Eftirsjá

er mér að brotthvarfi Sigmundar Ernis af Hringbraut.

Mér fannst hann sanna sig þar sem einhver besti þáttagerðarmaður sem við höfum eignast lengi sem lætur eftir sig ótrúlega fjölbreytta flóru málefnalegs efnis.Fyrir allt þetta er ég honum þakklátur.

Mér finnst Sigmundur setja niður með því að gerast ritstjóri í því að mér finnst þröngsýna og hundleiðinlega málgagni ESB- inngöngu og fullveldisframsals, sem Fréttablaðið er og hefur verið lengst af.  Það hefur að vísu skrimt í 20 ár um þessar mundir en sumir segja að það hafi safnað svo myndarlegum skuldum, að blaðið eigi bankann en ekki  öfugt.

Mér finnst persónulega illt til þess að vita að Sigmundur ætli nú að verða málpípa Viðreisnarfylkingarflokkanna við að reyna að troða Íslandi í ESB og okkar æskulýð í Evrópuherinn eftir þá víðsýni og menningu sem hann hefur sýnt á Hringbraut.

Mér er eftirsjá í honum Sigmundi Erni úr sjónvarpinu.

Athugasemdir

[Sigurður I B Guðmundsson, 10.8.2021 kl. 11:23]

Mikið er ég sammála þér Halldór. Hringbraut og N4 eru miklu betri en Ruv. Þættir Sigurðar K. Kolbeinssonar hafa líka verið frábærir. Vonandi heldur Hringbraut dampi þó Sigmundur hverfi á braut. 

[Ómar Ragnarsson, 10.8.2021 kl. 11:38]

Rétt er að benda á að í stjórnarskrá stjórnlagaráðs er sérstök grein þess efnis að aldrei megi leiða herskyldu í lög á Íslandi. 

Í núverandi stjórnarskrá er ekkert slíkt ákvæði. 

[Grímur Kjartansson, 10.8.2021 kl. 17:32]

Ég les mín morgnunblöð með morgunkaffinu
Undanfarið hafa bæði blöðin verið borin út af sama blaðberanum (sem ég vorkenni nú stundum á fimmtudögum) allur gangur hefur samt verið á dreifingunni í sumar enda reglulegir blaðberar í sumarfríi en samkvæmt mínum heimildum þá er nú Fréttablaðið og fimmtudagsmogginn sett í körfu framm á gangi en ekki pósthólf?

En allavega Fréttablaðið kom ekki með Morgunblaðinu í morgun svo ég veit ekki hvernig Sigmundi gengur á nýja starfsvettfangnum

[Nonni (IP-tala skráð) 10.8.2021 kl. 23:53]

Halldór:
Vinsamlega horfðu á viðtalsþátt Sigmundar við Bolla Kristinsson kaupmann. Annar eins sperrileggur og hrokagikkur og SE er vandfundinn. Hann var jafnvel dónalegur við Bolla en Bolli af stakri rósemi og yfirvegun lét ekki slá sig út af laginu. Það er gott að vera laus við SE úr sjónvarpi.

Ómar:
Hvernig tengist athugasemd þín við upphafsinnlegg Halldórs?

[Guðmundur Ásgeirsson, 12.8.2021 kl. 20:46]

Það er ekki til nein "stjórnarskrá stjórnlagaráðs".

Eina stjórnarskráin er í lögum nr. 33/1944.