Afturfarir í vegagerð

og í gerð slitlaga á götum hafa orðið hér gríðarlegar á síðasta aldarfjórðungi, Hryllingsmyndir eru sýndar af ónýtri klæðningu sem flettist af í flyksum.

Fyrir aldamótin síðustu var hér bæjarstjóri í Kópavogi maður að nafni dr. Gunnar Ingi Birgisson verkfræðingur. Hann var flæmdur héðan af pólitískum öfundarseggjum  og valmenninu Steingrími J. Sigfússyni þá allsherjarráðherra og búsetusérfræðingi úr VG  og forseta Alþingis sem héldu að þeir gætu gert betur.(Þessi Steingrímur hefur að sögn náð sér í eitt einbýlishús af ríkisfé í búsetustyrki fyrir að búa í Breiðholti en skrá sig á Gunnarsstöðum þar sem hann er samt  sagður hafa lítið sést.)

Þessar glefsandi búrtíkur sem fjandsömuðust við Gunnar gátu auðvitað ekki þurrkað út öll spor hans í Kópavogi og finnst mörgum mörgu frekar hafa aftur farið síðan og fáar tækninýjungar í gatnagerð  sjást hér sem von er af lítt tæknilega menntuðu fólki í bæjarstjórninni síðan þá svo að maður haldi uppi grobbflaggi okkar verkfræðinga.En spor Gunnars sjást víða hvert sem auga er litið í Kópavogi enn þann dag í dag.

En meðal annars sem Gunnar gerði þá var að láta steypa 140-150 mm þykka steypu á göturnar framhjá Smáralindinni fyrir aldamótin. Þessar götur eru heilar í dag og án viðhalds og það sér eiginlega ekki á þeim slit.

Eina sem sést af göllum er að undirleggið sem var bögglaberg var ekki nógu gott sumstaðar og hreyfist þegar það molnar af umferðartitringi. Þá getur steypan langssprungið þó að það hafi ekki truflað umferðina, bara útlitið.

En nagladekkin hafa ekki náð að slíta steypunni og engin hjólför sjást í yfirborðinu.

Þetta var ódýrara þá en sama þykkt af malbiki, að ekki sé talað um klæðningu sem virðist handónýt í samanburði eins og dæmin sanna úr sjónvarpinu.

Þessu eru allir búnir að gleyma.Vélin, Gomaco skriðmótavél  sem notuð var er víst enn til uppi í Borgarnesi með búnaði  en flest af mannskapnum sem vann þetta er hálfdauður úr elli  og verður erfiðara að rifja það allt upp.

En þetta verður sjálfsagt ekki endurtekið þar sem dýralæknar eru yfirmenn vegamála á landinu  og Gunnar Ingi löngu farinn til annarra starfa.

Sem sagt, einbeittar afturfarir í gerð slitlaga á vegi hafa áunnist.

Athugasemdir

[Halldór Jónsson, 4.1.2021 kl. 12:52]

Uppi í Kollafirði er steypt veghella sem er orðin um hálfrar aldar gömul og ekkert hefur þurft að gera við. Ég held að hún muni endast svona óviðgerð í mörg ár til viðbótar.Þarna var stærsta steinastærð 38 mm og steypuefnið var tekið úr fjörunni þarna fyrir framan. ÍAV steypti þetta.

[Ragnar Þ. Þóroddsson (IP-tala skráð) 4.1.2021 kl. 13:25]

Auðvitað á að steypa þær götur þar sem umferðarálag er mest. Á Filippseyjum (3 heims ríki) eru allar götur steyptar og endast þar áratugi án eilífra viðgerða eins og hér. Þar er of heitt fyrir malbik, það bráðnar einfaldlega og lekur burt í 40 stiga hita.

[Ómar Ragnarsson, 4.1.2021 kl. 13:57]

Of lengi hefur verið við lýði hið fornkveðna að spara eyrinn til að kasta krónunni. Í gatnagerð í Reykjavík miklu þynnra malbisklag en í nágrannalöndunum og steinefnið, sem notað er, miklu lélegra líka. 

[Jónatan Karlsson, 4.1.2021 kl. 17:13]

Og ofan á allt annað, þá er kona sem er dýralæknir að mennt ráðin í stöðu vegamálastjóra.