Goðsögnin um ESB

er umfjöllun Gunnars Rögnvaldssonar um hvílk slys þetta tollabandalag hefur fært yfir aðildarþjóðir sínar undir forystu hinnar handónýtu Úrsúlu von der Merkel.

Gunnar segir í dag:

"

Ekki þýðir annað en að birta hér á útlensku um það málefni sem hver fjölmiðill með virðingu fyrir sjálfum sér ætti að birta hér heima en gerir ekki, nema Morgunblaðið. Og hér er alveg sérstök ástæða til að benda á lokaðan ríkisfjölmiðilinn DDRÚV. En hann hefur á hinum síðustu árum loksins fundið gluggatjöldin sem Halldór Laxness sagði að væri það eina sem Sovétríkjunum vantaði, því ekkert um ástandið í Vesturlöndum-nær sleppur út úr DDRÚV. Sérstaklega ekki um ESB-gjaldþrotasambandið. Aðeins þær fréttir sem passa við stefnuskrá DDRÚV sleppa út

Nú segir Ursula von der Leyen forseti framkvæmdastjórnar ESB að sambandið sé framar Afríku í bólusetningum við kínversku Wuhanveirunni. Er þetta ekki stórkostlegt. Meginlandsfyrirbærið ESB er að breytast í eins konar Norður-Afríku

En þá ber að geta þess að sá/sú stjóri/ína er sérstakur útsendari Angelu Merkels, sem aðstoðarritstjóri breska Telegraph segir að sé ofmetnasti stjórnmálamaður sinnar kynslóðar á meginlandi Evrópu. Hvorki meira né minna. Allt sem hún kemur nálægt leggur hún í rúst

Merkel og forseti Frakklands hafa nú breyst í eins konar bólusetningar-afneitara sökum þess hversu vel nýfengið fullveldi og sjálfstæði Bretlands virkar fyrir það þegar að lífsmikilvægum málum eins að verja þjóðina í og gegn heimsfaraldri kemur. Þar æða Oxford/Spitfire um Stóra-Bretland og hafa nú þegar bólusett 17 prósent þjóðarinnar á meðan, sem sagt, Evrópusambandið miðar sig við Afríku

Ekki gleyma að minnast hér á þriðja flokks orkupakka Evrópusambandsins Gunnar, því nú er svo kalt í veðri í turni ESBhrópsins að Svíar mega helst ekki ryksuga heima hjá sér vegna ESB-hugmyndafræðilegs orkuskorts og pappírsverksmiðjur landsins neyðast til að loka niður, því þá er rafmagnið svo dýrt. Hjarðónæmi meðal forystu Sjálfstæðisflokksins gegn kjósendum hans hefur hins vegar verið náð. Það er þó eitthvað

Og hugsa sér. Nú er ástandið á Ítalíu svo "rosalega gott", eina ferðina enn, að ókjörinn Mario Draghi fyrrum ECB-seðlabankastjóri er að setjast þar við stjórnartaumana, einungis vegna þess að hann þekkir fólk um borð í seðlabanka evrunnar. Kjósendur koma hvergi nærri. Hvert skyldi nú aftur ítalska skútan vera á leiðinni? Tvær aðrar samsteypuríkisstjórnir riða nú til falls á meginlandi Evrópu: í Hollandi og Austurríki

Það besta sem gerst gæti fyrir Ísland er að viðurkenna að við Íslendingar eins og Bretland, getum ekki búið við meginland Evrópu því við erum ekki í Evrópu, og að við leggjum því aftur aðaláherslur okkar í utanríkisviðskiptum á Stóra-Bretland og Norður-Ameríku og nágranna þess í norðri, því ein og sér eru Bandaríkin stærri, öruggari og mun betri og þróaðri viðskiptamarkaður en allt meginland Evrópu. Á því meginlandi er nefnilega flest viðstöðulaust á leið til nýrrar heljar

Segja þarf EES-samningum upp og forða Íslandi út af lögsögu Evrópusambandsins áður en hún dregur okkur lengra niður í meginlandssvað hins þriðja farrýmis hagkerfa. En þar hefur Þýskaland nú náð því nýja en samt gamla þróunarstigi á ný, að það myndi endurframleiða næstum hvað sem er til aftöku á hverju sem er hvar sem er, græddi það túkall á því. Þar býr gömul púðurtunna sig undir nýjar hæðir, einu sinni enn

Bara þetta árið munu hundruð þúsunda manna missa lífið á meginlandi Evrópu vegna pólitískar hugmyndafræði elíta þess um ESB. Sovétríkin voru líka þannig. Þannig hugmyndir kosta nefnilega mannslíf, því þær eru drápsmaskínur"

Gunnar kveður fast að orði eins og venjulega. Sumum kanna að finnast að of fast sé kveðið.

En má ekki Gunnar hafa skoðanir á sínum stjórnmálaflokki Sjálfstæðisflokknum?

Allavega veitir ekki af að andæfa fullveldisframsalsflokkunum báðum, Samfylkingu og Viðreisn sem hræra sína steypu um ESB goðsögnina og Evrudásemdina sem því miður allt of margir kjósendur  virðast trúa.

 

Athugasemdir

[Grímur Kjartansson, 7.2.2021 kl. 16:56]

Ja hér hringja viðvörunarbjöllurnar hátt.

Það eru semsagt kontóristar í Brussel sem munu ákveða hvað eru GRÆNAR fjárfestingar. Ekki furða að Svíar ætli sér að senda áróðursher (lobbíista) til Brussle til að reyna bjarga skógræktinni með öllum ráðum

EU:s förslag att ta bort skog på listan över hållbara investeringar oroar Sverige | SVT Nyheter

[Gísli Holgersson (IP-tala skráð) 7.2.2021 kl. 17:07]

Skrif Gunnars Ragnarssonar eru skýr og þarfnast umhugsunar, varðandi utanríkismál ÍSLENDINGA.  ESB, EES og Schengen ásamt embættismönnum sama sinnis þarf að útiloka til þings og þjóðar.

Það verður að útskýra málflutning og skoðanir Samfylkingar og Viðreisnar um hættuna af ESB sinnum Evrópu og Norðurlanda. 

Merkel datt inn í upphafi, þegar nógir peningar voru til, en í dag sitja 27 þjóðir í "skuldabandalagi" ESB sinna. Vilja ÍSLENDINGAR tengjast þessu öngþveiti og getuleysi ESB?  Gunnar skrifar: Drögum ÍSLAND útaf lögsögu Evrópu sambandsins og menningarsviði hins þriðja heims.

Skýrum þessi mál fyrir þjóðinni ásamt hælisleitenda umsóknum. Ég ásamt fjölskyldu minni, mömmu, pabba og bróður biðum eftir græna kortinu til USA 1957 í 2 ár. Notum sendiráðin erlendis til umsóknar fyrir ÍSLAND... 

[Vagn (IP-tala skráð) 7.2.2021 kl. 22:23]

Er það sami Gunnar og telur lífsgæði sín betri innan ESB en utan, hefur búið megnið af sinni æfi í ESB ríki, stofnaði þar og rekur fyrirtæki, telur starfskröftum sínum best varið í að vinna, búa, greiða skatta og efla ESB? Sá Gunnar sem kýs ESB frekar en það ríki sem hann fæddist í, þáði heilbrigðisþjónustu frá og menntun og flúði stuttu eftir að vinnualdri var náð og skattgreiðslur voru að hefjast? Er það sami Gunnar sem ekki vill að Íslendingar njóti sömu hagsældar og hafa haldið honum innan ESB frá stofnun og eru undirstaða lífsgæða hans og hamingju?

[Gísli Holgersson (IP-tala skráð) 8.2.2021 kl. 10:53]

Í Morgunblaðinu í dag skrifar Friðrik Danielson um áhuga tveggja stjórnmálaflokka í Noregi, sem vilja fara undan valdi ESB "valdsins" í Evrópu, en enginn frá ÍSLANDI. Þetta er athyglisvert varðandi næstu Alþingis kosningar.

Hvaða stjórnmálaflokkur á ÍSLANDI vill keyra undir sömu merkjum? Þetta er stórmál fyrir fámenni okkar og sjálfstæði. Auk þess erum við ekki innan ESB nema að nafninu til. Tökum afdráttarlausar ákvarðanir, STRAX.

• Seljum ekki 1/einn fermetir af Landinu okkar til erlendra auðkýfinga og stórþjóða.

• Verjum Fossa, Veiðiár og öll Annnes.

• Ég græt yfir sölu jarða og vatna umhverfis Vík í Mýrdal.

• Hjörleifshöfði fyllti mælinn fyrir 489 miljónir? Vikur, Sandur, Skipsströnd og verðmæti. Íslenska ríkið á að FJÁRFESTA í eigum bænda.

• Setjum LANDSLÖG og BANN um sölur á Landinu okkar til erlendra og stórþjóða.

• Orkan, Virkjanir og Heita-vatnið er okkar eign.

• Hælisleitendur er vandamál á ÍSLANDI og Kristinnar Evrópu, sem er stjórnlaust.

• ÍSLENDINGAR vilja ekki vera HÚSKARLAR í eigin LANDI.

[Gísli Holgersson (IP-tala skráð) 8.2.2021 kl. 14:50]

Gunnar "hinn ágæti" óttast öngþveitið í Evrópu og hefur heimþrá?

[Gísli Holgersson (IP-tala skráð) 10.2.2021 kl. 10:59]

Það er stutt til næstu kosninga. 

Kjósendur vilja tafarlaust heyra um alvörumálin og hugsanir stórflokkanna um næstu framtíð um fámenni ÍSLENDINGA. Fjölþjóða spekulasjónir er ekki hátt skrifað. AUKUM sjálfstæði okkar, fullveldi og öryggi með eigin athöfnum.