Þörf hugvekja

kemur frá Einari S. Hálfdánarsyni í Morgunblaðinu í dag. Þar vekur hann athygli á þeirri hættu sem stafar af fyrirhyggjuleysi þeirra sem vilja hafa og hafa landamæri Íslands galopin fyrir hvaða hlaupastrákum sem eru.

Það þarf ekki lengi að skyggnast um á götum til að sjá árangurinn af þessari stefnu eða stefnuleysi.Hvarvetna fjölgar plastpokafólki sem er greinilega ekki upprunnið hérlendis.Þetta fólk gerir stór innkaup í Bónus og greiðir af digrum rúllum af íslenskum bánkuseðlum hvaðan sem þær nú koma.

Sema Erla Serdar er framarlega í hópi þeirra sem gelta hátt hvenær sem einhver vill andæfa opnum landamærum og flytja réttlaust fólk aftur til síns heima í stað þess að leggjast á okkar viðurkenndu takmörkuðu  velferð.

Einar skrifar:

"Samfylking og Píratar krefjast opinna landamæra. „Mannvonskan sem hefur viðgengist gagnvart umsækjendum um alþjóðlega vernd undanfarin ár sýnir að núverandi stjórnarflokkum er ekki treystandi til að leiða það verkefni.“ Mannvonskan sem þingmannsefnið vísar til er sú að fara að alþjóðlegum lögum og reglum.

Í huga þingmannsefnis Samfylkingar eru fullorðnir karlmenn á besta aldri þeir sem Ísland á að veita fjármunum til sem það hefur til ráðstöfunar. Ekki til barna og kvenna í nauðum sem mesta þörf hafa fyrir þróunaraðstoð. Hver er réttlætiskennd þessa unga þingmannsefnis? Sem betur fer hafa jafnaðarmenn í Evrópu séð ljósið; alls staðar nema á Íslandi.

Sema Erla Serdar er enda helsti leiðtogi Samfylkingarinnar í málefnum svokallaðra hælisleitenda. Hún nýtur aðstoðar fjölmiðla sem hika ekki við að sýna myndir sem virðast sýna fjölda manns þar sem fáeinar hræður eru samankomnar til að mótmæla. Hvað segja „siðareglur“ um slíkt?

Engir lýðræðislega sinnaðir flokkar í Evrópu aðhyllast lengur það sem jafnaðarmaðurinn og forsætisráðherra Svíþjóðar viðurkenndi sem barnalega stefnu. Nema Logi og félagar. – Í gamla daga voru „fræðslufundir“ fastir liðir hjá vinstrinu. Væri það ekki ráð?

Hættan er fyrir hendi

Kjósendur virðast átta sig á að stefna Samfylkingar er ekki gæfuleg eftir að sósíaldemókrötum var þar eftirminnilega úthýst. Erfiðara er að átta sig á Pírötum. Hver er stefnan? Í borginni er stefna Pírata sú ein að vera við völd og hatast við Sjálfstæðisflokkinn (sbr. málflutning Dóru Bjartar, hún á nefnilega ógert að lesa sínar siðareglur). Við sem komum að málum hjá Reykjavíkurborg þekkjum hættuna. Þegar braggaskýrslan kom út, sem orðið hefði banabiti hvers einasta annars stjórnvalds, þá komu RÚV, Stöð 2, Fbl. og Viðreisn meirihlutanum í skjól. Hættan er sú að Samfylking Semu Erlu muni fá sams konar skjól til að galopna landamærin fyrir þeim sem síst þurfa.

Borgaraleg og frjálslynd öfl

Raunverulegt athvarf borgaralegra og frjálslyndra afla er aðeins í Sjálfstæðisflokknum. Auðvitað er Sjálfstæðisflokkurinn ekki einn. Innan flestra annarra flokka er sannarlega öflugt og sanngjarnt fólk. En þannig er það nú einu sinni að aðeins sterkur Sjálfstæðisflokkur getur veitt Samfylkingu og Pírötum öflugt viðnám. Borgarstjórnin í Reykjavík segir allt sem segja þarf.

– Flokkar sem byggja allt sitt á röngum hagtölum um viðskipti við ESB og blekkingum um hag Íslands af evru þarfnast þess að verða upplýstir. Þá mun allt það góða fólk sem þangað var blekkt átta sig. Hinir sem voru í hefndarleiðangri eða unnu sér þar vegtyllur verða eftir.

Já, sem betur fer. Viðreisn þarf að gera hreint fyrir sínum dyrum.  "

Það er tilgangslaust að kalla eftir ábyrgri afstöðu hjá þessum flokki sem kallar sig Viðreisn sem er ekkert nema flokkur sem ákallar afsal fullveldis landsins sem afrit af Samfylkingunni. En þessir flokkar eru bara eins máls flokkar um þá félegu niðurstöðu að gefast upp fyrir hönd þjóðarinnar að standa á eigin fótum.

Vilja ganga ESB á hönd og taka upp EVRU.Ganga í bandalag ríkja sem hafa allt annan hagfasa en Ísland sem flestum ætti að hafa skilist af sögu síðustu ára.

Það er ömurlegt að lesa niðurlag á grein eftir einhvern Geir Finsson sem er framámaður í Viðreisn sem endar svo greinarstúf í málgagni ESB á Íslandi, Fréttablaðinu,:

"Einn flokkur hefur mælst hæstur allra í kosningavitum þegar kemur að frjálslyndi og auk þess talað fyrir margvíslegum frelsismálum á yfirstandandi kjörtímabili. Sá flokkur er Viðreisn.

Miðað við skoðanakannanir skiptir hvert einasta atkvæði máli upp á það hvort Viðreisn takist að mynda meirihluta um frjálslyndi, framfarir og mannúð án forræðishyggju frekar en áframhaldandi stöðnun.

Í haust getur þú haft áhrif á það með atkvæði þínu"

Að kenna flokk sem hefur aðeins þá einu stefnu að ganga í tollabandalag með 19 Evruríkjum og hernaðarbandalag þeirra í væntanlegum Evrópuher, þar sem Íslendingar yrðu herskyldir með þeim, við frjálslyndi, er þvílíkt öfugmæli að það hálfa væri nóg.

Íslendingar eiga allt undir verslunarfrelsi við heiminn sem telur ein hundrað önnur ríki en þetta klíkusamfélag Frakka og Þjóðverja. ESB hefur svikið EES samninginn með því að viðhalda tollum á okkar varning en við æmtum ekki né skræmtum.Draugsrödd Þorsteins Pálssonar um inngönguna í ESB á hverjum fimmtudegi segir allt sem þarf um forneskju málstaðarins og skort á þjóðlegum metnaði.

Viðreisn? Samfylking? Sami grautur í sömu skál.

Að gera því skóna að Viðreisn sé ávísun á frjálslyndi er í raun öfugmæli ef ekki bara léleg skrítla.

Það er þörf hugvekja hjá Einari S. Hálfdánarsyni að vara við óhöppum sem af þessum  flokki Viðreisn og innflytjendaafritinu Samfylkingunni getur stafað.  

Athugasemdir

[Ómar Geirsson, 20.7.2021 kl. 11:59]

Blessaður Halldór.

Er þetta ekki þessi sami Einar sem fór offari, jafnt í netheimum sem á síðum Morgunblaðsins, í þágu ESB í orkupakkamálinu??

Það mál eitt og sér er atlaga að sjálfstæði þjóðarinnar af áður óþekktri stærðargráðu??

Landráð ekki síður en ICEsave var á sínum tíma.

Þessi maður á að vera í Samfylkingunni, eða sjálfstæðisútgáfu hennar, Viðreisn.

Það var ekki stórmannlegt þegar kommarnir töldu sig fá syndafyrirgefningu með því að skamma allt sem miður fór í Albaníu, nógu smáir þar til að hægt væri að upphefja sig á þeirra kostnað.

Hins vegar var þagað yfir óhæfunni í Kína, menningarbyltingunni og öðrum viðbjóði.

Það var ekki Samfylkingin eða Viðreisn sem sviku þjóðina í orkupakkamálinu Halldór, það voru þínir menn.

Sá glæpur minnkar ekkert að beygja sig í duftið og fá útrásina við að skammast í smáflokkum sem varla mælast.

Það er bara svo.

Kveðja að austan.

[Halldór Jónsson, 20.7.2021 kl. 13:51]

Veri þeirra skömm lengi uppi sem fóru þar fyrir eins og þingflokksformaðurinn.

Ég man ekki sérlega eftir að Einar hafi verið til óþurftar í því máli.Ég hef aldrei vitað að hann Einar væri ESB sinni en ef hann er það þá skal hann fá fyrir ferðina hjá mér ef ég má mín einhvers.

[Ómar Geirsson, 20.7.2021 kl. 15:01]

Ja Einar mátti eiga að hann varði sína menn, bæði með greinarskrifum í Morgunblaðið og þátttöku í umræðu hér á Moggablogginu.  Ég hygg að þú munir það alveg Halldór.

En pointið er Halldór, að þó frekar eigi að kala kaldur hver, áður en þú hættir að styðja flokk þinn, hófsamur íhaldsflokkur er kjölfesta hverrar þjóðar, að þá er það ekki stórmannlegt að skamma aðra fyrir minni sakir en þær sem manns eigið fólk ber ábyrgð á.

Sem og maður skammar ekki aðra flokka fyrir landsölu, með því að vitna í landsölumenn.

Og gagnrökin eru ekki að segja eins og Björn Bjarna, "já en ég er á móti ESB", þegar menn samþykkja alla vitleysu sem þaðan kemur.  Líka þær reglugerðir sem stórríkið setur til að innlima einstök ríki í stjórnkerfi sitt.

Því fullorðið fólk veit að lífið er ekki tálsýn eða draumur, heldur blákaldur raunveruleiki, það væru fáir þjófar í fangelsi ef þeir slyppu með því að segja, ég er ekki þjófur, ég stal ekki, svona þegar þeir eru með þýfið í hendinni.

Þó vissulega sé Viðreisnararmur Sjálfstæðisflokksins mjög áberandi í forystu flokksins, þá eigið þið líka ykkar sjálfstæðissinna, einn er í baráttusæti í Suðvestur kjördæmi.

Hjá honum er enginn munur á orðum, og gjörðum.

Kveðja að austan.

[Halldór Jónsson, 20.7.2021 kl. 21:56]

Jú það er rétt hjá þér Ómar að þessi Einar S. studdi 3.Orkupakkan og veri hans skömm og svívirða lengi uppi fyrir.

En skoðun hans á landamærunum og hælisleitendunum er óháð því og hún finnst mér rétt.Kannski hefur hann líka vitkast í afstöðunni með þingflokknum sem ég fyrirgef aldrei hvernig hegðaði sér og geri Birgi Ármanns eilíflega ábyrgan fyrir þeirri afstöðu og kenni honum um. 

Ég er ekki einu sinni prisnípielt á móti sæstreng en  ég er á móti öllu sem skerðir fullveldi Íslands.Slíkt fólk tek ég aldrei í sátt Ómar Geirsson. Og þó ég eigi erfitt með að samsama mig sem liðsmann sveitakomma eins og þín Ómar þá gengur ekki hnífurinn á milli okkar í fullveldismálum þjóðarinnar og ég hygg að bæði Jónas frá Hriflu og Jón den smukke Sívertsen hefði verið okkur sammála.

[Ómar Geirsson, 21.7.2021 kl. 08:00]

Já það er nefnilega komin samstaða um það fjöregg þjóðarinnar þvert á gamlar skotgrafir, og sú samstaða nær yfir gröf og dauða.

Og þó kannski ekki á sömu forsendum þá tek ég heilshugar undir að bæði Píratar og Samfylkingin eru óþurftarflokkar.

Takk fyrir spjallið Halldór og megi síðkóvid sneiða framhjá þér og þínum.

Kveðja úr sólinni, þessari langþráðu, að austan.

PS. Ég veit líka alveg að Einar S. er ágætur í mörgu, ekki síður en Björn Bjarna sem ég ber mikla virðingu fyrir sem rökföstum og málefnalegum stjórnmálamanni.