Umhverfissóðinn Ísland!

Í Bændablaðinu skrifar ritstjórinn H.Kr. svo:

" Orkustofnun skráir skilmerkilega ár hvert áhrif samstarfs í orkumálum á milli Íslands og Evrópusambandsins. Ein birtingarmynd þess er heimild til sölu á því sem kallað er upprunaábyrgða raforku.

 Þá eru menn að selja pappíra sem votta að orkan sem kaupandinn er að nota sé framleidd með endurnýjanlegum orkulindum. Skiptir þá engu máli þó staðreyndin sé að orkan sem viðkomandi notar sé framleidd með kolum, olíu, gasi eða kjarnorku. Líkt og trúarbrögðin á miðöldum skýldu sér á bak við baráttuna við djöfulinn sjálfan, þá er salan á aflátsbréfum eða „upprunavottorðum“ nútímans rökstudd með baráttu gegn hlýnun loftslags. Í báðum tilfellum er kynt undir skefjalausum ótta almennings líkt og enginn sé morgundagurinn.

Afleiðing sölu þessara aflátsbréfa er að í bókhaldi Orkustofnunar fyrir raforkuframleiðslu á Íslandi árið 2020 er skráð að 57% íslensku raforkunnar sé framleidd með jarðefnaeldsneyti (kolum, olíu og gasi) og 30% sé framleitt með kjarnorku.

Þá er sagt að fyrir framleiðslu raforku á Íslandi séu Íslendingar að losa 377,91 gramm af koldíoxíði á hverja einustu kílówattstund en þau voru samtals rúmlega 19 milljarðar á árinu 2020.

Það þýðir að losun Íslendinga af koldíoxíði nam á pappírunum það ár um 7,2 milljónum tonna. Þá er líka sagt að vegna orkuframleiðslu Íslendinga falli til geislavirkur úrgangur sem nemi 1,08 grömmum á hverja kílówattstund. Það þýðir tæplega 21 þúsund tonn af geislavirkum úrgangi á ári."

Til hvers er þessi sýning?

Fyrir hvern er hún?

Hvað græðir Ísland á þessu?

Getur einhver útskýrt hversvegna Ísland er slíkur umhverfissóði?

Athugasemdir

[Sigurður Kristján Hjaltested, 9.7.2021 kl. 18:07]

Kannski umhverfisráðherrann sem engin kaus eða

gluggaskrautið geti svarað þessu..??

Þetta rugl er með ólíkindum.

[Óskar Kristinsson, 9.7.2021 kl. 18:57]

 Sæll Halldór!

Það er svo skrítið að ef eg hef sett inn athugasemd hjá þér að þá hefur þú strikað hana út??? Þetta bendir til áhveðins hroka!!! gott og vel prufa einu sinni enn, en er oft sammála þér.

Hvers vegna komast stjórnmálamenn upp með að fara með aðrar eins fáránlegar staðreyndarvillur og raun ber vitni um?

[Þórhallur Pálsson, 9.7.2021 kl. 20:32]

Þessa útgáfu og sölu aflátsbréfa ætti að banna hið snarasta !

[Hakon Isaksson (IP-tala skráð) 10.7.2021 kl. 00:49]

Umhverfissóðarnir i VG Katrin og umhverfisráðherra eru að bua til skattstofn a almenning fyrir umhverfismengun i umboði Bjarna

[Halldór Jónsson, 10.7.2021 kl. 09:00]

Óskar,

mér vitanlega hef ég aldrei neitað að birta athugasemd, þetta er því mér óskiljanleg athugasemd

[Bragi Sigurdsson (IP-tala skráð) 11.7.2021 kl. 10:12]

Einu sinni voru endurskoðendur kallaðir "baunateljarar" af því þeir veltu við öllum steinum og það átti að sýna tölurnar eins og þær voru í raun. Það er liðin tíð. Bókhaldsbrellur eru allsráðandi.