Var hann Sjálfstæðismaður?

hann Þorsteinn Pálsson, þrátt fyrir að verða formaður þess flokks?

Það er skondið fyrir mig sem kaus Þorstein á landsfundi og studdi í kjöri á móti Davíð Oddssyni, að velta þessu fyrir mér.

Ég hafði verið  samtíma Þorsteini í Vinnuveitendasambandinu og þótti hann fremur snöfurlegur þar og vel máli farinn,sem fáir leika eftir í ræðustóli.

Hugsanlega olli sterk röddin og sviðsöryggið því að maður hélt að þarna færi röskur og stefnufastur maður. En honum reyndust því miður mislagðari hendur í of mörgu í sinni formannstíð en öðrum formönnum þess flokks.

Hugsanlega vantaði í hann hugsjónalegt baklandið, sem viðtakandinn hafði í svo ríkum mæli.

Geir Hallgrímsson mælti með Þorsteini við mig fyrir fyrsta kjör hans. En mikið hef ég iðrast síðan að ég skyldi hafa blindast svo illilega á þeim landsfundi þegar Davíð bjargaði Sjálfstæðisflokknum úr sjálfheldunni.

En nú skrifar Þorsteinn vikulega Kögunarhóla í málgagn ESB á Íslandi, þar sem hann áður var ritstjóri þegar það blað var  almennt kallað Baugstíðindi.

Við reglulegan lestur þeirra fer ég ekki lengur í neinar grafgötur með það, að Þorsteinn er ekki Sjálfstæðismaður og er  eiginlega merkilegt að hann skuli hafa orðið formaður í þeim flokki án þess að vera þeirrar gerðar.

Þorsteinn var ólíkur Davíð í fasi og skorti mikinn léttleika og húmor til jafns við æringjann Davíð.Þó er samlíking hans á Katrínu Jakobsdóttur og landsliðseinvaldi bráðaskemmtileg. 

En svo skilur alveg á milli hans og Davíðs þegar kemur að grunninum. Þorsteinn er stjórnlyndur og trúir á Evrópusambandið. Hann trúir ekki á gjaldeyrisfrelsi eða viðskiptafrelsi heldur tollabandalög og ríkisrekstur auðlinda.

Hann skrifar til dæmis:

"Sjálfstæðisflokkurinn er á móti öllu frekara samstarfi við Evrópu, mest af ótta við að missa atkvæði til Miðflokksins. Hann vill fremur fórna viðskiptafrelsinu. Forysta VG getur lifað með því, þó að í baklandi VG séu frjálslyndari viðhorf til Evrópusamstarfs."

merkilegt að jafn reyndur maður og Þorsteinn skuli láta þetta út úr sér.

Og til viðbótar þetta:

"Í báðum tilvikum eru frjálslynd viðhorf líklegri til þess að verða ofan á ef VG kýs að vinna með öðrum en Sjálfstæðisflokknum."

Þorsteinn sér frjálslyndi þar sem Evrópusambandið er og VG. Einhverjum myndi hafa þótt öðruvísi hafa  áður brugðið.

Og til viðbótar kemur þessi klausa:

"Samtök atvinnulífsins veita Sjálfstæðisflokknum skjól til að velja höft fremur en samstarf innan EESsamningsins um viðskiptafrelsi og stöðugan gjaldmiðil."

Enginn þarf að velkjast í vafa með grundvallarafstöðu ritarans  í stjórnmálum þegar þessi texti er lesinn. 

Þorsteinn Pálsson á ekkert sameiginlegt með sjálfstæðisstefnunni frá 1929, svo mikið er víst.

Athugasemdir

[EINAR S HALFDANARSON (IP-tala skráð) 3.6.2021 kl. 22:32]

Sæll Dóri

Þorsteinn Pálsson hefur ekkert breytt um skoðun. Hann styður pírata til þess að stjórna Reykjavík með fyrirsjánlegum árangri og skudasöfnun. Fáir eru sagðir hafa fært betri rök gegn innlimun í ESB. 

Erindi þessa manns er hefnd gegn okkur sem fyrrum studdu hann.

[Grímur Kjartansson, 3.6.2021 kl. 22:51]

Feginn er ég að Þorsteinn hafi ekki orðið formaður og leitt okkur síðan inn í ESB 
Ég trúi sð við höfum ekkert inn í ESB að gera
Ég les það sem Davíð skrifar og hef bara það álit á sjálfum mér að ég geti skilið milli þess sem mér finnst og einhverjum öðrum

[Kristinn Bjarnason (IP-tala skráð) 5.6.2021 kl. 07:05]

Það eru því miður ekki margir raunverulegir sjáfstæðismenn í framboði. Arnar Þór Jónsson virðist eiga erindi í stjórnmál. Það er ekki í tísku að standa með þjóðinni heldur eiga allir minni máttar í heiminum að fá að éta upp það sem Íslendingar hafa byggt upp. Við landsmenn sitjum uppi með fullt alþingi af fólki sem stendur ekki með þjóðinni. Þetta er alla vega mín tilfinning.

Hægri menn hafa ekkert skjól fyrir eyðileggingaröflum vinstrisins.

[Halldór Jónsson, 5.6.2021 kl. 22:52]

Fæðast menn allt í einu sem stjórnmálamenn eða þurfa þeir að alast upp og þroskast og læra á gangverkið. Þetta er ekkert einfalt og nóg af pyttum til að detta í.

[Kristinn Bjarnason (IP-tala skráð) 6.6.2021 kl. 07:02]

Það var vissulega undarlegt að Þorsteinn skildi ná að verða formaður SF og ekki minna furðulegt að ÞKG skildi ná í varaformanninn. Það eru allskonar skrítnir hlutir að gerast í SF. Sigríður A er ein örfárra sjálfstðismanna sem eru eftir í framboði en er hafnað af flokksmönnum eftir ömurlega og óheiðarlega árás vinstri manna.

Guðlaugur er vanur,og hann vann. Það leika ekki ferskir vindar í kring um vana stjórnmálamenn. Hann er t.d.svo vanur að höndla vinstri menn að ég get ekki betur séð en þeir séu hæst ánægðir með hann.

Fyrir mína parta dugar ekki lengur að kjósa SF af því að það sé skársti kostur. Við erum augljóslega að sigla að feigðarósi og e.t.v. best að gefa hressilega í til að geta byrjað upp á nýtt.