Kögunarhóll Evrópusinnans

Þorsteins Pálssonar  Viðreisnarforkólfs birtist reglulega í málgagni ESB á Íslandi.

Þar skrifar þessi fyrrum flokksbróðir minn í Sjálfstæðisflokknum langar runur af trúboði fyrir fullveldisframsali Íslands til tollbandalags fárra ríkja í gömlu Evrópu gegn margföldum fjölda annarra þjóða heims sem við eigum vinsamleg viðskipti við.

Athugum nokkra punkta og fullyrðingar Þorsteins í þessari trúboðsgrein:

 

"Ef þessir samningar snerust einvörðungu um hagsmuni væri þeim löngu lokið. Það sem gerir þá snúna eru prinsipp. Að baki þeim búa ólíkar skoðanir á fullveldishugtakinu. Athafnafrelsi og jafnræði borgaranna Evrópuhugsjónin byggir á þeirri einföldu hugsun að sjálfstæð og fullvalda ríki sameinist um leikreglur á ýmsum sviðum til þess að auka sem mest frelsi og jafnræði borgaranna til hvers kyns skapandi athafna og viðskipta þvert á landamæri."

Hverjir ráða í þessu mikla ólýðræðislega bandalagi?

Hafa smáríki eins og Danmörk til dæmis einhver áhrif til jafns við Frakka og Þjóðverja? Er lýðræðið í bandalaginu ekki fremur hlutfall af fólksfjölda og herstyrk en tillitsemi við hagsmuni þeirra smáu?

Getur Þorsteinn haldið því fram að sjálfstæði okkar væri frekar tryggt á Evrópuþingi  heldur en niðri við Austurvöll? Hvernig getur fyrrum formaður í flokki sem kennir sig til sjálfstæðis haldið slíku fram?

"Ef þessir samningar snerust einvörðungu um hagsmuni væri þeim löngu lokið. Það sem gerir þá snúna eru prinsipp. Að baki þeim búa ólíkar skoðanir á fullveldishugtakinu. Athafnafrelsi og jafnræði borgaranna Evrópuhugsjónin byggir á þeirri einföldu hugsun að sjálfstæð og fullvalda ríki sameinist um leikreglur á ýmsum sviðum til þess að auka sem mest frelsi og jafnræði borgaranna til hvers kyns skapandi athafna og viðskipta þvert á landamæri."

Eru þessar fullyrðingar í samræmi við veruleikann í þessu bandalagi?

"Þeim er ljóst að skilningur þeirra á fullveldishugtakinu hefur ekki aðeins fært borgurum einstakra aðildarríkja aukið athafnafrelsi heldur einnig bætt lífskjör og jafnað aðstöðu. Það er því ekki unnt að gagnrýna Evrópusambandslöndin fyrir að vilja halda fast í prinsipp, sem reynst hefur þeim vel. Prinsipp sem Bretar trúa á Breska stjórnin segir á hinn bóginn að prinsipp þeirra gangi framar efnahagslegum ávinningi."

Er þetta rökstuddar staðreyndir eða frjálsar hugmyndir höfundar og trúarskoðanir? Svari hver sem vill.

Sama má segja um eftirtaldar klausur:

"Nýjasta mat á áhrifum Brexit sýnir að til lengri tíma verði hagvöxtur um fjórum prósentum minni en verið hefði með óbreyttri aðild. Og náist samningar ekki rýrni hagvaxtarmöguleikarnir um tvö prósent til viðbótar. Bretar segja að þetta skipti ekki máli."

"Engum vafa er undirorpið að full aðild Íslands að Evrópusambandinu myndi skila auknum hagvexti. Að því er varðar fullveldið kallar spurningin um fulla aðild einungis á að viðurkenna formlega það prinsipp, sem við höfum í meir en aldarfjórðung viðurkennt í verki. Hættulegra er það ekki"

Mér finnst þetta gersamlega órökstuddar fullyrðingar trúboða án nokkurra tengingar við hagfræðilegar rannsóknir. Ég gæti algerlega skrifað þessar greinar með öfugum formerkjum án þess að Þorsteinn gæti hrakið þær í nokkru öðruvísi en með því að innflutningur landbúnaðarvara myndi létta þeirri kvöð af bændum að erja landið.

En íslenskur landbúnaður er Evrópusinnum hinn mesti þyrnir í augum sem þeir vilja feigan þó fagurt mæli. Algerlega í samræmi við afstöðu þeirra til fullveldis þjóðarinnar sem þeir geta aldrei skilið í sögulegu samhengi öðruvísi en að flátt hugsa. 

"Formlega samþykkjum við reglur Evrópusambandsins í tvíhliða samningum með Noregi og Liechtenstein. En í reynd ráða Evrópusambandslöndin. Þannig afneitum við að formi til kenningunni um að íslenskir borgarar njóti meira athafnafrelsis með því að Ísland deili ákvörðunum um sameiginlegar leikreglur með öðrum þjóðum. En í reynd deilum við þessum ákvörðunum með Evrópuþjóðunum. Og við höfum uppskorið ríkulega."

Að halda því fram að við getum ekki samþykkt að viðhafa sömu viðskiptareglur og aðrar þjóðir öðruvísi en að vera í tollabandalagi með þremur tugum þjóða gegn heiminum er fáránlegra en að ég geti rökrætt.

Kögunarhóll Viðreisnarforkólfsins og fullveldisframsalssinnans Þorsteins Pálssonar, fyrrum sjálfstæðismanns. er hvorki háreistur né heldur er þaðan víðsýnt. 

 

 

 

 

 

Athugasemdir

[GÍSLI HOLGERSSON (IP-tala skráð) 11.12.2020 kl. 16:49]

KÖGUNARHÓLL er fallegt kennileiti, sem margir þekkja austan við Hveragerði. Börnin mín fengu að vita allt um KÖGUNARHÓL í gamla daga og skýringuna við að "kaga" eftir veðri og skipum. HÖLDYM OKKUR eigið sjálfstæði og fullveldi og forðumst Alþjóða umhyggju getulausrar Evrópu.

Kjósum okkur frá tengslum við ESB eins og BRETAR. Spörum miljarða á ári.  Við erum bestir með Keltunum og TRUMP næstu 4 árin. Tryggjum  N A T O  leigu og aðstöðu á norðausturlandi. Aðrir koma ekki til greina!

Fórnum ekki 200 mílunum, ORKUNNI og STÖÐVUM ALLA SÖLU á LANDINU OKKAR til Erlendra auðkýfinga og Erlendra stórþjóða. "FULL STOP". Ræktum ALLT sjálfir og seljum sjálfir allar okkar framleiðslu frá sjávarútvegi og frá fjöru til fjalla.

Við keyrum undir Kristnum siðum og OKKUR er treyst. ÍSLAND verður ekki til án LANDAMÆRA??? Horfum til "óráðsíu Evrópu".

[Halldór Jónsson, 11.12.2020 kl. 17:52]

Bravó Gísli

[GÍSLI HOLGERSSON (IP-tala skráð) 12.12.2020 kl. 12:35]

KÖGUNARHÓLL má heita "BÆNHÓLL" fyrir 300 þúsund ÍSLENDINGA á viðsjárverðum tímum Alþjóða og Glóbalista, sem krefjast alls með "valdi og peningum". Verjum og biðjum fyrir sjálfstæði, frelsi og fullveldi OKKAR.

Setjum KROSS með bæn á topp KÖGUNARHÓLS fyrir okkur og ferðamenn, sem finna fyrir þessari sömu sýn á Landinu OKKAR. Hvar er þjóðernissinnaður stjórnmálaflokkur, sem berst fyrir þessum gildum varðandi framtíð okkar.

Séra Geir WAAGE var að hætta sem prestur í Reykholti vegna aldurs.  Hann virðir trúna og okkar Kristnu gildi.