Halldór Jónsson

6.6.2021 | 18:48

Hafður að fífli

finnst mér ég vera oft á tíðum.

Opinberir starfsmenn hjá RÚV fara um borg og bý og sýna myndir af hverskyns afkáraskap,og hafa viðtöl við eitthvað fólk sem titlar sig listamenn af því að það hefur raðað upp vitleysunni sem okkur er sýnd.Fólk sem greinilega hefur ekkert til brunns að bera annað en sérvisku og dáraskap.

Dr, Josef Göbbels sagði við Söru Leander söngkonu:

"Listin kemur ekki af því að vilja heldur af því að geta."

Mér finnast þessir misskeggjuðu og Colgategapandi ríkisstarfsmenn gera grín að okkur varnarlausum sjónvarpsneytendum með því að láta okkur horfa á afkáraskapinn og hlusta á þá tala við þessa gjörningafremjendur eins og að þeir séu einhverjir listamenn.

Mér finnst ég stundum vera hafður að fífli og látinn borga fyrir það í þokkabót með afnotagjöldum mínum nauðugur viljugur.

Flokkur: Stjórnmál og samfélag | Facebook

Athugasemdir

Þú borgar ekki afnotagjald. Annars sammála þér.

Heimir Lárusson Fjeldsted, 6.6.2021 kl. 21:20

Fíflaganginum er viðhaldið. Hvernig stendur á því að RÚV er látið hafa 20 milljónir á dag frá borgurunum til að reka starfsemi sína. Unga fólkið er ekki lengur að nota RÚV og finnst boðskapurinn fáránlegur í netheimi þar sem upplýsingar og fréttir frá öðrum eru áreiðanlegri. Eldri notendum fækkar með hverjum deginum, en mest er hlustað á Rás 1 sem er með vandaða dagskrá.

Fréttir, sértaklega í Speglinum eru litaðar og beinast að því að efla starfsemi hins opinbera. Árásir á Samherja og ráðherra sjávarútvegs ósanngjarnar og pólitískar. Sammála þér að svona geta mál ekki þróast lengur í lýðræðisríki.

Brynjar Níelsson alþingismaður lagði áherslu á að með nýju frumvarpi menntamálaráðherra væri verið festa ríkisstyrki í sessi. Fáir töluðu jafn skýrt fyrir sjálfstæði fjölmiðla. Verst er að þeir eiga sér æ færri málflytjendur á Alþingi.

Sigurður Antonsson, 6.6.2021 kl. 22:48

Það er af sem áður var. Þegar RUV stóð vörð um forna menningu vora og bannaði Ég er kokkur á Kútter frá Sandi, Allt á floti og Nú liggur vel á mér. Þegar Megas var bannaður en kveðskapur var og fugl dagsins í hádegisútvarpinu og ró ríkti á elliheimilunum.

Þegar þú varst ungur sögðu gamlir menn eitthvað svipað um Kjarval, Ásmund og Laxness. Gamlir menn hafa sennilega talað eins um alla nýja listamenn frá fyrstu hellaristunum. Það er óþarfi að gera sig að fífli þó fáfræðin geri að þú heldur aðra vera að hafa þig að fífli.

Þínir listamenn eru dauðir og bráðum verður þú það líka. Listin í dag er ekki ætluð þér. Ungt fólk semur ekki list fyrir fólk sem komið er á grafarbakkann. Og fyrir þér er hún eins og Kínverska, skilur ekki, kemur ekki til með að skilja og hefur engan áhuga á að skilja.

Vagn (IP-tala skráð) 6.6.2021 kl. 23:27