Umhverfisfasismi

birtist víða hjá vinstra fólki. Það gín við hverri flugu sem að því flýtur í von um stundarvinsældir.VG vill banna allt og setja undir ríkisleyfi. Skattleggja okkur um milljarða til að kaupa losunarheimildir fyrir CO2 af einhverjum sem við ekki einu sinni þekkjum.

Jón Magnússon lögmaðurinn góðkunni veltir áróðri frá æðstu stöðum fyrir sér í skarpri greiningu á trúgirninni sem þjakar okkur:

"Aðalritari Sameinuðu Þjóðanna,öfgasósíalistinn Antonio Guterres krefst þess að þjóðir heims lýsi yfir neyðarástandi vegna meintrar hnattrænnar hlýnunar af mannavöldum. Jafnframt gagnrýnir hann "ríku" þjóðirnar, sem á hans tungumáli er gamla Vestur Evrópa og norður-Ameríka fyrir aðgerðarleysi í loftslagsmálum. Skynsemin og yfirlýsingar þessa aðalritara SÞ fara sjaldnast saman. 

En það er ekkert neyðarástand í loftslagsmálum. Ítrekað hefur verið sýnt fram á það með samanburði á hitamælingum hér á landi, að hlýnun er ekkert sérstök miðað við það sem áður hefur gerst og ástandið er ekkert slæmt síður en svo.  

Sósíalistinn Guterres hefur haft þau helstu baráttumál, að Evrópa taki við óendanlegum fjölda af svonefndum hælisleitendum og flóttafólki. En hann gerir enga kröfu á hendur öðrum ríkjum eða heimshlutum t.d. Saudi Arabíu, Kína, Japan og fleiri löndum sem taka ekki á móti neinu svonefndu flóttafólki. Af hverju skyldi hann ekki gera kröfur á hendur þeim ríkjum?

Krafa hans í loftslagsmálum beinist eingöngu að Vestur Evrópu og Bandaríkjunum, þrátt fyrir að þeir sem eru helstu sökudólgarnir skv. þessum trúarbrögðum eru Kína og Indland, sem og flestar aðrar þjóðir Asíu þar sem kolefnissporið er að aukast á meðan Vesturlönd fórna hagsmunum verkafólks síns og neytenda í stórum stíl á altari þessrar hjátrúar og samþykkja aukna kolefnsilosun þessara ríkja fram til 2030.

Hvað skyldi Guterres ganga til með því að gera endalausar kröfur á hendur Vestur Evrópu varðandi þessi tvö helstu áhugamál sín? Þessi barátta hans er til þess fallin, að draga efnahagslegan mátt úr Evrópu og Bandaríkjunum og veikja menningu þeirra. 

Kína sækir fram og ætlar sér að verða öflugasta stórveldið bæði á hernaðar- og viðskiptavsiðinu. Stjórnmálamenn í Vestur Evrópu hafa verið svo skyni skroppnir að þeir hafa lagt allt á sig til að hjálpa þeim að ná þessari yfirburðastöðu. Það sást heldur betur á síðasta leiðtogafundi Evrópusambandsleiðtoga hversu skyni skroppið þetta fólk er og tilbúið til að fórna eigin hagsmunum til að Kína og ýmsar aðrar þjóðir nái yfirburðarstöðu, en Evrópa veikist. 

Atonio Guterres náði þeim árangri sem forsætisráðherra Portúgal að koma landinu í alvarlega kreppu og kjósendur þar í landi höfnuðu honum í byrjun þessarar aldar. Þá tóku heimssamtök sósíalista sig til og komu því til leiðar að þessi foringi þeirra sem hafði hatast út í samkynhneigða, yrði aðalritari Sameinuðu þjóðanna. Spor þessa manns hræða og hann hefur ekki hikað við að reyna að breiða yfir og afsaka falsanir loftslagsráðs Sameinuðu þjóðanna, sem mælir stöðugt hækkandi hita á jörðinni með því að setja upp hitamæla þar sem heitast er og forðast með því að bera saman raunveruleikan og það sem þetta fólk vill að hafi gerst. 

Það er dapurlegt, að það skuli ekki vera forusta í Evrópu til að taka á bulli eins og kemur frá Antonío Guterres og standa vörð um hagsmuni evrópsks verkafólks og neytenda. Vonandi tekst Guterres ekki að eyðileggja efnahag Evrópu með sama hætti og honum tókst að gera gagnvart efnahag Portúgal meðan hann var forsætisráðherra þar í landi. "

Í skjóli áróðurs frá svona manni koma VG með kröfur um skattlagningu almennings á Íslandi til að hlaupa á eftir öfgunum í Katrínu Jakobsdóttur, og Guðmundi Inga umhverfis sem enginn kaus. Þarna læða vinstrimenn skattakrumlunni ofan í vasa alþýðunnar sem þeir annars telja sig eiga einkaleyfi á að elska og auðvitað líka plokka.

Athyglisverð eru orð Jóns um hlutdrægni Guterres:

"Krafa hans í loftslagsmálum beinist eingöngu að Vestur Evrópu og Bandaríkjunum, þrátt fyrir að þeir sem eru helstu sökudólgarnir skv. þessum trúarbrögðum eru Kína og Indland, sem og flestar aðrar þjóðir Asíu þar sem kolefnissporið er að aukast á meðan Vesturlönd fórna hagsmunum verkafólks síns og neytenda í stórum stíl á altari þessrar hjátrúar og samþykkja aukna kolefnsilosun þessara ríkja fram til 2030"

Þessi maður heimtar að Vesturlönd beri ábyrgð á skaðanum af stríðsátökum sem glæpaklerkarnir í Persíu bera ábyrgð á og hungri flóttabarna í Arabalöndum.Morðæði vinstrisinna í Afríku.

Þessi málflutningur Guterres er ekkert annað en ótíndur og hættulegur  umhverfisfasismi sem bitnar síðast en ekki síst á íslenskri alþýðu .  

 

 

Athugasemdir

[Ómar Geirsson, 14.12.2020 kl. 17:38]

Ja, öfgasósíalisti segir þú Halldór.

Hvenær urðu evrópskir jafnaðarmenn að öfgasósíalistum??

Síðast þegar ég vissi þá voru þeir allir sem einn hlynntir evrópska efnahagssvæðinu og leikreglum þess.

Leikreglurnar um frjálst flæði eiga sér ekki rætur til Marx og Engels, nema þú trúir að Friedman og Hayek séu dulnefni yfir þá félaga.

Að skattleggja notkun til að draga úr eftirspurn, er ekki heldur ættað frá Marx og Engels en vel þekkt úrræði kennt við frjálshyggju og varð að kennisetningu Alþjóðagjaldeyrissjóðsins þegar hann skilyrti fjárhagslega aðstoð við efnahagsaðgerðir sem byggðust á Shock therapy þar sem einmitt einkavæðing almannagæða og skattlagning þeirra var eitt af lykilatriðunum.

Sama hugmyndafræði sem knýr áfram baráttu ESB gegn loftslagsvánni.

Það er margt rétt sem Jón segir í þessari grein sinni Halldór, en þið náið aldrei árangri ef þið feisið ekki rætur hugmyndafræðinnar sem knýr áfram þessa aðför að vestrænum samfélögum.

Eins og ykkur sá sama um hvað tekur við eftir ykkar daga, bara svo fremi að þið getið tuðað yfir bölvuðum kommunum og sósíalistum, þó þeir séu löngu dauðir og aðeins minningin ein.

Og eitt enn, fólkið sem þykist vera vinstrisinnað og segir að VG flokkar Skandinavíu séu ennþá róttækir, þá er það eins og hvert annað kjaftæði.

Það reyndi á þessa flokka eftir fjármálahrunið 2008, þá gengu þeir allir í takt með alþjóðlegum hrægömmum og tóku til dæmis þátt í fjárkúgun breta kennda við ICEsave.

Hins vegar man ég eftir yfirlýstum breskum frjálshyggjumönnum sem fordæmdu aðfarir Brown og félaga.

Það er ekkert vinstri eftir hjá þessu blessuð VG fólki.

Kveðja að austan.

[Guðmundur Örn Ragnarsson (IP-tala skráð) 14.12.2020 kl. 19:56]

Katrín Jakobsdóttir er nú á mjög mikilvægum leiðtogafundi á vegum Sameinuðu þjóðanna. Þar munu leiðtogarnir væntanlega komast að samkomuelagu um að skattleggja þjóðir sínar úr hófi fram til að fjármagna og kom á ríki Stóra bróður í heiminum, oft kennt við Alþjóðavæðingu eða One Vorld Order.

Leiðtogarnir eru sammála um að blekkja almenning landa sinna með lygum um neyðarástand í loftlagsmálum og þeirri vá þurfi að bregðast strax við með því að draga úr mengun, en það kosti mikla peninga og því verði að mæta með háum sköttum.

Katrín sem er áköf í að bjarga heiminum vill sýna gott fordæmi og ganga lengra en aðrir leiðtogar. Þess vegna munum við Íslendingar þurfa að greiða hlutfallslega meir ein aðrar þjóðir til alþjóðaríkis Stóra bróður undir yfirskini mengunarvarna.

Líklega fær Katrín þá að velja slagorð átaksins, sem gæti orðið svona hjá henni: "Hreint loft nýr heimur."

[GÍSLI HOLGERSSON (IP-tala skráð) 15.12.2020 kl. 11:35]

Í eitt skipti náði VG kjörfylgi vegna ANDSTÖÐU sinnar við getu og gagnleysi sameinaðrar ESB í Evrópu.  Þetta loforð sviku þeir á "30"dögum.

Nú "montast" þeir og bera sig vel í loftlags málum fyrir 300þúsund ÍSLENDINGA og vilja greiða Miljarða inn á Alþjóðlegan "loftslagssjóð", sem hljómar eins og draumur. Þetta er pólutískur draumur vinstri manna og ESB sinna.

Kína og Indverjar opna vikulega nýjar virkjanir kynntar með kolum og ódýru vinnuafli.  Lifum við í harmleik á Vesturlöndum með taumlausum innflutningi ólíkra þjóða, sem virða EKKI okkar Kristnu gildi? 

Stöð 2 og KRISTJÁN sýndi smalamennsku á Suðurlandi í gærkvöldi. Snjór og erfiðleikar á fjöllum og fagurbjart láglendið með þúsundir fjár. Þetta undirstrykar HÁLENDIÐ og ÓBYGGÐIRNAR og ÓMENGAÐA ÍSLENSKA NÁTTÚRU.

Þessa mynd á að sýna ERLENDIS til að undirstryka LANDIÐ og NÁTTÚRUNA og VATNIÐ og framleiðslu BÆNDA, sem eru BESTU VINIR HÁLENDISINS. BÆNDUR OG SAUÐFÉ eru HLUTI AF HÁLENDINU.

[Halldór Jónsson, 15.12.2020 kl. 15:17]

Nér finnst þú hafa lög að mæla Guðmundur Ragnarsson

[Halldór Jónsson, 15.12.2020 kl. 15:32]

Ómar

Hvort finnst þér Katrínu Jakobsdóttir vera bara íslenskur  jafnaðarmaður úr þessum sósíalistaflokkum okkar eða evrópskur öfgasósíalisti í loftalagsmálum?

[Ómar Geirsson, 15.12.2020 kl. 16:26]

Það eina sem ég veit um sósíalista Halldór er að þeir taka ekki að sér böðulshlutverk fyrir hið alþjóðlega fjármagn sem þýðir að þeir starfa ekki með AGS í að innheimta fyrir erlenda hrægamma.

Þeir eru andvígir hinu frjálsa flæði því ef eitthvað er í andstöðu við Marx og Lenín, þá er það kenningar Friedmans um hinn frjálsa markað, þar sem forsenda hans er einmitt hið frjálsa flæði fjármagns, vöru og þjónustu.

Og þeir aðhyllast ekki skatta á notkun það er að jafnvægi sé náð með því að skattleggja fátækari hluta fólks út úr samfélaginu, en slíkt er ein meginforsenda loftslagstrúboðsins.

Katrín kallar sig vissulega vinstri mann, en þú getur kallað þig hvað sem er, en raunveruleikinn sker úr um hvað þú ert.

Hvað þú kallar Katrínu er vissulega þitt mál, margir mjög til hægri við Sjálfstæðisflokkinn kalla Bjarna formann þinn sósíalista, margir sem þykjast vera til vinstri kalla Trump nasista.

Yfirleitt má segja að svona stimplar án nokkurrar tengingar við raunveruleikann afhjúpi fyrst og fremst fáfræði viðkomandi, eða öfga.

Ungar stúlkur sem hylja ekki hár sitt eru hórur í augu margra múslima, en þær sem hylja hár sitt með slæðum geta líka verið hórur í augum enn annarra múslima, því þeir vilja búrkuna, að allt sé hulið nema augun.

Öfgar eða mismunandi viðhorf??

Þá komum við að þessu meðalhófi Halldór, að við höldum okkur við þekktan hugmyndaheim okkar samfélags.

Það má vera að Katrín sé sósíalisti og jafnvel öfgasósíalisti, en fyrir svona 30 árum síðan voru vinstrimenn skilgreindir út frá kenningum Marx og Leníns, og skipt í kommúnista, sósíalista og jafnaðarmenn eftir hvernig þeir skilgreindu sig út frá þeim kenningum.

Kannski eru gömlu kallarnir dauðir og núna skilgreini fólk sig út frá orðum eða ímynd, Katrín til dæmis ímyndi sér að hún sé vinstrimanneskja.

En þá er allt orðið merkingarlaust og hvað verður um mannlega hugsun þá??

Kveðja að austan.