Staðreyndin um smáflokkaglundroðann

á Alþingi Íslendinga hefur lengi blasað við. Upphlaup pópúlistanna úr kraðakinu eru stöðug og skringileg en hafa sem betur fer ekki haft nein stjórnmálaleg áhrif ennþá þó að táfýla og skrípalegur klæðaburður sé talin til slíkra áhrifa af gerendum.

Páll Vilhjálmsson orðar vandamálið á sinn hátt:

„Þjóðverjar lokuðu landamærum sínum áður en landamærum Evrópu var lokað gagnvart umheiminum. Þjóðverjar vildu ekki COVID-19 smit frá Austurríki og Ítalíu. Veiran kom úr austri, frá Kína, það var vitað um áramótin. Hvers vegna var landamærum Evrópu ekki lokað strax í janúar? Vegna þess að það var ekkert traust.

Íslendingar eru eyþjóð og háðir samgöngum í austur og vestur. Það kom ekki til greina að loka landamærum Íslands vegna þess að fyrirsjáanlega myndi kórónuveiran koma hingað fyrr en síðar. Sá kostur var tekinn, í samræmi við íslenska hagsmuni að hafa landið opið og setja þá landa okkar í sóttkví sem komu sýktir frá útlöndum. Evrópa í heild gæti aldrei farið sömu leið og Ísland, álfan er of stór og talar of mörg tungumál.

Farsóttin mun drepa þá hugmyndafræði alþjóðahyggjunnar að yfirþjóðlegt vald sé betra en staðbundið. Þess sjást þegar merki í íslenskum stjórnmálum.

Flokkar alþjóðahyggju, Samfylking, Viðreisn og Píratar, eru eins og úldnir kartöflusekkir. Þeir hafa ekkert til málanna að leggja og híma úti í horni, illa þefjandi og skömmustulegir. ESBguðinn var afhjúpaður sem forneskja og hindurvitni.“

Ég sé ekki betur en að Páll komi vel orðum að því sem um er að ræða. Þröskuldurinn inn á Alþingi þyrfti að hækka frekar en að lækka til að hamla á móti smáflokkaglundroðanum.

Athugasemdir

[GÍSLI HOLGERSSON - ICELAND (IP-tala skráð) 20.3.2020 kl. 13:40]

NEITAUM öllu VALDBOÐI og SKIPUNUM ESB sinna frá BRUSSEL fyrir fámenni ÍSLENDINGA. "ALÞJÓÐAHYGGJAN ÚTRÝMIR SÉRSTÖÐU ÍSLANDS". Við viljum frjáls viðskipti við HEIMINN og gera ALLT sjálfir varðandi RÆKTUN, VEIÐAR, "HUGVIT" og SAMSKIPTI.

Stjórnmálaflokkar, einstaklingar og fyrirtæki, sem ekkert sjá nema getuleysi esb sinna í BRUSSEL FALLA frá ALÞINGI.

FRAMTÍÐ OKKAR verður með BJARTSÝNUM ÍSLENDINGUM, sem taka ákvarðanir með ÍSLANDI.