Einkareknir fjölmiðlar

eiga að verða áskrifendur að ríkisfé.

Allt réttlætt með tilvist RÚV.Fólkið vill bara hafa RÚV allir nema samviskulitlir gróðapungar sem vilja hafa sogrör ofan í annarra manna sjóðum. 

Við skattframleiðendur eigum sem sagt að fara að borga kommúnistaflokki Egilssonbræðra fyrir framleiðslu á skítnum sem frá þeim streymir?

Borga fjárplógsmanni eins og Birni Inga Hrafnssyni fyrir ámóta starfsemi?

Borga

Helga Magnússyni Hafskipskappa fyrir að reka áróður fyrir ESB?

Og hlálegast af öllu Arnþrúði Karlsdóttur fyrir að hakka á þjóðfélaginu   og öllu óréttlæti  í nafni þess sem þau Pétur telja réttlætið sem er annað en það sem að okkur snýr frá stjórnvöldum?.

Mannlíf kemur einu sinni í viku frá tæknilega gjaldþrota félagi Hreins Loftssonar hæstaréttarlögmanns sem heitir Birtingur.Verður honum reddað með ríkisfé og bjargast málflutningsréttindi hans með því að fá nýjan stjórnarformann í Birting?

 

Hvað verður um trúverðugleika hjúanna á Útvarpi Sögu  þegar þau taka við betlifé innan um jarmið frá þeim um að fólk styrki Útvarp Sögu inn á bankareikninga til að tryggja skoðanafrelsið? Hvað hafa þau sjálf í kaup og risnu? 

Hvað verður um frelsið hjá þeim fjölmiðli sem þau auglýsa sem allra óháðastan?   Bítur hundurinn höndina sem fóðrar hann? Góði dátinn Svejk kunni alveg á hunda og vissi að leiðin að hjarta þeirra er í gegnum höndina sem heldur á pulsu.

Ég hef baksað við að gera út fjölmiðil.www.samurfostri.is. Hann er auðvitað svo lítill og lélegur vegna fjárskorts að hann kemur sjaldan út.En hann skuldar engum neitt. Og vegna smæðarinnar kemur hann ekki til greina við úthlutun á opinberu fé.

Það bað mig enginn að gefa hann Sám fóstra út frekar en ég bið Sigurjón Egilsson að halda úti www.Miðjan.is eða bið Helga Magnússon að bera það ómerkilega Evrópusinnaða áróðursrit Fréttblaðið heim til mín á hverjum morgni. Ég myndi ekki sakna þess eina mínútu þó að 89.999 eigi að gera það eftir því sem Helgi segir þá lesa það á hverju morgni þrátt fyrir að raunverulegur lesturinn nemi víst ekki helmingi af þeirri tölu.

Aumingja regnskógarnir sem þjást fyrir þessa pappírssóun sem ekki kemur að neinum notum nema í endurvinnslu.

 

 

Ég borga hinsvegar sjálfviljugur fyrir Morgunblaðið en svo lítið að það er á hvínandi hausnum.Það væri afleitt ef það hætti að koma út og segja sínar skoðanir og fréttir og maður sæti uppi án þess að minnsta kosti meðan Davíð er þar. Mér fyndist blaðið og Davíð setja stórlega niður ef það ætlar að þiggja svona peninga úr Framsóknarlúku Lilju Alfreðsdóttur þó falleg sé.

RÚV er nóg til að styrkja fyrir okkur sem eigum að borga.Ég þarf ekki á skítnum úr Pressunni eða Miðjunni að halda. Hringbraut er ágæt og ég horfi á hana ef hún getur borið sig. En Fréttablaðið er mér nákvæmlega sama hvort kemur eða ekki.

Ég skal hlusta á Útvarp Sögu í bílnum  meðan það er vesælt en sjálfstætt en ekki þegar það er orðið að hundi sem ríkislúkan fóðrar með pulsugjöf.

Mannlíf og ámóta rit mega koma koma ef ég þarf ekki að borga fyrir það beint eða óbeint og Sámur fóstri kemur ef einhver vill auglýsa í honum einhvern tímann sem verður víst ekki fyrr en eftir veiru.

Ætlar Sjálfstæðisflokkurinn  minn gamli að samþykkja þessar fyrirætlanir kommúnista og Framsóknarmanna?

Einkareknir fjölmiðlar á ríkisframfæri-SVEIATTAN.

 

Athugasemdir

[Þorsteinn Siglaugsson, 10.4.2020 kl. 14:42]

Það eina sem breytist, verði farið að styrkja einkarekna fjölmiðla, er að auglýsingaverð lækkar. Þeir einu sem græða á þessu verða því auglýsendur og auglýsingastofur.

[Örn Gunnlaugsson, 11.4.2020 kl. 00:57]

Já Halldór, skrýtin planta þessi ríkissjóður, um leið og eitt aldin er slitið af vex annað umsvifalaust.... eða því trúa peningadreifararnir á Austurvelli amk. Ég myndi gjarnan vilja hafa eins og eina svona plöntu í potti hjá mér, td. við hliðina á kryddjurtunum.

[Jón Steinar Ragnarsson, 11.4.2020 kl. 11:05]

Það undrar mig mest að einkaframtaksflokkurinn, með öfugmælanafnið, sjálfstæðisflokkurinn, standi fyrir þessum sósíalisma. Þetta er algert rugl. Fjölmiðlar skulu bara standa og falla eftir eigin verðleikum eins og önnur fyrirtæki. Lélegur fjölmiðill sem engin tekur mark á eða kaupir. Fjölmiðill sem er svo salppur að enginn vill auglýsa í honum, á að deyja drottninsínum eins og hver önnur leleg afurð.

Ég er ekki viss um að þetta standist stjórnarskrá með tilliti til jöfnuðar.

Ætli maður opni ekki heimasiðu og hendi inn drasli sem maður pikkar upp af netinu til að eiga heimtingu á styrk. Það má gera margt undir þessu víðáttubreiða hugtaki "fjölmiðill" og kannski halda úti margskonar slóðum til að mjólka þetta almennilega.

Þessir hryggleysingjar á þingi lúffa fyrir öllu kvabbi og bitlingum þrýstihópa án andmæla. Bara nefna það og heftið er okkar er komið á loft án þess að við séum spurðir.

[GÍSLI HOLGERSSON - ICELAND (IP-tala skráð) 11.4.2020 kl. 11:14]

ÞARNA er verið að kaupa velvilja BLAÐA og FRÉTTAMANNA?. Þetta undirstrykar "RÍKISKERFIÐ", sem þegar er í hámarki.  

[Örn Einar Hansen, 12.4.2020 kl. 12:30]

Þorsteinn, ég gef algeran skít í hvað "auglýsndur" hafi út úr þessu. Hvað fá skattgreiðendur fyrir þá peninga sem þeir þurfa að greiða í skatt? fleiri sorprit?