Úlfur Úlfur

galar hver upp í annan og Katrín Jakobsdóttir er einskonar forsöngvari i þessum kór.

Samt er þetta algerlega ósannað mál að kolefnisútblásturinn okkar mannanna hafi eitthvað með þetta endanlega að gera. Það séu svo margir aðrir kraftar á ferðinni.

Katla er líklega fyllilega jafnoki allra Íslendinga í að blása  þessari banvænu eða blessuðu CO2 lofttegund út í loftið.

Carbfix mjólkar ríkissjóð á Hellisheiði við  að dæla niður þessu lofti til að búa til djúpberg. Stórkarlalegar áætlanir liggja fyrir í Straumsvík um að fara að flytja inn CO2 erlendis frá til að dæla þar niður og búa þar til berg.

Íslenski vísindamaðurinn Baldur Elíasson í Sviss og Brown Bovery hafa haft lifibrauð af því lengi að dæla CO2 niður í sjóinn af skipi þannig að þessi hystería er ekki bara að byrja núna. 

Hvað ef loftslagið fer nú aftur að kólna eins og merki eru um á Suðurhveli jarðar?  Hvað verður þá sagt og gert? Það tekur tíma að stöðva stórt skip á siglingu er manni sagt.

Það er svo sem allt í lagi að reyna að ganga þrifalega um. En það verða fleiri að gera en bara Íslendingar. Kínverjar ætla ekkert að gera allan þennan áratug í útblástursálum.  Er það bara allt í lagi?

Trúa þessu alir blint? Eða efast engir um þessi loftslagsvísindi?

En er ekki  búið að hrópa svo oft Úlfur Úlfur að hann hlýtur að koma og kosta mikið áður en hann fer?