Borgarlínan brunar

beint af augum.

Frétt í Mogga :

"Farþegum með Strætó á höfuðborg­ar­svæðinu fækkaði á síðasta ári um 3,3 millj­ón­ir, fóru úr 12,2 millj­ón­um árið 2019 í tæp­lega 8,9 millj­ón­ir í fyrra.

Farþega­tekj­ur Strætó minnkuðu um 800 millj­ón­ir króna og út­lit er fyr­ir að árið verði gert upp með 500 millj­óna króna halla, að sögn Jó­hann­es­ar S. Rún­ars­son­ar, fram­kvæmda­stjóra Strætó.

Árið byrjaði vel, farþega­fjöldi jókst fyrstu tvo mánuði síðasta árs og var aðeins um­fram áætlan­ir. Með kór­ónu­veirufar­aldr­in­um og sótt­varnaaðgerðum kom bak­slagið og staðan gjör­breytt­ist.

„Árið var erfitt hjá okk­ur eins og hjá öðrum og fjöldi farþega dróst veru­lega sam­an í mars um leið og fjölda­tak­mark­an­ir voru sett­ar á,“ seg­ir Jó­hann­es. Þessi þróun hélt áfram út árið og alla mánuði árs­ins, að janú­ar og fe­brú­ar und­an­skild­um, fækkaði farþegum hjá Strætó miðað við 2019.

Í um­fjöll­un um mál þetta í Morg­un­blaðinu í dag seg­ir Jó­hann­es að Strætó hafi brugðist við vand­an­um á ýms­an hátt. Þannig hafi næturakstri verið hætt í fram­haldi af banni á marg­vís­lega starf­semi síðla kvölds og á nótt­unni. Einnig hafi Strætó hætt að nota auka­vagna, sem áður voru kallaðir inn til að mæta álag­stopp­um í venju­legu ári. Ekki var þörf á slíku í fyrra á ári fjar­náms og heima­vinnu."

Nú eru skýringarnar fjöldatakmarkanir vegna COVID19.

En hvert fóru farþegarnir? Hættu þeir bara að ferðast eða fóru þeir í göngu,hjól eða bíla?

Bæjarstjórinn í Kópavogi ætlar ótrauður að byggja 550 íbúðir á endastöð tveggja brauta í Hamraborg.Þá eru viðskiptin tryggð í þann enda.

Hvernig verða vagnar Borgarlínunnar?

Lestarvagnar á teinum?

Langir strætóar á miðjuakreinum?

Hvenær verður byrjað að byggja þetta?

Eða er þróunin bara sú að fólk vill ekki ferðast með almenningssamgöngum og fer annað?

Borgarlínan brunar samt áfram í heilabúum hugsjónamanna í Borgarstjórn Reykjavíkur og nágrennis austan Seltjarnarness.

Athugasemdir

[Vagn (IP-tala skráð) 16.1.2021 kl. 16:11]

"En hvert fóru farþegarnir? Hættu þeir bara að ferðast eða fóru þeir í göngu,hjól eða bíla?"

Þeir sem heima sátu í sóttkví eða unnu að heiman fóru væntanlega ekki mikið. Og ekki þurftu ungmennin að mæta í skólana og hafa því væntanlega ekki fjölmennt í strætó. Næturakstri um helgar var hætt þegar dró saman í skemmtanahaldi. Og ekið samkvæmt laugardagsáætlun virka daga. Fjarlægðarmörk og fjöldatakmarkanir voru heldur ekki hvatning til fólks að nota strætó.

Þróunin er sú að unga fólkið vill minni íbúðir, grænni mat, almenningssamgöngur og minni mengun. Þetta er óskiljanlegt mörgu gömlu fólki sem sá 200 fermetra einbýlishús, jeppa og kadilakk í innkeyrslunni og stórar steikur sem toppinn á tilverunni. Öldungum sem halda að sá draumur lifi góðu lífi hjá barnabörnunum. Barnabörnum sem mótmæla loftlagsmálum, endurnota föt og bækur, og borða í síauknum mæli vegan.

Menn þurfa að vera nokkuð rökþrota og örvæntingafullir ef þeir þurfa að nota fækkun farþega í banvænum heimsfaraldri sem rök gegn borgarlínunni.

[Gísli Holgersson (IP-tala skráð) 16.1.2021 kl. 19:58]

Miljarða halli Reykjavíkurborgar hressir ekki upp á Borgarlínuna og COVID19 ofan í allt til viðbótar:

• Nota skal miðlungs vagna á hjólum?

• Jarðefnaeldsneyti frá SORPU, sem er í eigu Reykjavíkurborgar?

• Tveir vagnstjórar. Einn til aksturs, hinn til eftirlits og öryggis?

• Biðtíminn skal stuttur milli vagna í biðskýlum?

• Mála skal vagnana í glæstum fánalitum?

• Frítt skal í vagnana fyrstu 1-2 árin til að sanna áhuga almennings, skólabarna og öryrkja?

• Takk...

[Þorsteinn Siglaugsson, 16.1.2021 kl. 21:21]

Bæjarfulltrúar Sjálfstæðisflokksins í öllum nágrannasveitarfélögum Reykjavíkur virðast styðja ruglið af heilum hug, og einhverjir fulltrúar flokksins í borginni líka. Hvað getur maður kosið næst?

[Halldór Jónsson, 17.1.2021 kl. 03:46]

Ég viðurkenni að Kerran hefur rétt fyrir sér með að pestin hefur haft mikil áhrif á ferðavenjurnar með Strætó. 

En samt held ég að fólkið hafi valið sér bílinn, steikurnar og kadillakkinn sem lífstil umfram kommeríið og þar með Borgarlínuna.

Sú framtíðarsýn bara verður ekki.  

[Halldór Jónsson, 17.1.2021 kl. 11:41]

Þegar kemur að kosningum verða menn að kjósa með því hugarfari að setja atkvæðið þar sem það veldur þér minnstum skaða, ekki hvar það þjónar því sem maður vill. Kjósandinn er í vörn en ekki hugsjónabaráttu.

Ef þú kýst ekki ertu að greiða Gunnari Smára atkvæði eða Pírötum. Ef þú kýst ekki Sjálfstæðisflokkinn þá ertu að styðja einhvern smáflokkinn eins og VG eða Framsókn.

Þú færð bara það sem þú vilt alls ekki.