Halldór Jónsson

26.8.2021 | 15:29

Sigurðu Ingi skárri

fannst mér vera í þætti hjá Páli Magnússyni uppgjafapólitíkusi á Hringbraut þar sem þeir sátu hvor á móti öðrum formennirnir, Framsóknar og Samfylkingar.

Logi Már var á grófri slátraraskyrtu, slifsislaus og á tennisskóm. Skyldi slíkt útlit eiga að afla alþýðuhetju atkvæða. Meðvitað því að Logi hlýtur að eiga jarðarfarargalla og jólaföt einhversstaðar.

Dýralæknirinn var í fínum dökkum jakkafötum með hvítt um hálsinn og með slifsi og á pússuðum skóm. Mér fannst hann sýna áhorfendum virðingu frekar en arkitektinn alþýðlegi frá Akureyri.

Sem er í raun og veru alveg sama hverju heldur fram í svona umræðuþætti. Það er alltaf á bak við allt sem útúr honum kemur að hann vill afsala Íslandi fullveldinu og krónunni og ganga í ESB og hleypa þeirra togurum hér uppi kálgarða eins og Bretar bjuggu við áður en þeir vitkuðust og fóru úr Evrópusambandinu við lítinn fögnuð Spánverja og Frakka.

Allt sem Samfylkingin segir um aðra málaflokka stendur í skugga við þessar staðreyndir og að Logi vill ekki vinna með Sjálfstæðisflokknum.

Afstaða þeirra í einstökum málaflokkum skiptir eiginlega ekki máli þar sem það stjórnast allt af þessu grunnatriði. Þeir treysta Íslendingum ekki til að standa á eigin fótum en vilja heldur vera í tollabandalagi 27 ríkja gegn restinni af veröldinni og sitja á Evrópuþinginu með öðrum ríkjum.

Viðreisn var ekki viðstödd en Páll hefði þurft að reyna að varpa ljósti á það hver sé munurinn á henni og Samfylkingunni. Annar en sá að Dagur B. Eggertsson og Logi eru í öðrum flokknum en Þorgerður Katrín, TalnBensi og Þorsteinn Pálsson í hinum.

Grunnstefnan er hinsvegar sú sama. Ganga í ESB og taka upp Evru og bjóða upp kvótann á Evrópska Efnahagssvæðinu.

Ég nennti ekkert að var að hlusta á það sem þeir Sigurður eða Logi voru að segja eða Páll að blaðra. Af tveimur sem ég mun aldrei kjósa fannst mér Sigurður Ingi mun skárri í almennri framgöngu og klæðaburði þó mér sé almennt ekkert illa við Framsókn.

Flokkur: Stjórnmál og samfélag | Facebook

Athugasemdir

Já, áróðursbrögðin og lýðskrumið sem þú gleypir hrátt virðist ekki bíta á alla. Heilu flokkarnir og tugþúsundir kjósenda virðast ónæmir fyrir þeim boðskap og sjá rökin ekki standast skoðun.

Og stuðningur við þitt uppáhalds lýðskrum virðist aukast eftir því sem menntun er minni. Og gamlir karlar með litla menntun vera aðal stuðningsmannahópurinn. https://www.visir.is/g/20212138024d