Fjörtíuþúsund fífl

halda það að  skrifi þau undir heimtingu um að stjórnarskrártillagan frá 20.október 2012 fái mig til að sættast við að þessari hrákasmíð Þorvaldar Gylfasonar og álíka ofstækisfullra vinstrisinnaðra  spekinga verði samþykkt sem grundvöllur að nýrri stjórnarskrá Íslands.

Feneyjanefnd  Evrópusambandsins var áður búin að lesa þennan furðutexta yfir og lýsa hann óalandi og óferjandi.

Fyrir þessum fáráða hópi núna  fer einhver Katrín Oddsdóttir sem er ámóta ofstækismaður og draumóramaður sem áminnstur Þorvaldur Gylfason hefur sýnt sig að vera í allri stjórnarskrárumræðunni. Hvernig þessu fólki dettur í hug að það verði sameiningartákn þjóðarinnar í svo víðfeðmu deilumáli sem mörg ákvæði eru í  Stjórnarskrá lýðveldisins Íslands gengur gersamlega fram af mér.

Þetta fólk virðist ekki beina huganum að því að stjórnarskrárbreyting yrði að fara  í gegn um Alþingi Íslendinga með ákveðnum formföstum hætti samkvæmt núgildandi Stjórnarskrá sem sem fari í gegn um tvennar kosningar með  meirihluta þingmanna. 

Sigurður G. Guðjónsson fer ágætlega yfir plaggið í Silfri Egils og bendir á ýmislegt sem rekst þar á annars horn og skýra ekki hvað um er að ræða.Meðal annars bendir Sigurður að í textanum er  talað um hluti sem skilgreindir eru í öðrum lögum og  greinilega eiga því ekki heima í gagnorðaðri stjórnarskrá. Enda er þetta plagg stjórnarskrárnefndar samsuða sundurleitrar samkundu sem Hæstiréttur var enda búinn að lýsa ómarktæka til verksins með öllu.

Mótsett Katrínu þessari er Sigurður G.Guðjónsson maður með fullu viti eins og sá meirihluti Alþingismanna sem samþykkja verður það alvörumál eins og breytingar á Stjórnarskrá lýðveldisins Íslands.

Meirihluti þjóðarinnar getur auðvitað aldrei sætt sig við að láta upphlaupsfólki og ofstækisfullum veggjakroturum eins og þessari Katrínu eftir að vinna það verk fyrir sig.

Málflutningur þessarar Katrínar er fyrir neðan allar hellur að mínu viti og gerir það að eitt að verkum að ég er algerlega mótfallinn því að láta svona fólk neyða stjórnarskrárbreytingum grundvölluðum á þessum texta ofan í mig sem grunni að nýrri Stjórnarskrá Íslands.

Gamla Stjórnarskrá okkar sem þjóðin samþykkti 1944 með nær öllum atkvæðum hefur alveg dugað til þessa með áorðnum breytingum. Hún hefur hinsvegar ekki dugað til að að afnema þann lýðræðishalla sem felst í misvægi atkvæða né tilraunum til þvílíkra  föðurlandssvika sem aðildarumsókn að Evrópusambandinu er. Sem auðvitað sýnir getu stjórnmálamanna að haga málum að eigin hentisemi með einbeittum brotavilja.Er einhver nýr texti trygging gegn slíku athæfi? 

Þessi undirskriftasöfnun Katrínar er þar fyrir utan algerlega tilgangslaus. Það má minna á að yfir áttatíuþúsund manns skrifuðu undir bænarskrá um að hlífa Reykjavíkurflugvelli. Svo ómerkilegur stjórnmálaskúmur eins og Dagur B. Eggertsson hefur sýnt það síðan að geta ómerkt þetta með öllu og haldið áfram ótrauður eyðileggingarstarfi sínu á þessari þjóðareign sem Reykjavíkurflugvöllur er.

Fjörtíuþúsund fífl og veggjakrotarar breyta því engu um nýja Stjórnarskrá Íslands sem betur fer.

 

Athugasemdir

[Húsari. (IP-tala skráð) 18.10.2020 kl. 13:29]

 Sæll Halldór.

Hatrammar deilur eru framundan um þetta sérstæða óyndi
og á VG allt undir hvað varðar fylgi í komandi kosningum.

Óþarfi er að eyða nokkrum orðum að því sem þegar hefur verið hafnað og vísað frá með dómi auk þess sem Feneyjarnefndin
telur þetta ótækt plagg með öllu. Hvað þarf fleira til?