Efling og Sólveig Anna 8 %

berjast nú hinni góðu baráttu fyrir bættum kjörum umfram Lífskjarasamningana sem hún samþykkti.

Nú er það ekki nóg. Öreigabylting hennar og Gunnars Smára er það sem nota skal til að sprengja það samkomulag í loft upp. Alveg án tillits til nokkurrar skynsemi eða reynslu frá tímum þjóðarsáttar.

Ef við lokum leikskólunum í mánaðarverkfalli, hvenær verður búið að vega upp kostnaðinn af verkfallinu. Sjóðir Eflingar eiga að sjá til þess að launþegarnir skaðist ekki. En skaðast þá enginn? Og lærir þá enginn neitt?

En þarf ekki að skoða stöðu leikskólanna nánar? Borga foreldrar sinn skerf? Þurfa þeir ekki að koma að því ef bæta þarf kjör gæslumannanna? Er ábyrgð þeirra engin?

Glæsilegur baráttufundur Sólveigar Önnu í Iðnó á að stappa stálinu í verkfallsmenn. En hver segir að verkfall eigi að leysa með hraði? Er Sólveig Anna óumdeildur foringi í sínum hópi? Fékk hún nema 8 % atkvæða á sínum tíma? 

Og Gunnar Smára kaus áreiðanlega enginn sem til hans þekkir.

Athugasemdir

[Jónatan Karlsson, 5.2.2020 kl. 06:59]

Góðan daginn Halldór.

Þýða þessar kröfur Sólveigar fyrir útvalin hluta hennar fólks, að lífskjarasamningur annars Eflingar fólks er þar með í raun og veru ónýtur?

Ég heyrði nýlega að hjúkrunarfræðingar væru að meðaltali í u.þ.b. 70% vinnu, en fengju allt þar fram yfir greitt sem aukavinnu.

Væri ekki einmitt ráðið fyrir Eflingarfólk að lækka vinnuhlutfallið og moka inn aukavinnutímum?