Af hverju?

getur þessi maður ekki varið tíma sinum og Alþingis í eitthvað sem skiptir þjóðina máli? Bara dellur eins og að fá yfirlit yfir óskráðar venjur og svo framvegis?

"

"Lagt er til að hjúskaparlög verði endurskoðuð þannig að fleiri en tveir geti skráð sig í sambúð, í þingsályktunartillögu sem þingmenn Pírata eru með í smíðum. Þingmaður flokksins segir að núverandi löggjöf endurspegli ekki breyttan tíðaranda.

 

Í greinargerð tillögunnar segir að forsendur sambúðar eftir kynvitund og kynhneigð komi löggjafanum ekki við. Fólk myndi alls konar sambönd um ævina og við hverja og hversu marga eigi ekki að vera háð lögformlegum fjöldatakmörkunum.

Gert er ráð fyrir að dómsmálaráðherra verði falið að endurskoða lögin.

Björn Leví Gunnarsson þingmaður Pírata er fyrsti flutningsmaður tillögunnar. Hann segir samfélagið hafi tekið miklum breytingum á síðustu áratugum og að lögin þurfi að endurspegla það.

Árið 2010 var hjúskaparlögum breytt og fallið frá því skilyrði að hjúskapur væri á milli karls og konu og í staðinn voru sett skilyrði um að hjúskapur væri á milli tveggja einstaklinga óháð kyni.

„Þá spyr maður sig sjálfkrafa, af hverju ekki þrír? Af hverju ekki fleiri? Af hverju mega fjórir ekki ættleiða barn til dæmis? Eða systkini sem kaupa saman íbúð? Af hverju mega þau ekki skrá sig í sambúð og fá þau réttindi sem fylgja því?" segir Björn.

Hann segir að þetta snúi líka að réttindum leigjenda.

„Nokkrir vinir mínir voru að leigja saman stóra íbúð fyrir nokkrum árum og vandamálið þar var að einn þeirra bar ábyrgð á leigusamningnum gagnvart hinum sem voru réttlausir. Það býr til alls konar vandamál varðandi húsaleigubætur og svoleiðis. Þannig að það eru núna fjöldatakmörk sem þurfa ekki að eiga við,“ segir Björn.

Björn segist ekki vita til þess að svipuð löggjöf sé til staðar í öðrum vestrænum ríkjum. Hann segir að breyting geti haft áhrif á erfðalög, samnýtingu persónuafsláttar og einnig lög um ættleiðingar barna.  "

Af hverju má Knattspyrnufélagið Valur til dæmis ekki ættleiða börn í þeim tilgangi að ala upp fótboltafólk framtíðar? 

Hvar var þessi Björn Leví alinn upp og komu margir að því verki?

Af hverju lætur þessi  maður alltaf svona?

 

 

Athugasemdir

[Þorsteinn Siglaugsson, 14.1.2021 kl. 12:16]

Fyrir nokkrum árum var leitt í lög að fólk af sama kyni gæti skráð sig í hjónaband. Með því var það grundvallaratriði hjónabandsins, að það væri samband fólks sem líffræðilega hefur möguleika á að geta saman börn, afnumið. Er þetta ekki bara rökrétt framhald?

[Guðmundur Ásgeirsson, 14.1.2021 kl. 15:57]

Harðlínumaður úr Sjálfstæðisflokknum hefur stigið fram og gert tilkall til h0fundarréttar að hugmyndinni.

Ég veit ekki af hverju hann lætur þannig.

[Gísli Holgersson (IP-tala skráð) 14.1.2021 kl. 16:59]

Björn er hugsanlega að meina fjölkvæni?

Varðandi knattspyrnufélagið Val, KR og Stjörnuna til dæmis: Valsmenn velja sitt lið úr Reykjavík og nágreni en KRingarnir úr vesturbænum og af Nesinu og Stjarnan í Garðabæ og af Álftanesi. Þarna skapast smá keppni milli nágrannabæja.

[Hrólfur Þ Hraundal, 14.1.2021 kl. 21:38]

Þetta eru réttmætar spurningar Halldór og svarið liggur nokkuð ljóst fyrir. Þessi maður lét kjósa sig á þing því að það er hagkvæmt fyrir hann, en ekki fyrir samfélag okkar Íslendinga. Hann er þarmeð vangefin eða drullusokkur, nema hvorutveggja sé.

 

Vegna þess að hálfvitar á alþingi, kommar og huldukommar, ríkis væddu pólitíkina, stjórnmálaflokkana og framboðin þá er það orðin auðveld tekju öflun að bjóða sig fram til þings. Við munum fá meir af svona nema við getum fundið flokk sem vill afnema ríkis launaða frambjóðendur, en það er ekki nóg að finna hann, það þarf að styrkja hann til verks.

 

Í raun væri heppilegast setja um það reglur hvað margir flokkar sitji á þingi hvert kjörtímabil. Því færri væri betra en núverandi flokka kraðak, en í raun væru tveir best fyrir lýðræðið. Því færri flokkar sem fengu heimild til að sitja á alþingi, því meira myndu frambjóðendur leggja sig fram um að vinna saman.

[Vagn (IP-tala skráð) 15.1.2021 kl. 15:26]

Það sem þu átt við er...Af hverju getur þessi maður ekki varið tíma sinum og Alþingis í eitthvað sem skiptir Halldór Jónsson máli? Þú ert gjarn á að telja þig þjóðina, jafnvel þó mikill meirihluti sé þér oftast ósammála.

[Húsari. (IP-tala skráð) 15.1.2021 kl. 18:02]

Sæll Halldór.

Þó svo kunni að virðast að Birni líði ekki vel nema
að vera í fjölmiðlum sem oftast,
þá held ég að honum sé alvara með þessum
tillögum sínum og þær skipti hann meira en annað.

Hitt er svo annað mál og öllu erfiðara viðfangs að
fella þetta að þeim lögum sem nú eru í gildi og
þar sem þetta víkur hvað mest að fjármunum þá held
ég að nokkuð sé í land hjá Birni að sjá þennan
draum sinn rætast.

Geri ráð fyrir að hann og fleiri sjái þetta sem leið til réttlátara samfélags og sú geti verið skýring
"að hann láti svona"!

[Símon Pétur frá Hákoti (IP-tala skráð) 15.1.2021 kl. 18:17]

Ég held, Halldór minn, að svarið liggi í því að Píratar hafa ekkert vitrænt fram að færa. 

Þess vegna láta þeir eins og fífl.

Og það er rétt sem Hrólfur segir, þeir eru komnir á spenann við að láta eins og fífl.

Kjararáð Bjarna Ben., ríkisvæðing stjórnmálanna, sá til þess.  Þannig hangir vitleysan saman á spenanum. 

Hirðinni fylgja hirðfíflin.