Halldór Jónsson

29.3.2020 | 13:12

Jón Magnússon

hæstaréttarlögmaðurinn góði setur eftirfarandi áherzlu í bloggi sínu:

"...Það sem við vitum fyrir víst um þessa veiru í dag er að hún er fyrst og fremst hættuleg fyrir fólk sem hefur náð sjötíu ára aldri og þaðan af meira og er með undirliggjandi sjúkdóma.

Er þá ekki mikilvægast að reyna eftir megni að koma þeim þjóðfélagshópi í var, en láta þjóðfélagið ganga að mestu leyti sinn gang að öðru leyti?

Fólkið sem hefur verið í framlínunni hjá okkur í baráttunni við þessa veiru hefur staðið sig vel og gert sumt best af því sem gert hefur verið í heiminum. Það kemst þó ekki hjá því að verða fyrir áhrifum stöðugt harkalegri aðgerða sem gripið er til annarsstaðar, sem og ákalli öfgafólks um að lokað verði á alla mannlega starfsemi í landinu. En þar reynir á, að það sé gert sem þarf, en frjóangar atvinnulífsins séu ekki drepnir eða settir í dvala umfram það sem brýna nauðsyn ber til."

Þau okkar sem tilheyra þessum áminnsta aldurshópi gera áreiðanlega best í því að reyna að halda sig sem mest út af fyrir sig og fara helst hvergi.Birgi sig upp með Bónussúpur og 1944 úrval,G-mjólk, brauð og smér, sápu og spritt á hurðarhúna sem aðra snertifleti utan íbúðar.En yngra fólkið sýnir áfram sinn hetjuskap og fórnfýsi eftir föngum sem hið daglega líf krefst.

Þetta er algert skelfingarástand og hvergi von um linun í augsýn því miður. Boris telur að ástandið muni aðeins geta versnað áður en það getur besnað. Það er hugsanlega ár í bóluefni fyrir þá sem þá ekki hafa tekið veiruna.Efnahagur heimsins er hruninn og enginn sér fyrir hvað verður.Líklega hefði séra Sigvalda þótt ástæða til að fara að biðja Guð að hjálpa sér.

En við hinir eldri skulum taka mark á orðum Jóns Magnússonar lögmanns og vanda okkur sem aldrei fyrr og reyna að þrauka.

Flokkur: Stjórnmál og samfélag | Facebook