Verðbólgutíðindi

berast nú víða að. 3.2 % í Bretlandi, yfir 5 % í Bandaríkjunum.

Þorsteinn Pálsson, Ole Bieltvedt og ámóta hagspekingar  láta að því liggja að upptaka Evru  sé trygging fyrir stöðugleika.Heilir stjórnmálaflokkar, Viðreisn og Samfylking, syngja viðlagið undir eins og þetta sé stórisannleikur.

En halda menn að almenningur hér muni upplifa gengisstyrkingar og lækkun vöruverðs eins og hér hefur orðið ef menn leggja trúnað á jarmið í þessu liði um hina ónýtu íslensku krónu?

Hvort trúa menn Ragnari Önundarsyni í grein hans hér að framan betur eða þessu liði?

Verðbólgutíðindi berast ekki bara úr Seðlabanka Íslands. 

 

Athugasemdir

[Guðmundur Ásgeirsson, 15.9.2021 kl. 19:45]

Árshækkun samræmdrar vísitölu neysluverðs í ágúst var 3,4%. Ekki á Íslandi heldur í Þýskalandi!

Það á eftir að birta tölur frá Íslandi fyrir ágúst, en í júlí var árshækkunin á sama mælikvarða 3,7% (0,3% meiri).

Ef sama þróun heldur áfram í báðum löndum er ansi stutt í að þýska verðbólgan verði sú sama og hin íslenska.

Bæði verðbólga og húsnæðisvextir eru talsvert hærri í evruríkjunum Eistlandi og Litháen, heldur en á Íslandi.

Jaðarríki Evrópu breytast ekki sjálfkrafa í kjarnaríki við það eitt að ganga í ESB og evrópska myntbandalagið.

Krónan er ekki "ónýt" nema einhver eyðileggi hana. Megi góðar vættir forða henni frá fólki sem vill gera það.