Klofajökull

Getur grennsti hhlutinn á rananum austur úr meginjöklinum ekki hafa verið klofinn frá og þar hafi Bárður farið um sem hefði stytt leiðina verulega og verið greiðfærari en krókurinn austur fyrir?

Hafi þarna verið skarð hversvegna var það?

Vegna skorts á ákomu?

Vegna hærra hitastigs?

Hvaða álit hefur dr.Haraldur Sigurðsson á þessum möguleika?

Klofajökull hefði tæplega fengið nafn vegna þess hvernig hann leit út úr fjarska heldur hvort hann vart klofinn í raun?

Athugasemdir

[GÍSLI HOLGERSSON (IP-tala skráð) 3.10.2020 kl. 13:10]

Við vorum spurð í prófunum í landafræði um 1950, af hverju jöklarnir væru stærstir á SUÐURLANDINU? Vegna ÚRKOMUNNAR var rétta svarið. (Þá var lika kennd KRISTINFRÆÐI)

[Hrólfur Þ Hraundal, 3.10.2020 kl. 13:47]

Já Halldór Jökullinn var í tvennu lagi og líkindi eru til þess að Norðlingalægð séu leifar klofans sem gaf nafnið.

En svo er og að gróður hafi líklega verið við Grímsvötn, en fyrir því hef ég eingin rök, en í foreldra húsum var mikið af bókum sem nú eru ekki þar sem þær ættu að vera.

[Ómar Ragnarsson, 3.10.2020 kl. 16:27]

Hvað íslenska jöklafræðinga áhrærir koma nöfn eins og Helgi Björnsson og Oddur Sigurðsson upp í hugann. Landslagið undir jöklinum hefur ráðið miklu og það ætti að vera hægt að skoða það. 

Síðan er þess að gæta að alla tíð hafa menn farið um jökla til þess að komast hjá því að fara yfir árnar, sem falla úr þeim, einkum á sumrin, þegar mikið er í ánum en neðstu hlutar jöklanna lausir við nýsnævi. 

Sagnir greina frá mömnum fyrr á öldum, sem komu yfir hálendið úr norðri til róðra frá Skinneyjarhöfða á Mýrum, um 15 km loftlínu fyrir vestan Höfn. 

[Geir Ágústsson, 6.10.2020 kl. 10:24]

Almennt virðist talið að Vatnajökull hafi alltaf verið ein samfelld ísbreiða, þó misstór/há:

https://www.visindavefur.is/svar.php?id=72209
https://www.visindavefur.is/svar.php?id=52708

Sennilega var hægt að komast yfir jökulinn á fæti/hesti í kringum landnám, en jökullinn var að stækka frá því fyrir 2500 árum þegar hann var varla mikið meira en nokkrir toppar hæstu fjallanna á svæðinu:

http://www.agust.net/wordpress/2015/12/12/loftslagsbreytingar-af-voldum-manna-eda-natturu-eda-kannski-hvoru-tveggja/