér maður hrossahjarðir krafsa snjó án þess að eigendur fleygi í þá heyi sem er nóg til af.

Er yfirleitt forsvaranlegt að bændur megi eiga hrossahjarðir í haga á víðavangi án þess að gera neinar ráðstafanir til að skepnurnar geti bjargað sér undan veðrum.Ekki hefði ég samvizku til þess að vita af mínum hrossum í svoleiðis aðstæðum.

Ómar Ragnarsson finnst mér skauta fram hjá vandanum þegar hann skrifar:"Örmagna bændur, sem þurftu að leggja dag við nótt í að bjarga hinum illa stöddu dýrum, hlutu að gefa björgunarbaráttunni forgang."

Var þetta ekki bara allt of seint og fyrirhyggjulaust? Er þetta ekki bara ill meðferð á dýrum og drullusokksháttur eins og hann gerist verstur.

Athugasemdir

[GÍSLI HOLGERSSON - ICELAND (IP-tala skráð) 18.12.2019 kl. 22:17]

Menn gleyma ekki drukknun hestanna við Bessastaði, er þeir fóru niður um ísinn í ágætis veðri. Sorgar dagur fyrir alla sem fylgdust með.

Ég fann mjög til með unga bóndanum,sem útskýrði á sjónvarpinu dauða hestanna sinna í ofur veðri og snjókomu fyrir norðan.

Mín barnslega skoðun er að taka 50-100m ræmu með jarðýtu og aðra styttri í kross fyrir veðri, vindum og heyrúllum næsta sumar með "ódýru" þaki. 

[Halldór Jónsson, 19.12.2019 kl. 13:23]

Þannig geyma þeir naut í Canada, í gryfjum sem gefið er oní

[Halldór Jónsson, 19.12.2019 kl. 13:24]

Góð tillaga Gísli

[Halldór Jónsson, 20.12.2019 kl. 10:41]

Á bara ekki að banna skjóllausan og gjafalausan útigang hrossa eins og aðra illa meðferð á skepnum? Þú mátt ekki geyma kött utanhúss.