Þörf áminning

eru orð Styrmis Gunnarssonar:

Hann segir í dag;

"Áramót eru sá tími, þegar forystufólk í stjórnmálum lítur yfir farinn veg á liðnu ári og horfir fram á við. Það verður sífellt meira áberandi hvað lítið er um skoðanir hjá forystusveit kjörinna fulltrúa á samfélagsmálum en þeim mun meira af textum, sem byggjast á samsafni orða, sem erfitt er að sjá hvað þýða í raun. 

Dæmi um hið síðastnefnda eru orðin "grænn" eða "grænar lausnir".

Eldhúsdagsumræður á Alþingi eru annar vettvangur stjórnmálanna til þess að veita kjósendum yfirsýn yfir stöðu mála en það er orðið sjaldgæft að þær ræður sem þar eru fluttar snúist um innihald. Þær einkennast af sama frasakennda fyrirbærinu.

Það má því segja, að stjórnmálaumræður snúist orðið meira um sýndarmennsku.

Hvað ætli valdi þessu?

Til hvers er fólk að leggja fyrir sig stjórnmál, ef það hefur engar skoðanir, sem það vill berjast fyrir?

Í leiðara Morgunblaðsins í dag er talað um "ófrávíkjanlegan kæk áhrifalausra stjórnmálamanna í bandi embættisliðs".

Kannski er kominn tími á mikla uppstokkun á Alþingi næsta haust?"

Er ekki búið að flytja ákvarðanatöku sem ætti að liggja hjá kjörnum fulltrúum að miklu leyti til andslitslausra embættismanna sem eru titlaðir álitsgjafar eða hæfisnefndir sem búa til exceltöflur vandlega kynskiptar sem eiga að neyða ráðherra til að fara að þeirra vilja?

Hafa dómarar ekki með sér klúbba og velja nýja félaga eftir sínum smekk? 

Þora Ráðherrar helst ekki að hugsa sjálfstætt í vali á embættismönnum af ótta við hæfisnefndir? 

Á ekki æðsta vald að liggja hjá kjörnum fulltrúum þjóðar?

Var þetta ekki þörf áminning hjá Styrmi Gunnarssyni?

 

 

Athugasemdir

[GÍSLI HOLGERSSON (IP-tala skráð) 3.1.2021 kl. 20:47]

Styrmir Gunnarsson og Páll Vilhjálmsson skrifa til ÍSLANDS varðandi stjórnun og stjórnleysi á Alþingi.

Eldhúsdagsumræðan var spennandi hér áður fyrr, þegar alvöru stjórnmálamenn sögðu skoðun sína varðandi Bankana, Bændur og Sjávarútveg.  

Í dag snúast öll mál um alþjóða brölt og vandann utan ÍSLANDS um allt, hvernig við getum þóknast illa reknum Austanlandsþjóðum og Afrikumönnum gegnum stjórn og getuleysi ESB manna í Evrópu.

Áður sendum við mat, skreyð lýsi og vatn til þessara landa og allir ÍSLENDINGAR voru glaðir með gjafirnar og aðstoðina við þessar stjórnlausu þjóðir. Sjálfur veldi ég gamla lagið og hjálpa þeim vel heimavið. Sama ættu ESBsinnar og USA að gera sameiginlega.