Bjart framundan

þrátt fyrir allt hjá okkur Íslendingum í fyrstu röð og síðan heiminum öllum.

Hversvegna?

Jú það er líklegt að í október verði komnar dagsetningar á það  hvenær bóluefni verða fáanleg gegn Kínapestinni. Verði svo þá er Trump búinn að vinna kosningarnar í nóvember og þá er von um friðsamari heim sem er ekki ef stríðsæsingaflokkur Demókratanna kæmist til valda.

Trump er friðarsinni eins og bisnessmenn eru og ég hygg að með kjöri hans muni samvinna Bandaríkjanna við Pútín verða líklegri en ella sem þýðir betri heimur.

Verði svo að í október hilli undir dagsetningar á bóluefni þá breytist allt í heiminum. Fólk fer aftur að gera áætlanir og þá færist margt til betri vegar.

Vonandi fara Íslendingar að sækja sjóinn fastar og afla tekna og Kristján Þór rekur af sér slyðruorðið og Samherjastimpilinn sem er því miður farinn að há þeim ágæta manni verulega meðal almennings. Áróðurstríð má ekki leiða hjá sér og Hafró getur ekki bara þagað þunnu hljóði við kröfum almennings um aukinn afla.

Ég spái því að aftur verði komin aukin bjartsýni varðandi efnahagsbata á árinu 2021 í október og fólk verði þá farið að trúa á bjartari tíð framundan.

Athugasemdir

[Halldór Jónsson, 1.9.2020 kl. 09:29]

Georg Eiður árnasons skrifar úr bvVestmannaeyjum:

" Í síðustu greinum mínum fjallaði ég um tillögur Hafró og hugsanleg viðbrögð ráðherra og síðan skoðanir mínar á þessu, byggðar á reynslu og þekkingu minni.

Það kom ekkert sérstaklega á óvart að ráðherra skyldi fara í einu og öllu að tillögum Hafró, enda gengur núverandi kvótakerfi út á það og það í raun og veru alveg sama hversu vitlausar tillögurnar eru, en að sjálfsögðu er það ríkisstjórnin öll sem ber ábyrgð á niðurstöðunni, en í þessari grein ætla ég aðeins að fjalla um tegundir sem tengjast á þann hátt, sem kannski ekki augljóst er fyrir alla.

Fyrst aðeins um ýsuna og lönguna.

Langan er skorin niður um 16% fyrir nýja fiskveiðiárið, en ýsan aukin um 9%. Fyrir núverandi fiskveiðiár var ýsan skorin niður um tæp 30%, en aftur aukin um 40% fyrir síðasta fiskveiðiár, svo þetta er svo sannarlega eins og í hálfgerðu jójói.

Í sumar hitti ég fulltrúa Hafró hér í Vestmannaeyjum og spurði hann út í það, hvers vegna þeir lögðu til að langan yrði skorin niður um 16%, en svarið var eftirfarandi:

"Við sjáum alveg að langan er á uppleið, en okkur finnst vera svo mikið af smálöngu í löngustofninum að við ákváðum að leggja til þennan niðurskurð, til að spara stóru lönguna."

Það sem mér fannst merkilegast við þetta svar, er að þetta er nákvæmlega sama svarið með öfugum formerkjum og fylgir tillögum Hafró með 9% aukningunni á ýsukvótanum, eða þ.e.a.s. að vegna þess hversu mikið af smáýsu er að koma upp, þá er lagt til að auka ýsukvótann, mjög sérstakt.

Færri þekkja tenginguna á milli þorsksins og keilunar. Þorskurinn er skorinn niður um 6%, en keilan um ca. 50% og verður heildar keilukvótinn aðeins um 1300 tonn, en fyrir kvótasetningu á keilunni vorum við að veiða allt að 10 000 tonn á ári, en ég lýsti einmitt þeirri skoðun minni þegar keilukvótinn fór niður fyrir 5000 tonn, að nú væri hægt að veiða þennan kvóta hérna í kring um Vestmannaeyjar, en með nýjasta niðurskurðinum væri hægt að taka þann kvóta allan á Drangasvæðinu, allavega miðað við mína reynslu.

En hver eru tengslin á milli þessara tveggja tegunda?

Flestir þekkja að þorskurinn gengur upp á grunninn og fer síðan upp í hraunið til að hrygna, en þar bíður keilan sem er nánast friðuð í dag og étur sig kjaftfulla af þorskhrognum.

Og það passar, fljótlega eftir að þorskurinn hefur klárað sína hrygningu, byrjar keilan. 

En hvað ætti að gera í stöðinni?

Það hefur mikið verið fjallað um allar þær hörmungar og atvinnuleysi sérstaklega sem fylgir þessu Covid. Smábátasjómenn hafa verið virkilega ósáttir við ríkisstjórnar meirihlutann og ráðherrann, en ég hef reyndar lítið séð koma frá minnihlutanum, annað en hækkun veiðigjalda.

S.l. vetur skoðaði ég myndband, sem ég deildi á fésbókinni hjá mér, þar sem stór bátur tekur liðlega 10 tonna hal af stórþorsk. Nokkrum þorskum er stillt upp og svo rist á og í ljós kemur að allir eru þeir kjaftfullir af smáþorsk og einn og einn milliþorskur með. Það er augljóst mál, að óhætt er að auka verulega þorskkvótann nú þegar. Sama gildir um ýsuna, enda er hörku góð ýsuveiði allt í kring um landið. Klárlega hefði átt að lengja strandveiðitímabilið a.m.k. út september. Einnig tel ég að það myndi litlu breyta þó að handfæraveiðar væri frjálsar yfir hörðustu vetrarmánuðina, enda sér veðurfarið algjörleg um að hamla mönnum að stunda veiðar.

Einnig tel ég augljóst að þær kvótasetningar á tegundum sem algjörlega hafa misfarist og kvótarnir eingöngu notaðir í tilfærslur ætti að sjálfsögðu að taka nú þegar úr kvóta, enda hefur kvótasetning á þeim engu skilað, þó svo að alltaf hafi verið farið eftir tillögum Hafró  og má þar nefna sem dæmi keilu, blálöngu, litlakarfa, gulllax og hlýra. Að sjálfsögðu mætti líka, miðað hvað við sáum mikið af loðnu víða inni á fjörðum í vor, ætti nú þegar að gefa út að einhverjar loðnuveiðar yrðu leyfðar, og þá til manneldis, eingöngu veitt í nót. 

Bara þessar örfáu tillögur hér gætu skapað einhverjum þúsundum manna atvinnu hugsanlega og skilað milljörðum í þjóðarbúið og ekki veitir af, en til þess þurfa menn að sjálfsögðu að vera tilbúnir að horfa út fyrir línur núverandi kvótakerfis og ég skora á alla þá, sem beitt geta sér í þessa átt, að gera það nú þegar. 

Óska öllum sjómönnum og útgerðarmönnum gleðilegs nýs fiskveiðiárs."

[Halldór Jónsson, 1.9.2020 kl. 09:30]

Við verðum að veiða meira í þetta sinn.

[Þórhallur Pálsson, 1.9.2020 kl. 10:40]

Ótrúlegt að lesa það að þú óskir þess að siðblindur raðlygari í USA vinni kosningarnar í nóvember.

[Halldór Jónsson, 1.9.2020 kl. 11:19]

Hvernig mælir þú þitt siðferði og sannsögli Þórhallur?

[GÍSLI HOLGERSSON (IP-tala skráð) 1.9.2020 kl. 11:20]

FISKVEIÐAR og ÚTGERÐ er undirstaðan fyrir LÍFI á ÍSLANDI.

Förum hægt í að "brjóta niður og ransaka" stærstu útgerðar félögin opinberlega og ERLENDIS. Sá leikur endar illa!. Vinnum vel með Útgerðinni og "smábáta útgerð".

ÚTGERÐARFÉLAG gæti stóraukið flutning erlendra farþega til VESTMANNAEYJA, með því að sýna nýveiddan fiskinn og vélræna fiskvinnslu í fiskvinnsluhúsinu.    

[GÍSLI HOLGERSSON (IP-tala skráð) 1.9.2020 kl. 11:49]

Donald J.TRUMP er sigurvegari og ÞJÓÐARLEIÐTOGI AMERIKU, sem vinnur STÓRT 3. nóvember.  Ég gef honum 80% sigur fyrir að vera sannur, sannsögull og fara að Kristnum siðum. SUMIR gefa honum hærri prósentu. 

DEMOKRATAR fara með veggjum og óttast um "framtíð" sína og "hjáverk" innan og UTANLANDS fyrir AMERISKA RÍKIÐ.

Næstu skref eru að vinna á "feninu" í Washington. 

[Tómas Ibsen Halldórsson, 1.9.2020 kl. 14:07]

Ég er sammála þér Halldór að Donald J.Trump mun vinna kosningarnar 3.nóvember. Fjöldi demókrata er að færa sig yfir í Trump fylgni þar sem þeir sjá mann sem stendur við það sem hann segir en demókrataflokkurinn er í rúst. Joe Biden er stefnulaus. Ótrúlegt að hann skuli hafa verið tilnefndur sem frambjóðandi demókrata, en þeir höfðu svo sem ekki úr neinu að velja.

Hvað bóluefni viðkemur þá ættu allir að forðast það að láta bólusetja sig, það gæti valdið fóli ómældum skaða að láta sprauta í sig einhverjum óþvera, það hefur sannast víða að illa hefur farið fyrir þeim sem bólusettir hafa verið að tilstuðlan Bill Gates.

Það tekur 7 til 20ár að prufa bóluefni áður en þau eru notuð. Nú á að hlaupa til handa og fóta og bólusetja alla heimsbyggðina að kröfu BG. Hver hefur kosið þann mann til að ráðskast með heimsbyggðina? hann er ekki læknismenntaður, hann kláraði ekki nám, hann hefur komist yfir auð frá foreldrum sínum og með svikum gagnvart þeim sem unnu með honum.

Efni sem fundist hafa í bóluefnum eru hlutir sem eru ekki til að hjálpa heilufari fólks s.s. kvikasilfur, ál, svínablóð, blóð úr börnum sem drepin hafa verið í móðurkviði o.s.fr.

Bólusetningar munu ekki koma neinum að gagni, þvert á móti.

Ég hvet fólk til að hlusta á ræðu Roberts F.Kennedy jr., hann hefur verið í hópi þeirra sem rannsakað hafa áhrif bólusetninga á börn í áratugi. RFK talaði á útisamkomu í Berlín 29.ágúst s.l., það er vert að hlusta á hann.

https://www.youtube.com/watch?v=FjlK_Ef094o

[Halldór Jónsson, 1.9.2020 kl. 18:11]

Ibsen

Efni sem fundist hafa í bóluefnum eru hlutir sem eru ekki til að hjálpa heilufari fólks s.s. kvikasilfur, ál, svínablóð, blóð úr börnum sem drepin hafa verið í móðurkviði o.s.fr.

Þetta á ekkert skylt við bóluefnið frá Moderna mRNA sem er genetisk verkfræði og ekkert skylt lífrænum úrgangi eða vírusnum sjálfum.www.modernatx.com

Þetta er vonin fyrir heiminn.

[leifur bjarnason (IP-tala skráð) 1.9.2020 kl. 23:44]

Ekkert af þessu mun rætast haldi kata og spilti bjarni á fram að ráða hér og sleepy joe tekur við americu þá er engin framtíð.

[Halldór Jónsson, 2.9.2020 kl. 12:38]

Um 200 bóluefni við COVID-19 eru í þróun og vinna við tíu þeirra er komin mjög langt. Þetta segir  Ásgeir Haraldsson prófessor í læknisfræði við Háskóla Íslands.  

 

Ásgeir var gestur Morgunvaktarinnar á Rás 1 í morgun þar sem hann ræddi stöðuna í leit að bóluefni við Covid 19, bólusetningar við inflúensu og öðru og veturinn framundan 

Ásgeir sagði að um væri að ræða mjög flókið og snúið ferli. „Heimurinn er að bíða eftir bóluefni við COVID-19. Það er hrikalega áhugavert og mjög spennadi og það sem er mjög ánægjulegt er að það eru nokkur bóluefni nú þegar í lokastigsrannsóknum, svokölluðum þriggja fasa rannsóknum og það eru bundnar töluverðar vonir við það. “

Í ljósi þessa sagði Ásgeir fyllstu ástæðu til bjartsýni. „Það er bóluefni á leiðinni og kannski ekki nema nokkrir mánuðir í að það komi smátt og smátt á markað.“

Ásgeir segir  að ef tilraunir gangi vel verði farið í það sem kallist Fasa 1 rannsóknir þar sem lítill hópur sé skoðaður og meðal annars fylgst vel með svörun ónæmiskerfisins og hugsanlegum aukaverkunum. Gangi þær vel sé farið í Fasa 2 þar sem stærri hópur sé bólusettur og skammtastærð fundin út. Gangi þær vel er farið í 3. fasa rannsóknir og þegar þeim lýkur er metið hvort bóluefnið hafi veitt vörn. “

„Þegar þetta er komið er hægt að skrá lyfið,“ sagði Ásgeir.