Pólitík er bara list hins mögulega.!

Jón Magnússon lögmaðurinn ljúfi skrifar svo á bloggið sitt:

"Á fréttastöðinni Al Jaseera var viðtal við páfa réttrúnaðar loftslagskirkjunnar Al Gore. Hann hafði þá sögu að segja, að allt væri að fara til fjandans (raunar einn ganginn enn) Ísinn í Norðurhöfum og Suðurhöfum væri óðum að hverfa, hundruð milljóna fólks væru flóttafólk vegna loftslagshlýnunar og uppblástur og eyðilegging blasti allsstaðar við auk þess sem hitinn færi stöðugt hækkandi á jörðinni vegna þess kolefnisspors sem alþýða manna stigi með atferli sínu. 

Einhvern veginn þá ríma þessar upplýsingar Al Gore ekki við raunveruleikann sem blasir við. Allt sem hann heldur fram er rangt. Auk þess sem það hefur ekkert hlýnað sem heitið getur frá aldamótum eins og Ágúst Bjarnason hefur bent skilmerkilega á. En Katrín Jakobsdóttir, sem norpar hér í 7 gráðu hita eða þaðan af minna trúir hverju einasta orði og hún og flokkur hennar, sem er innvígður í samfélag heilagra í loftslagsmálum, hefur knúið fram miklar greiðslur til réttrúnaðarkirkju Al Gore og sértök aukaframlög frá skattgreiðendum á Íslandi upp á milljarða. 

Í reikningum bílaleiga á Spáni er áskilið, að reiknað sé kolefnisspor sem hver leigjandi skilur eftir sig með akstri. Allt er það liður í áróðursstríði réttrúnaðarkirkjunnar til að fólk verði sakbitið yfir þessari sóun. Þeir sem fordæma eru fólk eins og Al Gore, Karl Bretaprins, Emma Thopmson leikkona og margir aðrir sem láta það þó eftir sér að ferðast um á einkaþotum og skilja eftir sig kolefnisspor sem nemur væntanlega því sama og öll umferð bifreiða á Íslandi. 

En í þessu efni er ekki það sama Jón og sr. Jón. Alþýðan á að blæða með hærra vöruverði og auknum sköttum á meðan yfirstétt auðfólks,sem borgar hlutfallslega miklu minni skatta hamast við að troða því inn hjá almenningi að það verði að sætta sig við skert lífskjör vegna þessara trúarbragða. 

Þessi falskenning er jafn fráleit og sú, sem sett var fram í upphafi síðustu aldar, að ekki yrði hægt að fara um New York vegna þess aða borgin yrði fljótlega full af hrossaskít og ekkert yrði við ráðið."

 

Já,jón minn góður. Hræsninni og skinhelginni eru engin takmörk sett enda undirstaða allar trúarbragða í veröldinni þar sem einfeldningum er talin trú um að gefa eyri sína og ekknanna til trúbófanna sem er stétt sem páfarnir, Imamanarnir og AlGore tilheyra sem sleikja útum um leið og þeir þykjast geta útvegað vitleysingum eilífa sæluvist þar sem er borðað þrímælt kláravín og mergur með. Kaupum aflátsbréf kolefnisspora segir Katrín Jakobs sem forgangsmál ríkistjórnar ninnar og látum skrílinn borga með blóði sínu svita og tárum.

Og Bjarni og Sigurður Óli dansa með í skjóli meiri hagsmuna fyrir minni segja þeir því að það sé satt að pólitík sé bara list hins mögulega.

Athugasemdir

[GÍSLI HOLGERSSON (IP-tala skráð) 12.6.2021 kl. 19:21]

TRUMP er maðurinn, sem hafði ávallt rétt fyrir sér varðandi innanríkismál,utanríkismál og loftslagsmál USA, að viðbættum "afrekum ríku" Gretu Tunberg og AlGore, sem heilaþvoðu vestur heim og Evrópu með fáranlegum hitatölum.

Nú bjöða Black Rock fjármálahópur og einstaklæingar 50% yfirverð á öllum stóreignum og hótelum við sjávarsíðuna í USA. Þessi hópur er ekki hræddur við hækkun sjávar? Hann er í stórbísness með breyttum húsum og hótelum með allt í útleigu? Þjóðernissinnaðir Amerikumenn eru ekki hamingjusamir með breytta Ameriku.

[Ómar Geirsson, 14.6.2021 kl. 16:03]

Blessaður Halldór.

Mikið er ég sammála þér um óráð hagfræði andskotans sem þú og Jón urðu svo snemma skotnir í, kenningar frjálshyggjunnar hafa yfirtekið baráttuna gegn hlýnun jarðar, með öllum þeim fáráðum sem þú og Jón rekjið hér að ofan.

Auðvitað er orka og orkuöflun tæknilegt úrlausnarefni, og engin er tæknin og framþróunin ef öllu er fyrst komið aftur á steinöld hvað orku og framleiðsluhætti varðar.

En Halldór minn, greyið hættu þessu bulli um jörðin hafi ekki hlýnað neitt að ráði frá því um síðustu aldamót, þetta er vanvirðing við vitsmuni þína og þekkingu, sem og vanvirðing við lesendur þína.

Það hlýtur að vera hægt að taka slaginn án þess að bulla eða fara rangt með líkt og þeir sem trúðu á Stalín í den, og vitnuðu endalaust í opinberar áróðurstölur um framleiðslu, framleiðsluaukningu, lífskjör, mannréttindi, réttindi þjóða og þjóðabrota í Sovétinu og svo framvegis.

Raunveruleikinn var alltaf allt annar en trúin og trúarbrögðin sögðu, þá var bullað, þá var farið rangt með, en Halldór, gegn betri vitund því það vissu það allir að Moggalygin var sönn.

Ég ætla að skjóta á þig nýjasta línuritinu frá Nasa, sem kom í grein um að árið 2020 hefði verið það hlýjasta í sögu nútímahitamælinga.

Á meðan er það kveðjan.

[Ómar Geirsson, 14.6.2021 kl. 16:12]

Og hér er NASA línuritið, ég held að jafnvel heittrúaðasti kommi í den hafi viðurkennt þekkingu og vísindi þeirrar stofnunar, þeir voru hins vegar líka stoltir af sínu mönnum, Spútnik og öllum geimeldflaugunum.

Þú sérð Halldór af þessu grafi að síðasti áratugur er sá heitasti frá því að mælingar hófust, og sex hlýjustu ár í sögu mælinga er öll frá og með 2015.

Jón er lögfræðingur og þeir kunna ekki að fara með tölur og það er örugglega innan við þrír lögfræðingar á landinu sem kunna að lesa úr grafi, en þú Halldór er raunmenntaður, og átt því að vita betur.

Jafnvel leiðrétta þig.

Kveðja að austan.