Vantraust á Borgarstjórn

er útbreitt.

Auglýsingar Bolla Kristinssonar gegn Borgarstjórnarmisgjörðunum og Degi B. Eggertssyni hafa vakið verðskuldaða athygli. Brjóta eiginlega blað í stjórnmálabaráttu Íslands.

Er ekki hægt að safna undirskriftum um vantraust á núverandi Borgastjórnarmeirihluta?Vantar  ekki eitthvað í lög um sveitarstjórnarmál um hvernig kjósendur geta lýst vantrausti á meirihluta á yfirstandandi kjörtímabili?

Á forsíðu Morgunblaðsins stendur:

"Vilji borgarinnar til fækkunar bensínstöðva er skýr, en jarðefnaeldsneyti verður þó næstu áratugi heiminum mikilvægt, segir Jón Ólafur Halldórsson, forstjóri Olís.

Í sl. viku var gengið frá samkomulagi milli Reykjavíkur og olíufélaganna um fækkun eldsneytisstöðva í borginni um alls fimmtán. Að Olís snýr málið þannig að félagið lokar stöðvum í Álfheimum og Álfabakka í Mjódd. Á síðarnefnda staðnum verða þó áfram sjálfsafgreiðsludælur og slíkt verður einnig sett upp í Skeifunni í stað Álfheimanna.

Þá stefnir N1 að opnun sjálfsafgreiðslu á Fiskislóð í stað stöðva sem verður lokað. Hvað varðar stöðvarnar við Álfabakka og Álfheima bendir Jón Ólafur á að á þeim báðum hafi verið veitt þjónusta fyrir tvö fjölmenn íbúðahverfi. Því má velta fyrir sér hvort íbúar verði jafnsettir, enda þótt rafbílum og hleðslustöðvum fjölgi"

Samkvæmt þessu á sjálfsafgreiðsla Jarðefnaeldsneytis áfram að vera á þessum stöðum en önnur þjónusta að fara.

Hvað vinnst í skipulagsmálum við þetta?

Hver skyldi afstaða viðskiptavina stöðvanna vera gagnvart þessum lokunum.Ekki lengur hægt að pissa. 

Þessi Borgarstjórn á aðeins eftir hálft ár af valdatíð sinni.Þarf ekki samt að reyna að stöðva hana í sínum illu verkum  ef kostur er?  Ekkert sem hún gerir virðist miða að öðru en að egna hinn þögla meirihluta borgaranna til andstöðu.

Auglýsingar þínar Bolli Kristinsson um misgerðir Dags B. Eggertssonar eru frábærar. 

Af hverju er ekki hægt að kanna hug fólksins til lokunar bensínstöðva og fækkunar bílastæða  með undirskriftasöfnun?

Ert þú, Bolli Kristinsson, ekki maðurinn til að fara fyrir  andspyrnuhreyfingu Borgarbúa gegn Borgarstjórnarmeirihlutanum á þessum fyrirhuguðu skerðingum á þjónustu? 

Eða er þetta bara ekki of seint til að vera að standa í slíku? Það er  bara sumarið til kosninga og prófkjara.

Borgarstjórnarmeirihlutinn er dauðadæmdur hvort eð er með hinu almenna vantrausti sem hann hefur aflað sér með athöfnum sínum sem geta bara versnað.

Athugasemdir

[Halldór Jónsson, 2.7.2021 kl. 11:24]

Bjarni Benediktsson, fjármála- og efnahagsráðherra, segir hagþróun á fyrri hluta ársins gefa tilefni til bjartsýni um hraðari viðsnúning í hagkerfinu en útlit var fyrir. Með því sé sagan að endurtaka sig og hagkerfið að vaxa umfram spár. „Þetta sýndi sig til dæmis þegar við fórum fram úr öllum spám um vöxt ferðaþjónustunnar mörg ár í röð og er mögulega að sýna sig nú þegar á þessu ári, þegar við virðumst ætla að fara fram úr eldri spám,“ segir Bjarni og bætir því við að ríkisskuldir stefni í að aukast minna í kórónukreppunni en óttast var.

Rúmlega milljón á mann

Fjallað er um áhrif kórónukreppunnar á ríkisskuldirnar í Morgunblaðinu í dag. Heildarskuldir hafa aukist um nærri 500 milljarða króna frá febrúar í fyrra, eða um vel á aðra milljón króna á hvern landsmann. Spurður hvaða áhrif þessi skuldasöfnun muni hafa á þjóðarbúskapinn á næstu árum segir Bjarni forgangsmál að auka landsframleiðsluna og með því ná niður atvinnuleysinu. „Við horfum ekki síst á atvinnustigið og hagvaxtartölurnar. Það skiptir miklu máli að landsframleiðslan nái hærra stigi strax á næsta ári. Við tökum það þá með okkur inn í framtíðina og höfum, ef vöxturinn verður meiri, þá ekki sömu þörf fyrir aðhald á næstu árum,“ segir Bjarni og bendir á að vaxtakjör séu nú sérlega hagfelld. Vekur þessi greining athygli en í apríl síðastliðnum sagði í skýrslu fjármálaráðs að óvissa í efnahagsmálum vegna faraldursins væri þá síst minni en mánuðina á undan. Virðist hafa dregið úr óvissunni. Metin á 80 milljarða Samkvæmt nýbirtum ríkisreikningi var afkoma ríkissjóðs neikvæð um 144 milljarða króna í fyrra. Þá voru bein útgjöld vegna faraldursins, sem talin eru hafa áhrif á afkomuna,

metin á rúmlega 80 milljarða.

Útlit fyrir mýkri lendingu - Fjármálaráðherra segir að hagkerfið sé að taka betur við sér en óttast var um hríð - Heildarskuldir ríkissjóðs hafa aukist um tæplega 500 milljarða króna í faraldrinum "

[Nonni (IP-tala skráð) 2.7.2021 kl. 12:01]

Ég er sammála þér með Bolla. Réttast væri að hann leiddi Sjálfstæðisflokkinn í næstu kosningum til borgarstjórnar. Ímugust fólks á Eyþóri og fortíð hans bitnar á flokknum sem heild. Hildur hefur sýnt að hún á frekar heima í Samfylkingunnni svo ekki er hún góður kostur.

[Vagn (IP-tala skráð) 2.7.2021 kl. 19:02]

Athyglisvert að Reykvíkingar virðast ekki vera eins mótfallnir borgarstjórn Dags og þið utanbæjarmenn í öðrum flokkum.

"Síðasta könnun sem gerð var á fylgi flokka í Reykjavíkurborg sýndi að allir flokkar sem mynda meirihlutann í borginni myndu bæta við sig fylgi. Flokkur borgarstjóra hefur mælst stærstur en hann er óviss um hvort hann verði í framboði á næsta ári." Kjarninn 1. júlí 2021   https://kjarninn.is/frettir/dagur-ekki-buinn-ad-taka-akvordun-um-hvort-hann-verdi-i-frambodi/

[Halldór Jónsson, 3.7.2021 kl. 11:15]

 Setja bókamerki

Fylgi Sam­fylk­ing­ar­inn­ar hef­ur ekki mælst minna á öllu kjör­tíma­bil­inu og stend­ur nú í um 10%. Fylgi Pírata eykst og er um 13%.

Nýr Þjóðar­púls Gallup birt­ist í dag.

Stuðning­ur við rík­is­stjórn­ina mæl­ist nú um 59% en sam­an­lagt fylgi rík­is­stjórn­ar­flokk­anna er um 49%.

Sjálf­stæðis­flokk­ur­inn mæl­ist stærst­ur flokka sem fyrr, með um 24% fylgi. Því næst koma Vinstri-græn með tæp 15%. Þar á eft­ir koma Pírat­ar, þá Viðreisn með tæp 11%, svo Fram­sókn­ar­flokk­ur­inn með rétt rúm 10%.

Næst á eft­ir þeim er Sam­fylk­ing­in með rétt tæp 10% og þá Miðflokk­ur­inn með 7,5%. Sósí­al­ista­flokk­ur Íslands mæl­ist inni á þingi með 5,4% en Flokk­ur fólks­ins fengi ekki þing­mann með 4,2%.

Um einn af hverj­um tíu tek­ur ekki af­stöðu og um 8% segj­ast myndu skila auðu eða ekki kjósa.

[Vagn (IP-tala skráð) 3.7.2021 kl. 11:37]

Skoðanakönnun á landsvísu segir ekkert um fylgi í Reykjavík. Og fólk kýs ekki endilega eins í þingkosningum og borgarstjórnarkosningum.