Með öllum mjalla?

spyr maður sig þegar maður les texta eftir tvo áberandi menn.

Sá fyrri er Gunnar Smári Egilsson sem ljóðar svo á Sjálfstæðisflokkinn, stærsta stjórnmálaflokk Íslands sem hefur verið lengst við völd af slíkum fyrirbrigðum og ávallt á uppgangstímum þjóðarinnar:

"Sjálfstæðisflokkurinn er og hefur alltaf verið óstjórntækur; virðir ekki lýðræði né rétta stjórnsýslu þar sem hann telur sig vera í heilögum rétti við að færa eigur almennings til hinna ríku. Hann gengur um almannaeigur með ránshendi þar sem hann telur sameign almenning í eðli sínu vera rán sem hann vill leiðrétta. Sorglegt að flokkar sem þykjast virða almannahagsmuni skuli styðja þessi eigna- og valdaránssamtök hinna ríku til valda, átta sig ekki á að Sjálfstæðisflokkurinn er í reynd niðurrifsafl, krabbamein sem sest á almannahag og almannaeigur."

Sá seinni er prófessor Þorvaldur Gylfason sem er álíka ofstækismaður og Gunnar Smári:

Hann skrifar svo um Bandaríkjaforseta:

"Hluti skýringarinnar á þessum mikla mun á Bandaríkjunum og Evrópu er að í Hvíta húsinu situr forseti sem er bæði fífl og gangster, en svo illa er ekki komið fyrir Evrópu nema bara á stöku stað."

Eru menn hissa á því að menn treysti sér ekki til að hafa þennan mann sem riststjóra á virtu hagfræðitímariti. Mér finnst ástæðan blasa við rétt eins og þegar maður veltir fyrir sér andlegu heilbrigði Gunnars Smára, fyrrum Baugsþjóni.

Á hvaða stað eru stjórnmálin komin þegar þessi er tónninn sleginn?

Eru þessir menn með öllum mjalla eins og stundum, var sagt í gamla daga.

Athugasemdir

[Þorsteinn Siglaugsson, 6.7.2020 kl. 20:51]

Nú ert þú gamall maður orðinn Halldór minn. Finnst þér þá ekki tíma þínum betur varið í annað en að vera að pirra þig á að lesa þvaðrið í Fjögurra blaða Smáranum og Þorvaldi Gylfasyni, sem eru báðir ruglaðir menn? Sjálfur er ég yngri en þú, efnislega að minnsta kosti, en kannski ekki í andanum. En ég læt mér ekki detta í hug að vera að lesa svona þvætting. Lestu frekar eitthvað uppbyggilegt Halldór. Ég mæli með Spectator.

[GÍSLI HOLGERSSON - ICELAND (IP-tala skráð) 8.7.2020 kl. 11:43]

MBL í dag minnist á "óskastjórn" vinstrimanna. Flokkarnir eru "endurfædd" Samfylking+Viðreisn,Píratar og Loftshópur VG og Svíþjóðar Grétu og "ríkisdraumar" demokrata. Fyrstu skref ÞESSA HÓPS, eru samningar við skipulagsleysi ESB í Brussel. Kjörinn FORSETI okkar á BESSASTÖÐUM og sannir ÍSLENDINGAR verða að verja OKKUR frá þessum LANDSÖLUMÖNNUM. Það vantar stjórnmál fyrir ÍSLAND og ÍSLENDINGA.

Við verðum að fyrirgefa Landskunnum mönnum, sem eru langt að baki forseta Bandaríkjanna á öllum sviðum með fáránlegu bullutali. Lífgið upp á sálu ykkar og skoðið FOX, SKY og BBC. Vinsældir CNN eru FALLANDI og fara enn minnkandi.