Gefum okkur tíma

til að kanna málið.

Ólafur Jóhann Ólafsson er fluttur hingað frá New York. Hann lýsir ástandinu þar sem er eiginlega hryllingssaga. Líkhús í Central Park og flutningabílar með kælibúnað í röðum sem líkhús.Þar á alvaran heima um þessar mundir.

Hér heima erum við í alvöru að pexa við allskyns spekinga sem vilja sleppa öllu lausu vegna blandaðra hagsmuna. Vilja ekki leyfa okkar yfirvöldum að reyna að ná smitunum niður með beitingu varúðarráðstafana.Þeim liggur svo á að sleppa sér eins og gerðist þegar við hlýddum þeim of snemma í Ágúst.Þau mistök erum við að upplifa núna. Samt halda þessir aðilar áfram með bullið.

Ólafur segir í bréfi:

 “  Á  fyrstu dög­um mars­mánaðar var ég stadd­ur á góðgerðarsam­komu í New York. Þar var glatt á hjalla þótt talið bær­ist öðru hverju að veirunni sem ný­lega hafði sprottið upp í Wu­h­an í Kína. Spritt­brús­um hafði verið komið fyr­ir við inn­gang­inn, annað var það ekki. Um kvöldið átti ég meðal ann­ars fjör­ugt spjall við tvö lands­fræg leik­skáld sem bæði höfðu verið viðriðin leik­húsið sem gest­ir voru komn­ir til að styrkja. Við töluðum um næsta leik­ár, lífið og til­ver­una. Mánuði síðar voru þess­ir menn látn­ir. Ann­ar um átt­rætt, hinn á sex­tugs­aldri. Sá eldri hafði fyr­ir nokkr­um árum unnið bug á ill­víg­um sjúk­dómi. Sá yngri var hraust­ur og bar það með sér að hann lagði rækt við lík­amann. Hvor­ug­ur þeirra hagaði sér eitt­hvað öðru­vísi en ég þetta kvöld. Ég var bara hepp­inn.

Þegar fyrsta bylgja far­ald­urs­ins reið yfir vor­um við Íslend­ing­ar óviðbún­ir eins og mest­all­ur heim­ur­inn en grip­um skjótt til varna. Við gerðum það sem fyr­ir okk­ur var lagt. Orð þríeyk­is­ins voru guðspjöll dags­ins. Hér ríkti samstaða og það fólk sem lagði sig í líma – og hættu – til að verja okk­ur hin og sinna þeim sem veikt­ust fékk það þakk­læti sem það átti skilið. Veir­an var að miklu leyti kveðin niður og líf margra færðist nær vana­horfi. Úti í heimi var dáðst að fram­gangi okk­ar.

Nú erum við stödd í nýrri bylgju og ólíkt því sem áður var erum við ekki sam­stiga leng­ur. Það er stutt í þræt­urn­ar sem við get­um verið svo dug­leg við. Sótt­varna­lækn­ir er tal­inn ganga of langt. Þríeykið þarf að tönnlast á sömu leiðbein­ing­un­um við okk­ur eins og ung­ling á mótþróa­skeiði. Það spyrst út að óein­ing sé í rík­is­stjórn. Og spek­úlönt­um og sum­um stjórn­mála­mönn­um þykir þetta heppi­leg­ur tími, nú þegar far­ald­ur­inn geis­ar og sjúkra­hús eru byrjuð að fyll­ast, að viðra kenn­ing­ar sín­ar um frelsi ein­stak­lings­ins sem þeir lásu kannski um þegar þeir voru ung­ir og mót­tæki­leg­ir en eiga lítið er­indi í því stríði sem nú er háð – við óvin sem kann ekki einu sinni þá kurt­eisi að klæðast ein­kenn­is­bún­ingi svo við sjá­um hann á færi.

Kvitt­ur um óein­ingu meðal þess fólks sem er kosið til að leiða þjóðina er ekki hjálp­leg­ur. Og aka­demísk­ar hug­leiðing­ar um frelsi eru best geymd­ar þar til þessi plága er geng­in yfir.

Upp á okk­ur hin stend­ur að hrökkva í sama far og í vor. Fara eft­ir ein­föld­um leiðbein­ing­um. Þó ekki væri nema til að vernda þá sem eiga það á hættu að veikj­ast illa. Kannski er það líka auk­inn hvati að minn­ast þess að það gæt­um verið við sjálf sem stæðum í þeim spor­um – ef marka má reynsl­una, þar á meðal mína af góðgerðarsam­kom­unni í vor. Þar hagaði ég mér í einu og öllu eins og þeir sem nú eru ekki leng­ur á meðal okk­ar.”

Í Kára Stefánsson segir tilvitnað í Morgunblaðinu:

“ Kári Stef­áns­son, for­stjóri Íslenskr­ar erfðagrein­ing­ar, sagði á Bylgj­unni í morg­un að töl­ur dags­ins geti verið að þetta bendi til þess að far­ald­ur­inn sé í rén­un. Hann von­ast til þess, en kvaðst ekki geta full­yrt það. 

Tvö­föld skimun áfram nauðsyn­leg

Kári sagði að Ísland væri lík­lega eina þjóðin sem stundaði raðgrein­ingu á af­brigðum veirunn­ar í eins mikl­um mæli og hér er gert. Á grund­velli henn­ar megi álykta að sú veira sem nú er út­breidd um sam­fé­lagið hafi komið inn í landið áður en tvö­föld skimun við landa­mæri tók gildi 19. ág­úst.

Sum­ir vilja að sögn Kára kljást við far­ald­ur­inn með því að hunsa hann.

„Það er hægt að rök­styðja á ýms­an máta þá leið en mér finnst hún ansi óaðlaðandi vegna þess að þú ert raun­veru­lega með því að fórna þeim sem eiga und­ir högg að sækja, gömlu fólki, því sem er með und­ir­liggj­andi sjúk­dóma. Ef þú ætl­ar að fara þá leið að reyna að hemja þessi smit er al­veg nauðsyn­legt á landa­mær­um að hafa tvö­falda skimun,“ sagði Kári.

Nokk­ur umræða hef­ur verið í þriðju bylgju far­ald­urs­ins um að fara ekki í eins harðar sótt­varnaaðgerðir vegna áhrifa þess á aðra þætti í sam­fé­lag­inu en Kári ef­ast um að til sé milli­leið. Annaðhvort hemji maður út­breiðsluna eða leyfi veirunni að flakka: „Ég held að milli­leiðin sem menn eru að tala um sé bara ósköp ein­fald­lega ekki til.“

Fyr­ir­komu­lagið um tvö­falda skimun á landa­mær­un­um virðist ekki á för­um, held­ur er nú miðað við að það gildi til 1. des­em­ber. Þórólf­ur Guðna­son sótt­varna­lækn­ir hef­ur bent á að miðað við þann fjölda sem hef­ur greinst með veiruna í þess­um skimun­um sé ljóst að þær hafi haft til­skil­in áhrif. Án þeirra hefðu þau smit getað hreiðrað um sig í sam­fé­lag­inu.

Áður greindi mbl.is frá því að smit­in væru 75 tals­ins, þar sem það kom fram í máli Kára Stef­áns­son­ar, for­stjóra Íslenskr­ar erfðagrein­ing­ar í Sprengisandi á Bylgj­unni. Frétt­in hef­ur nú verð upp­færð í sam­ræmi við op­in­ber­ar töl­ur.”

 

Á ég að hunsa þessa menn og ekki gefa þeim tækifæri til að rökstyðja sitt mál og gerðir? Fara að trúa einhverjum heimaöldum sérfræðingum sem þykjast allt vita betur en þetta fólk?

Nei, gefum þessum sjónarmiðum tíma til mánaðarmóta til að reyna að ná smitunum niður og heyrum ekki röflið í þeim sem allt þykjast vita betur á meðan.

Ef þetta mistekst þá skulum við fara að reisa bráðabirgða líkhús og safna að okkur kælibílum til að geyma líkin.

Gefum okkur tíma.

Athugasemdir

[Þorsteinn Siglaugsson, 11.10.2020 kl. 15:42]

Eins og í ýmsu öðru nú á dögum eru það tilfinningar, ekki rök og staðreyndir sem þessi pistill Ólafs grundvallast á. Það sama á við um þá tilfinningu að í BNA sé kerfisbundinn rasismi, þá tilfinningu að konur séu kúgaðar og svo framvegis. Tilfinningaríkar lýsingar koma í stað raka. Rithöfundurinn gerir enga tilraun til að gera grein fyrir því hvað á að gerast næst, þegar búið er að efna til þessarar samstöðu og fækka smitum og létta svo öllum takmörkunum af með þeim formála að þetta "verði nú allt í lagi" - alveg þangað til það er ekki lengur allt í lagi.

Hversu lengi mun fólk halda áfram að trúa lygunum? Hvenær sér það að keisarinn er klæðlaus?

[Rúnar Már Bragason, 11.10.2020 kl. 16:00]

Er á móti svona hræðsluáróðri og meiri líkur að hann fari öfugt ofan í fólk heldur en hitt. Einhverjir hafa viljað fara leið hjarðónæmis en verið bent á að hún er hvergi að nást, ekki einu sinni nálægt því. Gasprið í Kára er líka að skemma. Það var gefið út í ágúst að skólar ættu að vera opnir en nú vill Kári loka þeim. Svona gaspur gengur ekki upp.

Umræðan snýst líka um það hvort eigi ekki að upplýsa fólk betur um smitleiðir og það taki meiri ábyrgð á gerðum sínum. Víðir sagði að athyglisvert væri að skoða smitleiðir er komu upp á börunum. Síðan þá hefur það ekkert verið skoðað. Hvers vegna ekki? Væri ekki sniðugt að nota fólk á atvinnuleysisskrá til að velta þessu fyrir sér.

Afmarkandi þátturinn er spítalinn. Ljóst er að við 100 smit á dag þá annar spítalinn ekki meiru. Pólitískt hljóta íslendingar að spyrja sig hvort ekki sé þörf á meiru einkareknu til að hafa meiri sveigjanleika í heilbrigðiskerfinu.

[Birna Kristjánsdóttir, 11.10.2020 kl. 17:34]

Halldór, eftir þennan lestur verð ég að hrósa þér fyrir afar vel skrifaðan og upplýsandi pistil. 

Ég get tekið undir hvert orð, gæti ekki verið meira sammála.

Annaðhvort hemji maður út­breiðsluna eða leyfi veirunni að flakka: „Ég held að milli­leiðin sem menn eru að tala um sé bara ósköp ein­fald­lega ekki til.“

Rétt hjá Kára, það er alveg ótrúlegt hvað sumt fólk veigrar sér við að taka ákvarðanir. Eina leiðin til að drepa veiruna er að skera á smitleiðir hennar, basta og búið, eða hin leiðin að stafna upp líkum.  Af hverju getur fólk ekki skilið þetta!

[Halldór Jónsson, 11.10.2020 kl. 17:46]

Er nú Ólafur að lýsa tilfinningum þegar hann horfir á líkhúsin í Central Park og á kælibílana? Er þetta nú vel ígrundað hjá þér Þorsteinn minn sem ert nú oftar ekki óvitlaus?

Takk fyrir þín orð Birna.

Rúnar minn, þú ættir að hugsa þetta aðeins betur. Hvað ætlarðu að gera ef smitin  fara yfir 100 á dag? Það er of seint fyrir þig að ganga þá í Sjálfstæðisflokkinn og vilja efla einkarekstur í heilbrigðiskerfinu sem er ekki kominn lengra en hann er í dag með klíníkina í hundelti heilbrigðisráðherra.

[Halldór Jónsson, 11.10.2020 kl. 17:47]

Við erum öll að reyna að vinna tíma þangað til að einhverjar nýjar leiðir opnast til að ráða við þessa Kínapest.

[Sigurgeir Árnason (IP-tala skráð) 11.10.2020 kl. 17:53]

Góður pistill hjá þér og auðvitað þýðir ekki að taka einhverja áhættu´,heilbrigðiskerfið ræður ekki við meira en er í dag.Ekki viljum við sjá líkbíla við hverja blokk í Reykjavík,þá færi nú um þá frjálslyndu veiruvini.

[Rúnar Már Bragason, 11.10.2020 kl. 20:24]

Var nú ekki að meina í dag með heilbrigðistkerfið heldur í framtíðinni. Er ekki þörf á að nálgast heilbrigðiskerifð á nýjan hátt? Ég er ekkert á móti áætlun þríeykisins heldur virðist vanta plan til lengri tíma t.d. unnin út frá leikjafræði.

[Halldór Jónsson, 11.10.2020 kl. 22:24]

Rúnar minn:

Það er of seint fyrir þig að ganga þá í Sjálfstæðisflokkinn og vilja efla einkarekstur í heilbrigðiskerfinu sem er ekki kominn lengra en hann er í dag með klíníkina í hundelti heilbrigðisráðherra.

[Halldór Jónsson, 11.10.2020 kl. 22:41]

Sunnudagur, 11. október 2020

Jón Bjarnason gamli komminn segir:

 

Það er engin millileið - Kveðum veiruna niður

Kári Stefánsson var á Sprengisandi og talaði tæpitungulaust 

Annaðhvort hemji maður út­breiðsluna eða leyfi veirunni að flakka:

„Ég held að milli­leiðin sem menn eru að tala um sé bara ósköp ein­fald­lega ekki til.“

Og Kári heldur áfram:

Með samstilltu átaki vinnst sigur

 Að sleppa veirunni lausri eins og sumir vilja eða reyna að "stýra útbreiðslunni"  segir Kári:

„Það er hægt að rök­styðja á ýms­an máta þá leið en mér finnst hún ansi óaðlaðandi vegna þess að þú ert raun­veru­lega með því að fórna þeim sem eiga und­ir högg að sækja, gömlu fólki, því sem er með und­ir­liggj­andi sjúk­dóma.

Tvöföld skimun á landamærum komin til að vera fyrst um sinn

"Ef þú ætl­ar að fara þá leið að reyna að hemja þessi smit er al­veg nauðsyn­legt á landa­mær­um að hafa tvö­falda skimun,“ sagði Kári.

Fyr­ir­komu­lagið um tvö­falda skimun á landa­mær­un­um virðist ekki á för­um, held­ur er nú miðað við að það gildi til 1. des­em­ber.

Þórólf­ur Guðna­son sótt­varna­lækn­ir hef­ur bent á að miðað við þann fjölda sem hef­ur greinst með veiruna í þess­um skimun­um sé ljóst að þær hafi haft til­skil­in áhrif. Án þeirra hefðu þau smit getað hreiðrað um sig í sam­fé­lag­inu.

 

[Þorsteinn Siglaugsson, 11.10.2020 kl. 22:57]

Lestu Barrington yfirlýsinguna Halldór. Ég snaraði henni á íslensku í morgun. Hún er á blogginu mínu.

[Þorsteinn Siglaugsson, 12.10.2020 kl. 01:15]

Gamlir kommar hafa aldrei verið menn lausna. Lausnin er til, og hún er einföld Halldór. Hnitmiðaðar aðgerðir, ekki ómarkvissar, losaralegar og árangurslausar aðgerðir.

Sem gamall rekstrarmaður áttu að vita þetta.

[Húsari. (IP-tala skráð) 12.10.2020 kl. 10:34]

 Sæll Halldór.

Það er ekki alltaf að fari saman hógværð og ómældir hæfileikar.

Ef marka má vísan til reynslu þinnar
í allt að 200 ár af gresjum mannlífsins þá ertu þú einn manna
í heimi hér sem hefur fæðst á undan foreldrum sínum!

Þú skrifar hér daginn út og inn um kóvit og hælisleitendur
en aldrei fá lesendur þínir, margir hverjir dyggir vel, að
lesa um aðalstarf þitt á fyrri tíð.

Nú vil ég sízt verða til þess að upplýsa um afrek þín
fyrr og síðar en lýk þessu með því að vitna til Réttarvatns
e. Jónas Hallgrímsson:

Og undir Norðurásnum
er ofurlítil tó,
og lækur líður þar niður
um lágan Hvannamó.

Þeir sem stunduðu þetta starf auk þín fóru ósjaldan
yfir Arnarvatnsheiði og brjóstbirtan og söngurinn
urðu þeim eilíf uppspretta komandi dags.

Til eru þeir klámhundar sem þykjast sjá ástir
í Hvannamó þessum. En mér er það til efs.

[GÍSLI HOLGERSSON (IP-tala skráð) 12.10.2020 kl. 11:28]

SKIMUN og SÓTTKVÍ er nauðsinleg við komuna til Landsins.

Utan við flugstöðina bíður ÁÆTLUNARBÍLL (sóttkví), sem tekur alla ERLENDA farþega frá Keflavíkurflugvelli til gistihúss eða hótels utan REYKJAVÍKUR í 5 daga, en þá eru allir ERLENDIR farþegar SKIMAÐIR að nýju.

LÖGREGLA og HJÚKRUNARFÓLK fylgja þessum ÁÆTLUNARBÍLUM TIL AÐ TRYGGJA veru farþega á sama stað. Að loknum 5 dögum eru ERLENDIR farþegar lausir og frjálsir ferða sinna.

SKÍÐASKÁLINN í Hveradölum er "laus"?  ÞARNA má bæta við GÁMAHÚSUM í tuga tali?