Hlutverk Borgarstjórnar?

 

 Gígja Einars

"Hagar og Festi, móðurfélög N1 og Olís, hafa bæði tilkynnt um fyrirhugaða fækkun bensínstöðva í Reykjavík í samræmi við stefnu borgarstjórnar. Stjórnir félaganna hafa staðfest drög að samningum sem lagðir verða fyrir á fundi borgarráðs í dag.

Samningarnir hjá Högum sem um ræðir eru eftirfarandi:

• Rammasamkomulag vegna fyrirhugaðra breytinga á aðstöðu eldsneytisstöðva Olís og ÓB
• Samkomulag vegna fyrirhugaðrar uppbyggingar á lóðinni Álfabakka 7
• Samkomulag vegna fyrirhugaðrar uppbyggingar á lóðinni Álfheimum 49
• Samkomulag vegna fyrirhugaðrar uppbyggingar á lóðinni Egilsgötu 5
• Lóðarvilyrði um lóð á Esjumelum fyrir fjölorkustöð
• Samkomulag vegna fyrirhugaðrar uppbyggingar á lóðinni Stekkjarbakka 4-6

Festi tók ekki fram sundurliðun samningsins líkt og Hagar gerðu í sinni tilkynningu. Efnisinnihald samninganna hjá félögunum tveimur er sagt trúnaðarmál þar til drögin hafa verið kynnt fyrir borgarráði.

Samningarnir byggja á yfirlýstum markmiðum Reykjavíkurborgar frá 7. maí 2019. Þar kom fram að fækkun bensínstöðva í Reykjavík væri í samræmi við markmið aðalskipulags Reykjavíkur 2010-2030 og loftslagsstefnu borgarinnar frá 2016 til að stuðla að vistvænni ferðamátum og komandi orkuskiptum í bílasamgöngum.

„Unnin verði áætlun og skilgreindir hvatar sem miða að fækkun bensínstöðva. Markmiðið verði að dælum fyrir jarðefnaeldsneyti innan borgarmarkanna fækki um 50% til ársins 2030 og þær verði að mestu horfnar árið 2040,“ segir í loftlagsstefnu borgarinnar.

Sjá einnig: Misjöfn afstaða til fækkunar bensínstöðva

Í yfirlýsingunni fyrir rúmum tveimur árum kom fram að lóðarleigusamningum um bensínstöðvar sem voru í gildi yrðu almennt ekki endurnýjaðir við lok leigusamnings og þeir sem voru útrunnir yrðu ekki endurnýjaðir lengur en til tveggja ára frá samþykkt markmiðanna í borgarráði. Lóðarhöfum þessara lóða yrði heimilt að láta vinna hugmyndir að breyttu deiliskipulagi."

Er ekki furðulegt að það sé verkefni Borgarstjórnar að ákveða hvar eigi að selja bensín og hvar ekki? Af hverju ekki brjóstahöld, klámblöð eða ís?

Getur maður haft stefnu fyrir apparat eins og Borgarstjórn sem hefur skoðun á því að loka bensínstöðvum sem hafa verið í rekstri með hagnaði í áratugi? Af því að maður hefur skoðun á því  að fólk eigi að hjóla en ekki keyra í bílum?  Borgarsjóður eigi að reka Borgarlínu en ekki greiða fyrir bílaumferð?

Er þetta virkilega verkefni Borgarstjórnarað að ákveða viðskipti fyrir Borgarbúa?Hver kaupir hvað og hvar og hvenær?

Ef hverju ekki að ákveða að ákveðnir læknar skuli ekki sinna sjúklingum á ákveðnum tímum? Er það ekki hlutvek Borgarstjórnar?

 

 

Hvert er hlutverk Borgarstjórna?

Athugasemdir

[Heimir Lárusson Fjeldsted, 18.8.2021 kl. 20:49]

Mikið væri moggabloggið flatt ef borgarstjórn Reykjavíkur réði bloggarana.