Bjarni varar við

því að vinstri stjórn verði mynduð hér eftir kosningar.

Það eru sannarlega orð í tíma töluð. Ekki stafar meiri hætta að efnahag þjóðarinnar, krónunni og fullveldinu, heldur en að þeir óspökustu eða undirförulustu meðal stjórnmálamanna komist hér til valda.

Muna menn ekki samstjórn Jóhönnu Sigurðardóttur og Steingríms Jóhanns? Og nú hefur Gunnar Smári Egilsson bæst við eftir að Inga Sæland er búin að kæfa kjósendur úr leiðindum með eins máls síbylju sinni.

Og svo er að heyra að slatti af fólki telji ráðlegt að kjósa Pírata. Og þar til viðbótar Viðreisnarfylkinguna?  

Það eru sannarlega orð í tíma töluð hjá Bjarna Benediktssyni um alvarleika þess að til valda komist óábyrgt fólk með eldspýtur og tékkhefti á skattgreiðendur svipað og hér fara mikinn í Borgastjórn Reykjavikur. Tilhugsunin ein er næg til að valda hrolli ef menn hugleiða mögulegar afleiðingar þess sem Bjarni Benediktsson er að tala um.

Athugasemdir

[Símon Pétur frá Hákoti (IP-tala skráð) 19.8.2021 kl. 13:28]

Það sem Bjarni þarf að gera er að hætta að innleiða lög og regluverk ESB í þeim djöfulmóði sem hann og nær allir þingmenn Sjálfstæðisflokksins hafa staðið að, allt frá samþykkt EES samningsins, illu heilli.

Á einhverjum tímapunkti, kæri Halldór, verðurðu að viðurkenna, að engir hafa staðið eins dyggilega, í verki, við að innleiða lög og regluverk ESB og Sjálfstæðisflokkurinn.

Hvaða ástæðu ætti ég -og aðrir sjálfstæðismenn- að hafa til að kjósa flokk sem er "vinstri grænni" en flokkur Þistilfjarðar viðundursins?

[Grímur Kjartansson, 19.8.2021 kl. 13:46]

Einnig ætti að heimta skýr svör frá þeim varðandi flóttamenn.

Píratar vilja að allir fái að koma sem vilja
en krefja verður svara frá hinum um hverja þeir telji að EKKI eigi að fá hér landvist í stað þess að leyfa þeim að romsa upp þá sem þeir telja að eigi að fá hér hæli