Stjórnarskrá eða einokun?

Í Morgunblaðinu stendur:

"Það hrikti í stoðum ís­lensks vinnu­markaðar við til­kynn­ingu Icelanda­ir um ein­hliða slit á samn­ingaviðræðum við Flug­freyju­fé­lag Íslands (FFÍ) föstu­dag. Hrint var af stað at­b­urðarás sem á fáa sína líka og mörg þung orð hafa fallið í kjöl­farið.

Á laug­ar­dag bár­ust þau tíðindi að aðilar væru sest­ir að samn­inga­borðinu að nýju og aðfaranótt sunnu­dags bar ný­und­ir­ritaður kjara­samn­ing­ur dags­ins ljóst. Þessi hraða og óvenju­lega at­b­urðarás hef­ur vakið marg­ar spurn­ing­ar.

Í sam­tali við mbl.is seg­ir Drífa Snæ­dal, for­seti ASÍ, að í þess­ari at­b­urðarás komi fram „takt­ar sem við höf­um ekki áður séð á ís­lensk­um vinnu­markaði“. Þarna komi fram sú ný­lunda að at­vinnu­rek­end­ur telji sig þess um­komna að sniðganga lög­legt stétt­ar­fé­lag og velja þess í stað að finna nýtt fé­lag sem er ódýr­ari kost­ur, án þess að það sé nán­ar skil­greint. Hún seg­ir að þar á bæ muni menn ekki eft­ir viðlíka aðferðarfræði frá því að lög um stétt­ar­fé­lög og vinnu­deil­ur voru sett árið 1938.

Drífa seg­ir að þetta sé „gríðarlegt áhyggju­efni“ og undr­ast að Sam­tök At­vinnu­lífs­ins (SA) hafi lagt bless­un sína yfir þessa veg­ferð. Hún seg­ist mjög hugsi yfir því að flug­menn hafi lagt bless­un sína yfir því að ganga í störf flug­freyja í stað þess að sýna sam­stöðu með sam­starfs­fólki.

mbl.is leitaði viðbragða Hall­dórs Benja­míns Þor­bergs­son­ar, fram­kvæmda­stjóra SA. Hann bend­ir á að fé­lagið hafi verið í samn­ingaviðræðum í 19 mánuði og seg­ir ekk­ert hafi skort á samn­ings­vilj­ann af þeirra hálfu. Hann seg­ir all­ar full­yrðing­ar um vilja­skort úr lausu lofti gripn­ar „sér­stak­lega í því ljósi að við und­ir­rituðum kjara­samn­ing sem FFÍ felldi síðan“. Komið hafi verið á leiðar­enda og ekk­ert annað í stöðunni en að leita nýrra úrræða."

Eftirfarandi ákvæði er  að finna í Stjórnarskrá lýðveldisins Íslands.    

 74. gr.
 [Rétt eiga menn á að stofna félög í sérhverjum löglegum tilgangi, þar með talin stjórnmálafélög og stéttarfélög, án þess að sækja um leyfi til þess. Félag má ekki leysa upp með ráðstöfun stjórnvalds. Banna má þó um sinn starfsemi félags sem er talið hafa ólöglegan tilgang, en höfða verður þá án ástæðulausrar tafar mál gegn því til að fá því slitið með dómi.
 Engan má skylda til aðildar að félagi. Með lögum má þó kveða á um slíka skyldu ef það er nauðsynlegt til að félag geti sinnt lögmæltu hlutverki vegna almannahagsmuna eða réttinda annarra.
 Rétt eiga menn á að safnast saman vopnlausir. Lögreglunni er heimilt að vera við almennar samkomur. Banna má mannfundi undir berum himni ef uggvænt þykir að af þeim leiði óspektir.] ¹⁾
    
 75. gr.
 [Öllum er frjálst að stunda þá atvinnu sem þeir kjósa. Þessu frelsi má þó setja skorður með lögum, enda krefjist almannahagsmunir þess.
 Í lögum skal kveða á um rétt manna til að semja um starfskjör sín og önnur réttindi tengd vinnu.

Er það ekki hlálegt að þeir  sem krefjast mest endurskoðun á öðrum ákvæðum Sjónarskrárinnar skuli nú vera ákafastir í að vilja kúga hópa manna undir þvinganaaðild að félagasamtökum sem eru löngu komin undir pólitíska stjórn.

Er ekki ASÍ löngu orðið pólitískur orrustuvöllur?

Hvað gildir í landinu, Stjórnarskráin eða einokun verkalýðsfélaga með skylduaðild?

 

 

Athugasemdir

[Kristinn Bjarnason (IP-tala skráð) 23.7.2020 kl. 11:18]

Það þarf ekki sérfræðing til að sjá að Icelandair eiga ekki mikla möguleika í þessu nýja umhverfi. Laun starfsmanna hafa lækkað lítilsháttar miðað við önnur flugfélög og var reksturinn mjög erfiður fyrir. Enginn alvörufjárfestir legði fé í þetta félag. Verkalýðsfélög eru algjör tímaskekkja. Þau skaða alla, félagsmenn og fyrirtæki.

Ég tek undir með Boris, nú þarf að slátra heilögum kúm út um allt til að venjulegt fólk komist betur af. Fyrir utan verkalýsfélög þarf að loka Rúv sem er algjör skömm, loka sendiráðum sem eru barns síns tíma og skrúfa fyrir alla afþreyingu á vegum ríkissins. Með þessu móti væri hægt að lækka skatta verulega.

[Vagn (IP-tala skráð) 23.7.2020 kl. 16:53]

Skylduaðild er ekki til. Enginn er í stéttarfélagi nema hafa sótt um aðild. Og ASÍ er samtök stéttarfélaga. ASÍ hefur ætíð verið pólitískur orrustuvöllur, öll stéttarbarátta er pólitískur orrustuvöllur.