Plastpokar

eru nauðsynlegir í ruslafötuna.

Þeir eru hættir að fást í Krónunni í Hamraborg. Bara fást þar bréfpokar sem passa ekki í ruslafötuna. Þetta er annars ágætis búð en sem neyðir sína umhverfisstefnu upp á viðskiptavini sína án útskýringa.

Það er enn hægt að fá plastpoka í Bónus á Nýbýlavegi ef maður tekur þá sjálfur á staur áður en maður kemur að kassanum.

Þetta atriði er farið að hafa áhrif á innkaupavenjur mínar. Ég fer ekki lengur í Krónuna vegna plastpokaskorts. Þeir beita mig ilmkaupaofbeldi vegna sinna prívatskoðana i umhverfismálum sem leiðir til þess að ég fer bara ekki í búðina þerra.

Af hverju þarf ég að láta þá ráða fyrir mig?

Hversvegna láta neytendur sig hafa það að stimpla sjálfir inn varninginn á rafmagnskössum  fyrir ekki neitt og taka sjansinn á að vera gripnir fyrir þjófnað ef þeir gera vitleysur? Alveg straumurinn í þessa vinnu fyrir búðareigendur í eigin  áhættu?

Neytandinn má ekki ráða sjálfur hvort hann vill plastpoka eða ekki?

Skil þetta ekki frekar en plastpokaleysið.

Athugasemdir

[Þorsteinn Siglaugsson, 13.8.2021 kl. 22:09]

Farðu í Álfheimabúðina Halldór. Þú færð alvöru plastpoka þar. Auk þess er þar gott úrval og hagstætt verð.

[Vagn (IP-tala skráð) 13.8.2021 kl. 22:37]

Þannig er það núna, verslunin vill ekki að þú fáir plastpoka. Vill ekki að þú pissir og kúkir á gólfið. Vill ekki að þú hlaupir um berrassaður syngjandi þjóðsönginn. Og vill ekki að þú komir með prímus og eldir á staðnum. Þeir eru að neyða sína umhverfisstefnu upp á þig. Og sumar verslanir ganga svo langt að selja hvorki tóbak né klámblöð. Hvar endar þetta??? Böhöhö, fáðu þér tissjú meðan þú mátt.

[Helga Kristjánsdóttir, 14.8.2021 kl. 00:18]

Sæll! Áður en þeir fóru að selja poka til að setja keyptu vörurnar í,urðum við að kaupa rúllur og nota poka úr þeim í ruslið.Síðan sáu séðir viðskiptavinir upplagt tækifæri að nota innkaupapokana undir rusl. Nú förum við eða þeir sem versla fyrir mig með úrvalstaupoka sem eru margnota og rúma vel allar vörur. Komist bréfpoki heim án bleytu,eru þeir upplagðir lesinn Mogga og Fréttablað sem fer í bláu tunnuna hjá mér.