Nýjárskonsertinn

var ég að hlusta á enn einu sinni. Wiener Philharmoniker eru stórkostlegir og hinn gamalreyndi stjórnandi þeirra Ricardo Muti fóru á kostum í hinum 150 ára gamla hátíðarsal.

Gamall vinur minn sem hafði farið um alla veröld sagði að hvergi í heiminum væri til annar eins elegansi og í Wien frá keisaratímanum. Ég held að rétt sé. Þetta er svo yfirmáta glæsilegt allt saman sem maður sér. Enda held ég að ég hafi ekki misst úr neinn  konsert lengi.Auðvitað var þetta með öðrum brag án áheyrenda þökk sé Kínverjunum.

En þegar við verðum búin að fá fjöldabólusetningu við COVID19  eftir einhverja mánuði eða ár, þá hlýtur allt að lagast.

 

Athugasemdir

[Hörður Þormar (IP-tala skráð) 3.1.2021 kl. 19:48]

Styrmir Gunnarsson var í dag með athyglisverðan pistil þar sem hann benti á að vinaþjóð okkar, Þýskaland, muni taka að sér leiðtogahlutverkið í ESB.

Eftir útgöngu Breta má búast við að Enskan muni ekki lengur verða samskiptamál Evrópuþjóða í framtíðinni heldur muni Þýska og Franska taka við.

Í gamla daga voru Þýska og Franska skyldufög í menntaskólum, nú er það liðin tíð.  Ætti ekki að taka þetta til endurskoðunar?

Á netinu er ógrynni af fræðsluefni, m.a. um vísindi og listir, sem aðeins er aðgengilegt þeim sem skilja þessi tungumál.

Hér er t.d. fyrirlestur sem fjallar um þær ótrúlegu tilviljanir sem áttu þátt í þróun alheimsins og jarðarinnar, en því miður, hann er aðeins aðgengilegur þeim sem skilja Þýsku:                           Harald Lesch: Der Stoff, aus dem die Kohlen sind!           

[Halldór Jónsson, 5.1.2021 kl. 23:47]

Han er nú einum of gáfaður fyrir marga Hann Lesch