Katrín Jakobsdóttir

vakti mig til umhugsunar meðan ég horfði á Kryddsíldina á Stöð2.

Við hjónin urðum sammála um að hún væri sá stjórnmálamaður sem hefði vaxið hvað mest að vizku og víðsýni í stjórnarsamstarfinu sem nú er að renna sitt skeið á enda. Vonandi verður því ekki slitið fyrr en í fulla hnefana í haust. Því ekki væri til bóta að hafa hestaskipti nú í miðju straumvatninu þegar svo margt er að breytast í samfélaginu.

Auðvitað erum við bæði með okkar uppáhald í stjórnmálunum sem er hann Bjarni Benediktsson. Við erum sannfærð um að hann hefur haft mikil og góð áhrif í öllum stjórnarmálum með sinni yfirvegun og yfirsýn. Rógurinn hefur sannarlega á honum dunið en hann hefur sett verkefnin fyrir þjóðina  ofar sinni persónu sem betur fer. Hann mun því væntanlega áfram leggja gott til mála til stjórnarslita og glefsandi búrtíkur á Alþingi munu ekki hafa þar erindi sem erfiði. 

Katrín Jakobsdóttir hefur sannarlega vaxið upp til þess að vera forystumaður í stjórnmálum þó að hún hafi orðið fyrir mörgum persónulegum árásum minniháttar fólks innan síns eigin flokks.

 

 

Athugasemdir

[Grímur Kjartansson, 31.12.2020 kl. 16:38]

Katrín hefur líka haft þríeyki bak við sig sem stutt hefur hana mjög vel. Steingrímur J hefur beitt áhrifum sínum innan flokksins þó stuðningurinn þar hafi oft á tíðum verið minni en frá Sigurði Inga og Bjarna sem virðast hafa verið mjög einlægir í sínum stuðningi við Katrínu

[GÍSLI HOLGERSSON (IP-tala skráð) 1.1.2021 kl. 13:33]

Forsætisráðherra Katrín Jakobsdóttir er blíð, ljúf og einlæg með Bjarna Benediktssyni XD og Sigurði Inga XB. Hugsanlega er hún í röngum flokki og EINLÆGUR ÍSLANDSVINUR utan ESB?

Þetta lítur út eins og "draugasaga" varðandi Samfylkinguna og Viðreisn og aðra smáflokka, sem styðja ESB fárið í Evrópu, sem hefur gert ofursamninga við KÍNA, sem Þjóðarleiðtoginn TRUMP stöðvaði varðandi USA og færði miljónir atvinnulausra AMERIKUMANNA aftur inn á vinnumarkaðinn.

Þetta lítur EKKI vel út í Evrópu og á Norðurlöndum og hangir á "hálmstrái" ógna og stjórnleysis 27 þjóða?

Þeir stjórnmálaflokkar, sem tala til og með ÍSLANDI fá stóraukið fylgi í næstu kosningum...