Borgarlínan og bíllinn

er það sem kjósendur hafa um að velja í næstu kosningum.

Ef maður flettir blöðunum þá getur maður borið saman flatarmál bílaauglýsinga og reiðhjólaauglýsinga. Má draga ályktanir af þessu hvað stendur hjarta kjósenda næst? Bíll eða önnur farartæki?

Hefur nokkur kannað hvers meðalfjölskyldan óskar sér mest? Borgarlínu eða góðs bíls?

Athugasemdir

[Geir Ágústsson, 19.8.2020 kl. 13:06]

Langflestir þurfa, og þá meina ég þurfa, bíl, og margir vilja eiga bæði. Þá ekki eingöngu til að komast í og úr vinnu heldur þarf að skutla hinum og þessum hingað, versla inn (ekki selur kaupmaðurinn á horninu áfengi svo það þarf að keyra eftir því) og almennt forðast veðrið þegar maður er á ferðinni.

Þetta breytist ekki þótt göturnar séu troðfylltar af risastórum strætisvögnum sem keyra frá biðskýli til biðskýlis.

En það er spurning hvort rafdrifin örfarartæki muni breyta einhverju.