Hvassahraunsbullið

gaus upp í Borgarstjórn Reykjavíkur í síðustu viku.

Kolbrún Baldursdóttir bókaði þá svo:

"Málefni nýs flugvallar og Hvassahrauns kom á dagskrá borgarráðs í vikunni sökum framlagningar bréfs um tilnefningu tveggja fulltrúa í starfshóp vegna rannsókna á möguleikum á byggingu nýs flugvallar í Hvassahrauni.

Hér er bókun mín:

Fulltrúi Flokks fólksins hefur nokkrar áhyggjur af því hversu miklu fé á að verja í að rannsaka möguleika á flugvelli í Hvassahrauni. Hversu marga starfshópa á eftir að stofna? Vissulega er þetta ekki einungis málefni borgarinnar. Flokkur fólks vill nota tækifærið og nefna nokkur atriði hér í sambandi við Hvassahraunið. Veðurskilyrði þar voru mæld fyrir um 2-3 árum en engar tilraunir í flugi s.s. mælingar á kviku eða skýjahæð hafa verið gerðar. Í skýrslu frá 1970 eftir Leif Magnússon er strax komin vísbending um að þessi staðsetning verði líklega ekki vænleg fyrir flugvöll. Hvassahraun sem möguleg staðsetning fyrir nýjan innanlandsflugvöll hefur verið lengi í umræðunni.

Eins og málið horfir við í dag er óvissan um þennan stað því mikil. Ef mælingar og tilraunir reynast ekki hagstæðar þá er málið á núllreit. Það mun ekki koma í ljós fyrr en eftir nokkur ár þegar niðurstöður mælinga og flugtilrauna liggja fyrir og þá sennilega milljónir ef ekki milljarðar farnir út um gluggann. Ef til kemur að Hvassahraun stenst skoðun er ekki sanngjarnt að borgin greiði helming af hönnunarkostnaði flugvallar í Hvassahrauni. Sá flugvöllur verður ekki innan borgarmarka Reykjavíkur. Ef til kæmi þá er nær að þau sveitarfélög þar sem flugvöllurinn verður tækju þátt í hönnunarkostnaðinum."

 

Þessi umræða gýs upp með reglulegum hætti vakin upp af Holu-Hjálmari og Degi B. Þeir og Örn arkitekt eru þeir einu sem láta sér detta þá vitleysu í hug að loka Reykjavíkurflugvelli í stað þess að bæta hann sem alvöruflugvöll með því að setja Suðurgötuna í stokk undir lengda flugbraut 13/31 og hafa millilandaflug beint úr borginni til þæginda fyrir Borgarbúa, já  frá Reykjavík  kl 17:00, gist í London um kvöldið, komið til baka á hádegi daginn eftir með þögulli þoti eins og Færeyjaþotunni.

 

Þessir kumpánar halda að þeir geti selt lóðir á öllum flugvellinum án þess að borga neinum neitt og láta Ríkið borga nýjan flugvöll upp á 200 milljarða rétt hjá Keflavík ofan á órannsökuðu svæði en ofan á 4 virkum eldfjallakerfum á Reykjanesi!!

 

Það þarf fágæta hæfileika til að fá fólk til að kjósa svona stjórnmálamenn sem geta látið Hvassahraunsbullið gjósa svona upp með milljónakostnaði með reglulegu millibili. 

 

 

 

Athugasemdir

[GÍSLI HOLGERSSON - ICELAND (IP-tala skráð) 13.3.2020 kl. 16:35]

HVASSAHRAUNSPLÁGAN HLJÓMAR EINS OG FLUGBRAUTARBULL.

"Samliggjandi-flugvellir" liggja í röðum til KEFLAVÍKURFLUGV. Endalaus mótmæli við Reykjavíkurborg á sviðum framkvæmda er að verða afleitt fréttaefni fyrir nauman meirihluta.

Hví stöðva ekki vel rekin bæjarfélög í Hafnarfirði, Garðabæ, Kópavogi, Seltjarnarnesi og Mosfellsbæ hugmyndaflugið um "BORGARLÍNUNA", sem kostar miljarða. Smáflokkar og "aumur" meirihluti halda þessu gangandi.