Æ, aumingja Flugvöllurinn

í Reykjavík sem Bretarnir gáfu íslensku þjóðinni að mér viðstöddum og Ólafi Thors sem tók við gjöfinni.

Nú er honum enn sýnt banatilræði af bræðingsmeirihluta í Borgarstjórn Reykjavíkur. Áður var meirihlutinn búinn að vinna mikið skemmdarverk á vellinum með byggingu nýrra Póla úr steinsteypu sem mörgum finnst ljótasta byggð sem nokkur hefur séð.

Hvað er til bragðs að taka gegn þessari aðför?

Það verður að grípa til allra mögulegra lagaráða í trausti þess að þessi meirihluti verði farinn frá áður en skaðinn verður skeður í Skerjafirði. Miðað við þá afspyrnu fyrirlitningu og fjandskap sem Dagur B. Eggertsson og hans fólk sýnir venjulegum borgurum í höfuðborginni hlýtur þetta yfirstandandi kjörtímabil vinstri manna að verða að síðasta í langan tíma.

Nú eru góð ráð dýr og Hollvinasamtök Reykjavíkurflugvallar  undir traustri forystu Friðriks Pálssonar mega ekkert til spara að finna ráð til að stöðva þetta fólk og tefja.

Þjóðarnauðsyn ber til að allir hollvinir Reykjavíkurflugvallar fylki sér að baki Friðriks til að bjarga aumingja Flugvellinum okkar úr höndum óvinanna í Borgarstjórn Reykjavíkur.  

Athugasemdir

[Vagn (IP-tala skráð) 2.6.2020 kl. 20:17]

Steypan og braggarnir sem Bretarnir gáfu íslensku þjóðinni að þér viðstöddum og Ólafi Thors, landið var ekki Breta að gefa, voru kosin burt fyrir mörgum árum síðan. Og eins og með Brexit þá stendur kosningin og ekki er efnt til annarrar þó einhverjir séu ekki sáttir við fyrri niðurstöðu.

Venjulegir borgarar í höfuðborginni nýttu sér sinn lýðræðislega rétt og kusu flugvöllinn burt og það er afspyrnu fyrirlitning og fjandskapur í garð þeirra að hundsa niðurstöðu þeirrar kosningar. Auk þess að vera aðför að lýðræðinu.

[GÍSLI HOLGERSSON - ICELAND (IP-tala skráð) 3.6.2020 kl. 11:13]

REYKJAVÍKURBORG-höfuðborgin er á framfæri Ríkisins?. Gjafir ENGLENDINGA varðandi flugvöllinn er forn frægð. Síðar gáfu AMERIKUMENN okkur KEFLAVÍKURFLUGVÖLL. Við erum heppin...

REYKJAVÍKURBORG með ÖRUGGUM FLUGVELLI gerði ÍSLAND að MIÐBORG, "FRIÐARBORG" fyrir frjálsan VESTURHEIM. 15/fimmtán mínútur frá flugvelli til Hótelana innan og utan Reykjavíkur.

Bæjarstjórn GARÐABÆJAR byggði upp fagurt SJÁLAND undir fallega byggð við Arnarnesvog.  ÞAÐ ER AUÐVELT FYRIR REYKJAVÍKURBORG AÐ BYGGJA UPP Á GRYNNINGUNUM VIÐ FLUGVÖLLINN OG LEYSA ÞVARGIÐ UM STAÐSETNINGU FLUGVALLA.