Þörf áminning Björns

Bjarnasonar til Morgunblaðsins. Forsíða þess var raunalega að forfa á fyrir okkur Sjálfstæðismenn.Að hampa þessum flokkssvikara Þorgerði Katrínu með þessum hætti en setja Bjarna Benediktsson á 2. síðu jafnast á við að birta skrif Leista-Björns Leví á miðopnu með reglubundnum hætti í niðurlægingu.

Björn Bjarnason segir:

"Morgunblaðið hampar Viðreisn

Vilji Morgunblaðið „stjórnmálavæða“ COVID-19-umræðuna ætti blaðið að velja sér annan bandamann til þess en formann Viðreisnar.

Fimm dálka forsíðufyrirsögnin: Komið að stjórnmálamönnum í Morgunblaðinu í dag (10. ágúst) er sérkennileg í ljósi þess að frá því í febrúar hefur verkefnið sem um er rætt í fréttinni verið eitt helsta viðfangsefni stjórnmálamanna hér á landi og raunar um heim allan.

Hér á landi hafa ráðherrar og ríkisstjórn farið að ráðum sóttvarnafræðinga og jafnan tekist að finna meðalveg til að halda friðinn í þeim hópi og meðal þjóðarinnar.

Þá hefur stjórnvöldum tekist að halda þannig á málum að kaupmáttur er nú meiri hér en nokkru sinni áður eins og Bjarni Benediktsson, fjármála- og efnahagsmálaráðherra, segir í sama tölublaði Morgunblaðsins. Hefði sú frétt frekar átt heima sem fimm dálka á forsíðunni heldur en að gefið skuli til kynna að stjórnmálamenn hafi ekkert komið að COVID-19-gagnaðgerðum.

Með skrýtnu fyrirsögninni er Morgunblaðið að hampa orðum Þorgerðar Katrínar Gunnarsdóttur, formanns Viðreisnar, sem greip á lofti þá skoðun Þórólfs Guðnasonar sóttvarnalæknis að nú væri það í höndum kjörinna fulltrúa að ákveða hvernig ætti að takast á við veiruna til lengdar. Þessi orð eru markverð vegna þess að Þórólfur virðist nú telja unnt að grípa til aðgerða sem dugi til langs tíma, nú gilda aðgerðir til fimmtudagsins 13. ágúst. Þetta er í raun fréttapunkturinn en ekki hitt að komið sé að stjórnmálamönnum!

Í blaðinu er haft eftir Þorgerði Katrínu:

„Ríkisstjórnin getur ekki lengur skýlt sér á bak við almannavarnateymið og sóttvarnaforsendur einar og sér. Ég get ekki ímyndað mér annað en að þau hafi verið að vinna að þessu í sumar og séu tilbúin núna í þessari viku sem er að byrja að sýna á þessi pólitísku spil hvað það er sem er í kortunum. Ríkisstjórnin er að auka óvissuna en ekki eyða henni.“

Á vefsíðunni vardberg.is birtist sunnudaginn 9. ágúst forvitnileg úttekt sérfræðinga í Bretlandi á áhrifamætti framgöngu og ræðumennsku þjóðarleiðtoga. Úttektina má sjá hér. 

Í lok hennar er vikið að tveimur sem mættu bæta sig, Boris Johnson, forsætisráðherra Breta, og Donald Trump, forseta Bandaríkjanna. Um Trump segir:

„Sagt er að Trump hafi jafnan fylgt þeirri stefnu að „hugsa upphátt“ þegar hann taki til máls opinberlega. Þetta hafi ekki breyst eftir að hann varð forseti í janúar 2017. Hann bregðist við spurningum án þess að gefa sér tíma til að hugsa og það bögglist síðan fyrir honum að veita ígrundað, viðeigandi svar.“

Þessi lýsing á nú vel við þegar Þorgerður Katrín gengur fram á völlinn til að koma höggi á pólitíska andstæðinga sína. Það sem hún segir í tilvitnuðum orðum um störf ríkisstjórnarinnar vegna COVID-19-faraldursins styðst ekki við nein rök.

Vilji Morgunblaðið „stjórnmálavæða“ COVID-19-umræðuna ætti blaðið að velja sér annan bandamann til þess en formann Viðreisnar."

Undir þetta er tekið og þetta er þörf áminning til Davíðs.

Athugasemdir

[Grímur Kjartansson, 10.8.2020 kl. 14:27]

Sýnir að Davíð er ekki eins langrækinn og sögur um hann segja?

Ekkert launungamál að Davíð hafði mikið álit á ÞKG þegar hún var í Sjálfsræðisflokknum svo önnur skýring gæti verið að hann eygji möguleika á að hún komi heim einsog týndi sonurinn í Biblíunni?

Annars er Fréttablaðið  svo hliðholt ESB draumnum að manni svelgist stundum á morgunkaffinu en hafði þó sunnudaga og mánudaga ESB dagblaðsfría en ekki lengur að því virðist.

[GÍSLI HOLGERSSON (IP-tala skráð) 11.8.2020 kl. 00:20]

MORGUNBLAÐIÐ VAR SANNUR VITNISBURÐUR UM FULLVELDIÐ OG SJÁLFSTÆÐI ÍSLENDINGA. Það hljómar ILLA að ganga undir stjórnmálaflokkum og einstaklingum, sem vegsama getu og gagnleysi Evrópusambandsins, sem engin mál leysa og síst fyrir okkar ÍSLENDINGA. Það vantar ÞJÓÐARLEIÐTOGA inná ALÞINGI, sem vinna fyrir ÍSLAND, en EKKI með ALÞJÓÐAembættismönnum, demokrötum og hugmyndum Svíþjóðar Gretu. 

Ég er sammála Grími Kjartanssyni.

ÍSLANDI vantar "OFURFLOKK" fyrir ÍSLAND við næstu kosningar.

TRUMP er minn maður í AMERIKU og öllum Vesturheimi. Lágkúra og illmælgi ÍSLENDINGA í háum embættum er til skammar fyrir ÍSLAND. Þessir sömu menn eru ekki með tærnar þar sem hann hefur hælana. Hann er ÞJÓÐARLEIÐTOGI, sem menn taka mark á