Gústaf Adolf góður

 

í afburðapistli hans um þátt Davíðs Oddssonar í baráttu þjóðarinnar frá hruni.

Það magn rógs og lyga sem undirmálshyskið í stjórnmálum um þessar mundir hraunar yfir þennan heiðarlega mann og einlæga ættjarðarvin er löngu orðið svo yfirgengilegt að margt fólk er farið að trúa lyginni vegna endurtekninganna að hætti Göbbels sáluga.

Það er sannarlega kominn tími til að tekinn sé upp hanskinn fyrir Davíð Oddsson sem einn besta son þjóðarinnar.

Gústaf Adolf Skúlason skrifar svo:

 

" Ég reyni alltaf að missa ekki lestur Reykjavíkurbréfa Morgunblaðsins sem yfirleitt eru fróðleg, snarplega skrifuð með heildstæða hugsun. Slíkt kemur ekki á óvart með einn reynslumesta og farsælasta núlifandi stjórnmálaleiðtoga Íslands í ritstjórastöðu Morgunblaðsins. 

Fáir Íslendingar hafa staðið við skjöld fjallkonunnar á jafn hreinskilinn og heiðarlegan hátt og sífellt unnið með þjóðinni og fyrir hana og Davíð Oddsson. Er hann einn af þeim þingmönnum og ráðherrum sem mark hafa tekið á eið sínum að starfa á grundvelli stjórnarskrárinnar, virða hana og vernda.

Reykjavíkurbréf dagsins er ljós í því ættjarðarmyrkri sem nú leggst á okkar fámennu góðu þjóð. Áframhaldandi ruglugangur sjálfskipaðra fræðinga með það helsta að vopni að stjórnarskráin hafi verið saumuð upp úr stjórnarskrá fyrir konungsveldi Danmerkur er ótrúleg afvegaleiðing frá sjálfu markmiðinu með aðförinni að stjórnarskránni. Á tíma Jóhönnustjórnarinnar eins og bent er á í Reykjavíkurbréfinu, var stjórnarskránni kennt um fjármálarányrkju útrásarvíkinganna sem notfærðu sér lagaveilu í regluverki Evrópusambandsins til að hefja „útrás" með stofnun fjármálafyrirtækja í löndum ESB. Allir vita hvernig það endaði enda í upphafi lagt út með að safna sem stærstum skuldum til að stela fyrir fyrirsjáanlegt gjaldþrot. Hvað hurfu margir miljarðar í gjaldþroti Baugs? Yfir þúsund ef ég man rétt. 

Allir vita líka að í mörg ár var togast á um að þvinga íslenska alþýðu og börn hennar til að axla afleiðingarnar af glæpaverkum stórþjófanna. Það var m.a. fyrir snerpu þess manns sem á pennanum heldur í Reykjavíkurbréfum Morgunblaðsins sem Íslendingar tóku sig saman og létu Evrópusambandið hanga með á dómi sem ESB fór halloka fyrir en Íslendingar unnu. Þau málalok stöppuðu stálinu í þjóðina - réttilega - og sýndu og sönnuðu að leiðsögn Davíðs Oddssonar, þrautseig barátta einstaklinga eins og Sigmundar Davíðs Gunnlaugssonar í InDefence ásamt kjarki Ólafs Ragnars Grímssonar forseta vörðu sjálfstæðið, fullveldið, sjálfsákvörðunarréttinn, lýðræðið og í áframhaldinu sjálft lýðveldið.

En seigt er í sýkli sósíalismans, þegar aðalóvinur þjóðarinnar innanlands var gerður að þingforseta Alþingis, Davíð Oddsson flæmdur með lögbroti úr Seðlabankanum og Sigmundur Davíð Gunnlaugsson flæmdur úr embætti forsætisráðherra með árás skipulagðri erlendis frá. Áframhaldið er á þeim nótum að fyrir utan að vinstri menn á Íslandi biðu hroðalegustu kosningaútreið í allri Evrópu á þeim tíma, þá eru þeir staðsettir í fleiri flokkum í dag og hefur tekist á rúmum áratug að kljúfa Sjálfstæðisflokkinn í helming þess mesta fylgis, þegar Davíð Oddsson var formaður flokksins. Og í dag telja margir kjósendur ríkisstjórnina vera vinstri stjórn og kalla hana sem slíka, þannig að ekki kemur á óvart að sjá einnig það orð notað í Reykjavíkurbréfinu.

Í víðara samhengi er málið grafalvarlegt og fjallar um fullveldi og sjálfsákvörðunarrétt Íslendinga nú og í framtíðinni. Vinstristjórnin vinnur ötullega að því að koma Íslandi endanlega undir völd ESB-skrímslisins og leikur fyrir akademíkera að froða furðulegum, óskiljanlegum orðum sem ekkert venjulegt fólk skilur. Litið er niður á kjósendur og þeim sagt að þeir skilji ekki málin en samt er veðjað til þeirra um atkvæði á kjördegi. Lýðræðið á Íslandi er á mörkum þess að verða embættisræði og ótrúlegt að horfa á hræsni þeirra, sem þykjast anna sjálfstæði þjóðarinnar, nota hverja stundu til að eyðileggja stjórnarskrána, sjálfan grundvöll lýðveldisins.

Fyrirlitningin á lögum, formlegum stofnunum lýðveldisins sem eru lýðræðisstofnanir á grundvelli stjórnarskrárinnar, er orðin svo útbreidd að „vandaðir" einstaklingar taka þátt í ljótri aðför að sjálfu lýðveldi Íslendinga. Það skiptir engu máli hvaða orð menn nota, þegar Alþingi er vikið til hliðar fyrir „ályktanir" í stað laga, sem flytja lýðræðisleg völd úr höndum þjóðarinnar til útlanda og er þá vegið beint að hjarta lýðveldisins – stjórnarskránni. Það voru mér vonbrigði að sjá Björn Bjarnason, sem var vakandi í Icesave, kolfalla svo á prófsteini orkupakkans og koma í kjölfarið með tillögur um að breyta stjórnarskránni til samræmis við aðildarríki ESB með sérstökum kafla ESB um yfirráð málaflokka viðkomandi þjóðar. Enn önnur vonbrigði voru að sjá Guðlaug Þór Þórðarson utanríkisráðherra umturnast í upphafningu sósíalista m.a.innan Sameinuðu þjóðanna. Hugmyndir utanríkisráðherrans í dag um setu við hlið glæpamanna í Mannréttindaráði SÞ eru samhljóma tillögum sósíalista. Ráðherrann hefur notað embættið sem kennarastöðu til að leiðrétta utanríkisstefnu Bandaríkjamanna rétt eins og þeir væru nemandi Íslands í utanríkismálum. Vinstristjórnin er vilhöll kínverska kommúnistaflokknum og ekki talið ámælisvert að fjármálaráðherrann og formaður Sjálfstæðisflokksins taki stöðu í bankaráði þess banka Kommúnistaflokks Kína, sem fjármagnar heimsútþenslu kommúnismans aðallega í verkefninu Belti og braut.

 

Ef nokkru sinni er ástæða til að verja stjórnarskrá íslenska lýðveldisins, þá er það núna. Skal höfundur Reykjavíkurbréfs hafa þakkir fyrir að halda uppi frelsiskyndlinum á þann hátt sem honum er treystandi fyrir og hefur ætíð reynst þjóðinni hið haldbesta vegarnesti."

Þessi pistill Gústafs Adolfs er drengileg vörn fyrir farsælasta leiðtoga þjóðarinnar í  lengd og bráð. Enn talar Davíð Oddsson skýrri röddu til okkar allra af reynslufjalli sínu sem vert er að hlusta grannt eftir.

Síbylja lukkuriddaranna og loddaranna sem halda því fram að ný stjórnarskrá bíði samþykkis frá stjórnlagaráði sem voru aldrei annað en tillögur, er meira bull en orðum taki. Þjóðin hefur ágæta stjórnarskrá og einhverjar umbætur á henni haf lítið með að gera það sem að er í daglegu lífi um þessar mundir.

Gústaf Adolf á þakkir skildar fyrir drengilegan pistil og þjóðhollan.

Athugasemdir

[GÍSLI HOLGERSSON (IP-tala skráð) 5.10.2020 kl. 17:28]

Það er GOTT að hlusta á frásögn GÚSTAFS ADOLFS um ÞJÓÐARLEIÐTOGANN DAVÍÐ ODDSSON, sem öllu réð og fámenni ÍSLENDINGA treystu. Þegar DAVÍÐ talaði um landsmál á RUV eða í Sjónvarpinu voru göturnar mannlausar. DAVÍÐ var sannur og bráð skemmtilegur og kjósendur treystu honum til góðra verka. Þá var lítið talað um stjórnmál. Menn treystu skoðunum DAVÍÐ

REYKJAVÍKURBRÉFIN í MORGUNBLAÐINU mættu heita "TIL FÁMENNI ÍSLENDINGA". Sagan og Landnámið.

Það er ekki mikill bragur á vinstraliðinu á landsvísu og í borgarstjórn. Tómur hópur getulausra esb sinna, sem vill drattast með EVRU ásamt getu, gagnslausri og stjórnlausri EVRÓPU, sem ekki ráða við eigin vandamál.

Logi og afturgöngurnar í Samfylkingunni vilja nú sameinast ÖLLUM vinstri flokkunum?  Er þetta framtíð ÍSLENDINGA? Þarna getum við kosið þetta "ágæta" fólk ut af ALÞINGI á einu bretti í næstu kosningum? 

Það var einn stjórnmálaflokkur, sem barðist fyrir ORKUNNI og sameiginlegum eignum undir stjórn Sigmundar DAVÍÐS.

DAVÍÐ ODDSSON, Séra GEIR WAAGE frá Reykholti í trúmálin og JÓN STEINAR lögmaður gætu fyllt getu og góðmennsku ÍSLENDINGA fyrstu 4 árin með þeim "EITTHUNDRAÐ EMBÆTTISMÖNNUM", sem fylgja ALÞINGI?

[Ómar Geirsson, 5.10.2020 kl. 17:34]

Samt vill Davíð drepa þig Halldór minn.

Í gúlaginu sagði sá merki andkommúnisti, Alexander Solzhenítsyn, að þar hafi verið verkstjóri sem var dæmdur sakamaður vegna andsovésks viðhorfa, þó alla sína tíð hafi hún, þetta var kona, verið eindreginn kommúnisti og stuðningsmaður Stalíns.

Allar þrautir sem á hana voru lagðar, öll slög sem hún lagði á samfanga sína sem dæmdir voru fyrir sama glæp, réttlætti hún með því að Stalín vissi ekki um það óréttlæti sem lagt var á hana, sem og aðra dygga kommúnista.

Verður þú jafn dyggur Halldór ef þau Frú Sigríður, Birgir greyið og Davíð, ná því í gegn að veirunni verði sleppt lausri??

Þau náðu að hindra nauðsynlegar sóttvarnir í um 2 vikur núna í haust.

Ennþá samt von um ykkur eldri Sjálfstæðismenn, en af hverju ætti Vonin að vernda ykkur þegar þið takið ofan húfuna í auðmýkt og múgsefjun fyrir fólkinu sem Vonin þarf að vernda ykkur fyrir??

Ég var ungur þegar ég las þennan bókarkafla í Morgunblaðinu, hann var mér lærdómur um hve alvarleg dómgreindarlaus fylgispekt er gagnvart Myrkrinu, sem étur upp allar hugsjónir og vonir um betra líf og betra samfélag.

Ég sé ekki samhengið milli þess, það er betra lífs og betra samfélags, og hins einbeitta vilja að leyfa veirunni að slátra ykkur Halldór.

En kannski var hún Galanova eða hvað sem hún hét, ekki svo vitgrönn eftir allt saman.

Hún dó samt í Gúlaginu.

Kveðja að austan.

[Halldór Jónsson, 5.10.2020 kl. 18:09]

'omar, Hvar hefur Davíð lagti til að sleppa veirunni lausriÐ Það hefur þa farið fram hjá mér.Davíð er skynsamur maður og bullar ekki mér vitanlega.

Sýndi mér hvað hann gerði svona vitlaust?

[Ómar Geirsson, 5.10.2020 kl. 21:05]

Ja hérna Halldór, nú skil ég betur sovésku bredduna sem lamdi samfanga sína í þágu 5 ára áætlunarinnar þó hún væri sjálf fórnarlamb, það var jú lífslygi undir.

Frá fyrsta degi ráðningar Andrésar Magnússonar, og því miður fyrr, hefur blaðið hamast gegn sóttvörnum þjóðarinnar.

Með því að upphefja málflutnings fólks eins og Sigríðar Andersen, með því að handvelja ófréttir sem eiga að styðja að sóttvarnaryfirvöld hafi farið offari við skimun á landamærum, með því að gefa vængi málflutning sem gengur út á að kreppan í ferðaiðnaðinum sé sóttvörnum að kenna og með beinum skrifum í Staksteinum og Reykjavíkurbréfum.

Hefur það farið framhjá þér að Davíð Oddsson er ritstjóri Morgunblaðsins??

Þegar opnun landamæra með skimun var knúin í gegn þvert á ráð lækna, þá þótti það ganga gegn meðalhófi góðrar stjórnsýslu að gera kröfu um skimun, hvað þá að rukka hóflega fyrir hana.

Hvað hefði gerst ef ekki hefði verið skimað??

Á mjög svipuðum tíma skrifar Sigríður tölu um að sóttvarnir vorsins hefðu verið of strangar samkvæmt þessari sömu meðalhófsreglu, vitnar í sænsku sóttvarnirnar.

Þegar smitið fór af stað, þá var hamast gegn tillögum um sóttkví og seinni skimun, og já Frú Sigríður skrifaði þá eitthvað svipað um brot á meðalhófi, og vitnaði aftur í góða reynslu Svía.

Þegar ljóst var að þriðja bylgjan var skollin á þá var svar Frú Sigríðar og Morgunblaðsins að fá símafund með manni sem ber beina ábyrgð á andláti rúmlega 5.000 samborgara sinna og fundurinn í beinni á Mbl.is. 

Tilgangurinn að sækja góð ráð, líklegast hvernig íslenskum sóttvarnaryfirvöldum mistókst að fella rúmlega 200 samlanda okkar Halldór, sem skýrt var tekið fram að yrði úr hópi eldra fólks og fólks með undirliggjandi sjúkdóma.

Og ég veit ekki betur en að þú tilheyrir báðum hópunum Halldór líkt og stærsti hluti áskrifenda Morgunblaðsins.

Hvað kallar þú það Halldór að knýja fram opnun landamæranna án sóttkvíar og skimunar, með þeim rökum að veiran sé hættulítil svona líkt og flensa, og að fólk í áhættuhópum eigi að halda sig til hlés og fólk svona almennt að gæta að persónulegum sóttvörnum??

Ég kalla það að sleppa veirunni lausri.

Ég á ekki að þurfa að koma með beina tilvitnun í Reykjavíkurbréf þar um, þó ég geti það, til að þú sjáir samhengið, ekki frekar en Solzhenítsyn þurfti að sýna Galönu eða hvað sem hún hét (byrjaði á G og var rússneskt) myndband af Stalín fyrirskipa aftökur og fangelsanir tryggra kommúnista og Sovét borgara.

Því guð gaf okkur vit og dómgreind.

Kveðja að austan.

[Ómar Geirsson, 6.10.2020 kl. 10:26]

Jæja Halldór, ég held að þú liggi á meltunni og þetta ætti að hjálpa þér að melta.

Úr Reykjavíkurbréfi í ágústlok.

""Freistandi er að líta á þetta tal sem ábendingu um að við verðum að grípa næsta kostinn á eftir „hjarðónæminu“ sem rætt var um og einhenda okkur í að fletja út yfirferð veirunnar og segja það upphátt og gæta þá einungis þeirra sem varnarlausastir eru. Því það er næstum óhugsandi að þetta þýði að við gætum þurft að skella hundruðum eða þúsundum manna reglubundið í fjölbreyttar tegundir af sóttkví, sem sífellt verður ólíklegra að haldi, af því að við séum enn að reyna að gera landið algjörlega veirulaust. Taka verður af skarið ekki seinna en strax.".".

Það eru örfáar þjóðir sem hafa haldið haus í baráttu sinni við veiruna, Nýja Sjáland er ein af þeim. 

Þeir voru með Auckland á level 3 í um 2 vikur, slökuðu svo lítillega á og í sept lok fóru þeir á level 2 sem er svipað og var hér í sumar.  Þeir fengu 285 smit í seinni bylgju sinni, 3 dauðsföll.

Mannlíf nokkurn veginn komið í eðlilegt horf og fólk í áhættuhópum öruggt fyrir veirunni ef það gætir persónulegra sóttvarna.

Ekkert sem útilokar að þriðja bylgjan komi ekki Halldór, en hver dagur sem líður án þess, er dagurinn sem styttist í lækningu.

Nú þegar virðast veirulyf vera farin að skila marktækum árangri, illa veikt fólk nær fyrr bata, færri deyja.

Og þekkingin eykst með hverjum deginum.

Það er alltaf svo með nýja sjúkdóma, þeir eru hættulegir fyrst og svo verða þeir viðráðanlegri. 

Af hverju að drepa fólk áður en til þess kemur??

Eigum við ekki að segja að þar greinir okkur Davíð á, og ég taldi ástæðu til að vekja athygli þína á hvar hann stendur í þessari orrahríð.

Hann er einn af mönnunum sem grefur undan sóttvörnum þjóðarinnar.

En Davíð er flottur, það verður aldrei frá honum tekið.

Kveðja að austan.