Innflytjendavandinn

heldur áfram að hrannast upp í Svíþjóð sem forystulandi. Ferðamenn hafa jafnvel verið varaðir við að fara til Svíþjóðar vegna hættu á ofbeldi.Og allir vita að það eru ekki upprunalegir Svíar sem standa fyrir þessari breytingu sem orðin er í landinu.En ráðandi öfl setjast á allar upplýsingar um raunverulega gerendur. En lokið fer um síðir af potti sem sýður í.

Ferdinand og Ísabella settu Márum úrslitakosti á sínum tíma. Annaðhvort semjið þið ykkur að okkar siðum eða þið farið í sjóinn þaðan sem þið komuð til okkar lands. Ég gæti trúað að innflytjendum verði settir þeir kostir í framtíðinni að gerist þeir brotlegir verði þeir sviptir innflytjendaleyfinu og sendir vægðarlaust til baka.

Almenningur á Vesturlöndum mun ekki láta fara svona með sig lengur. Uppgangur Síþjóðardemókrata og AfD og svipaðra hreyfinga mun mynda þá veggi sem þarf til að endurheimta hin fornu siði hverrar þjóðar.

Fæstir hafa neitt á móti fólki sem er friðsamt og fellur í fjöldann sem fyrir er. En almenningur lætur ekki beygja sig til að semja sjálfan sig að siðum innflytjenda þó hann þoli þeim býsna margt af fornlegum háttum, sem einskorðast mest við vissa hópa múslíma.En þau fornfræði sýna sig að vera ósamrýmanleg að miklu leyti við flesta vestræna lífshætti.

Og velferðarkerfin standa allstaðar á brauðfótum fyrir þá sem fyrir eru og þola ekki það aukna álag sem fylgir "openborders-stefnunni".

Þess vegna líður óðum að breytingum á innflytjendavanda Vesturlanda.

Athugasemdir

[GÍSLI HOLGERSSON - ICELAND (IP-tala skráð) 4.1.2020 kl. 13:51]

Þetta segir okkur allt um stöðu og óstjórn útlendingamála á ÍSLANDI undir SKIPUNUM og RÁÐLEYSI embættismanna ESB-BRUSSEL. 

[Þorsteinn Siglaugsson, 4.1.2020 kl. 17:26]

Ísabella og Ferdinand komu á fót hinum alræmda rannsóknarrétti. Rannsóknarrétturinn stóð fyrir því að brenna fólk lifandi fyrir trúvillu og hrekja gyðinga og múslima úr landi.

Það er áhugavert að sjá að þér þyki ástæða til að taka slík til fyrirmyndar. Afnema trúfrelsi og reka úr landi eða myrða alla þá sem ekki aðhyllast kenningar ríkiskirkjunnar. 

[Vagn (IP-tala skráð) 4.1.2020 kl. 17:38]

Og þessar upplýsingar koma beint af rasistasíðum samtaka hægri öfgamanna í miðríkjum Bandaríkjanna, sem telja sig best vita um ástandið í Svíþjóð og nefna gjarnan bloggara sem heimild ef þeir láta svo lítið sem benda á einhverja heimild.

En það er rétt að ferðamenn hafa verið varaðir við því að fara til Svíþjóðar. Á Ataturk flug­vell­in­um í Ist­an­búl í Tyrklandi eru Tyrkneskir ferðamenn varaðir við ferðalög­um til Svíþjóðar og þeir upp­lýst­ir um að Svíar nauðgi mest á heimsvísu.

[Halldór Jónsson, 4.1.2020 kl. 22:19]

Rannsóknarréttruinn starfaði til 1834 eða í meira en 3 aldir. Hans hlutverk var að láta menn breyta trú sinni frá gyðing-og múslímadómi til kaþólsku.Eða yfirgefa landið. Þ.e.megintilgangurinn var að fá fólk til að láta af andfélagslegri hegðun eða fara burt. Það var grunnhugsunin.Sjálfsagt hafa einhverjir orðið píslarvottar.

150.000 voru lögsóttir af réttinum í þessum tilgangi og 2.7 % voru teknir af lífi. Mér finnst nú ekkert sérlega sniðugt að ætla að gera mig ábyrgan fyrir upptöku slíkra siða enda var ég ekki að segja það.Heldur að það muni í framtíðinni geta varðað missi hælisleitenda og innflytjendaréttinda að gerast brotlegur við innlend lög.Missir réttinda þýðir þá endursendingu til upprunalandsins. ég er að velta fyrir hvort Svíar muni velta slíku fyrir sér.Sum ríki vilja ekki fá vígamenn til baka sem fóru til að berjast til íslamska ríkisins.

[Þorsteinn Siglaugsson, 4.1.2020 kl. 22:41]

Mér finnst athyglivert að þú skulir kalla gyðingdóm andfélagslegan. Það hafa aðrir gert á undan þér, fyrir ekki neitt mjög löngu síðan.

Ég get ekki lesið annað í það sem þú skrifar en að þér finnist eftirsóknarvert að taka upp aðferðir Ferdinands og Ísabellu. Orðalagið ("megintilgangurinn var að fá fólk til að láta af andfélagslegri hegðun") staðfestir bara þá túlkun mína. Það er ekki þar með sagt að þú sért ábyrgur fyrir athöfnum þeirra, vitanlega. Þú varst auðvitað ekki fæddur þá, held ég ;)

[Halldór Jónsson, 4.1.2020 kl. 23:12]

Ég geri ráð fyrir að Ferdínand og Ísabella hafi ráðið skilgreiningunni á því hvað hafi verið talið andfélagsleg hegðun á þessum tíma, ekki ég eða þú.

[Jón Logi (IP-tala skráð) 5.1.2020 kl. 08:56]

Árið 2019 var nú verið að hálshöggva og krossfesta fólk í Sýrlandi, en eitthvað var lítið um það í Ísrael.

Og rannsóknarrétturinn....

https://www.youtube.com/watch?v=FAxkcPoLYcQ

[Örn Gunnlaugsson (IP-tala skráð) 5.1.2020 kl. 12:24]

Þetta er vandinn í hnotskurn, Halldór. Þú bendir á staðreyndir um hvernig samfélögum Vesturlanda hafi hnignað eftir því sem þessum innflytjendum fjölgar og ert vændur um rasisma fyrir. Ég er þá væntanlega í þeim hópi einnig og er stoltur af þeim hörðu skoðunum sem ég hef í þessum efnum. Sjálfur hef ég búið erlendis þar sem menning er gjörólík okkar. Þar fylgdi ég siðum þeirra landa sem ég dvaldi í hverju sinni en gerði ekki kröfu um að gestgjafarnir breyttu sinni hegðun að þeirri menningu sem ég hafði alist upp við. Ég tel eðlilegt að það fólk sem hefur áhuga á að verða hluti af okkar samfélagi lagi sig að þeim siðum og menningu sem hér er en hypji sig heim til sín að öðrum kosti. Ætlar einhver að halda því fram að samfélag okkar sé betra nú en fyrir uþb. tveimur áratugum ? Það er almennt talað um að Íslendingar telji 320.000 manns í dag. Það er rangt. Íslendingar eru 270.000 en svo eru 50.000 innflytjendur og því miður margir í þeim hópi lítið eftirsóknarverðir meðlimir í samfélag okkar. Samt eru einhverjir sem vilja samlagast og standa sig vel í samfélaginu. Til þess að láta þá ekki líða fyrir hina óæskilegu þarf að gera kröfur og framfylgja þeim. Þeir sem ekki uppfylla kröfur og fylgja þeim á að senda úr landi. Nóg er svo sem af Íslendingum sem kjósa að japla á jötunni og samfélagið situr uppi með þá án þess að ástæða sé til að ofdekra þá eins og gert er í dag. Vagn nokkur sem ekki vill af einhverjum ástæðum gefa upp fullt nafn sitt setur inn færslu á síðuna hjá þér um að Tyrkir vari sitt fólk við ferðum til Svíþjóðar þar sem Svíar nauðgi mest. Það vill svo til að tölfræðilegar upplýsingar frá Svíðjóð sýna að þessir glæpir voru í meira en 90% tilfella framdir af fyrstu kynslóðar innflytjendum og nánast restin var annarrar eða þriðja kynslóð. Það er alls staðar að finna gott fólk en ef engar kröfur eru gerðar sækir hratið þangað sem og við erum með gríðarlegt magn af því á Íslandi.

[Þorsteinn Siglaugsson, 5.1.2020 kl. 17:35]

Ég er feginn að sjá að þú skulir ekki vera á því að gyðingdómur sé andfélagslegur eða að hrekja eigi úr landi alla sem ekki eru í þjóðkirkjunni Halldór. Við getum verið sammála um það held ég.

[GÍSLI HOLGERSSON - ICELAND (IP-tala skráð) 7.1.2020 kl. 19:56]

ELDRI MENN BÁRU VIRÐINGU FYRIR "GÖMLU" SVÍÞJÓÐ:

LÓSHÆRÐAR, BLÁEYGÐAR,GLÆSILEGAR "WELL DRESSED" KONUR, sem léku í Hollywood. SÆNSKA STÁLIÐ, VOLVO og SAAB er horfið.

"Ástarlífið" er breytt í Svíþjóð vegna fjölþjóða innflutnings. Sumar þjóðir vara við nauðgunum og áreiti fjölþjóða í Svíþjóð, en engin má skrifa og kvarta?. Hjúkrunarkonur lita svart á sér hárið til að sleppa við áreiti á bílastæðinu við spítalana. Er þetta ekki svipað í ALLRI "stjórnlausri" ESB Evrópu?.