Kjósið Dag B.og

borgið þrefalt lóðarverð miðað við annarsstaðar.

Svo segir í Mogga og ekki lýgur hann:

"Fjárfestar hafa hafið sölu lóða undir íbúðarhúsnæði í nýju hverfi í Vogum en fullbyggt gæti það rúmað um tvö þúsund íbúa. Með því myndi íbúafjöldinn í Vogum ríflega tvöfaldast. Sverrir Pálmason, lögmaður og fasteignasali, er einn þeirra sem standa að verkefninu. Hann segir í ítarlegu viðtali við ViðskiptaMoggann að þróunin á höfuðborgarsvæðinu hafi skapað tækifæri til uppbyggingar á svæðinu. Lóðarverð á hverja íbúð sé frá þremur milljónum króna sem sé allt að þrefalt lægra en á þéttingarreitum á höfuðborgarsvæðinu. Fyrir vikið verði hægt að bjóða hagkvæmt húsnæði sem henti meðal annars fyrstu kaupendum og eldra fólki sem er að minnka við sig"

Í hvers þágu starfar núverandi meirihluti í Borgarstjórn Reykjavíkur?

Látið Pawel Bartoschek reikna það út fyrir ykkur.

Bolli Kristinsson er ekki í vafa um útkomuna enda er hann ekki stærðfræðingur heldur venjulegur kaupmaður með kommonsense.

Kjósið Dag B.sem Borgarstjóra og byggið á þéttingarsvæðunum við Borgarlínuna. Borgið þar þrefalt lóðarverð í húsnæðisverðinu.

Athugasemdir

[Vagn (IP-tala skráð) 30.6.2021 kl. 10:01]

Væri betra að byggingameistararnir gætu hagnast meira? Því íbúðarverð í Reykjavík stjórnast ekki af lóðaverði eða byggingarkostnaði. Íbúðir lækka ekki þó byggingavörur og lóðir lækki. Ef byggingameistararnir geta selt á 60 milljónir þá gera þeir það, sama hvort það kostaði 30 eða 50 að byggja.

Þær eru ekkert ódýrari íbúðirnar sem voru byggðar þegar lóðir kostuðu lítið.

[Halldór Jónsson, 30.6.2021 kl. 15:09]

Kerru -komminn er ekki ívandræðum með röksemdafærsluna. Borgið bara það sem upp er sett og verið ekki að rífa kjaft.Markaðurinn er ekki til sem verðlagsvaldur.

Þeir eru kostulegir kommarnir.

[Vagn (IP-tala skráð) 30.6.2021 kl. 18:42]

Markaðurinn er einmitt til sem verðlagsvaldur og kommúnískar hugmyndir þínar (þú gerist jafnvel eldheitur kommúnisti til að reyna að koma höggi á borgarstjóra sveitarfélags sem þú býrð ekki í !!!) um að verð stjórnist af kostnaði eru rangar. Kosti lóðir of mikið þá seljast þær ekki. Framboð og eftirspurn ræður verði fasteigna en ekki verð á lóðum, spýtum og nöglum. Ef byggingameistararnir geta selt á 60 milljónir þá gera þeir það, sama hvort það kostaði 30 eða 50 að kaupa lóð og byggja.

Þú getur keypt þér fasteign sumstaðar á landsbyggðinni vel undir brunabótamati og byggingarkostnaði. Einbýlishús á Raufarhöfn færðu fyrir innan við 10 milljónir, með brunabótamat upp á rúmar 30, meðan hús á eftirsóttum lóðum eru keypt á hæsta verði í Reykjavík til þess að rífa, byggja annað og selja með góðum hagnaði.

Hvers vegna ættu Reykvíkingar að gefa afslátt af lóðum sem seldar verða af byggingameisturunum á fullu markaðsverði? Hvers vegna ætti Dagur að gefa byggingameistara margar milljónir fyrir að byggja íbúð á lóð borgarinnar?