Sannleikur um laun

birtist  á fésbók hjá Ragnari Önundarsyni:

"Á Íslandi hefur ákvörðunin um að halda sig við krónuna lítið með hagfræði að gera. Átökin um tekjuskiptinguna eru vandinn.

 

Vegna sjálftöku forréttindafólks á launum og arði mundi auðurinn þjappast fljótt saman á örfáar hendur, ef verkalýðsfélögin andæfðu ekki. Afleiðingin er sú að þjóðin skiptir öðru hvoru meiri tekjum sín á milli en þjóðartekjunum nemur. Krónan þynnist út með verðbólgu og gengisfellingu.

 

Með evru mundi þjóð sem þannig hegðar sér steypa sér í erlendar skuldir á stuttum tíma.

 

Fylgjendur evru vilja setja samlanda sína undir þann harða aga að búa við gjaldmiðil sem ekki lagar sig eftir hegðun landsmanna. Þeir athuga ekki að starfsmenn hinna gjaldeyrisaflandi greina eru lítill hluti vinnumarkaðarins.

 

Engar líkur eru á að atvinnuleysi nokkurra þúsunda manna mundi leiða til þess að eigendur og stjórnendur fákeppnisfyrirtækjanna, opinberir starfsmenn og stjórnmálastéttin mundi gefa eftir af sínum launum.

 

Að láta gjaldeyrisaflandi fyrirtæki fara á hausinn þýðir að starfsmannahópurinn tvístrast og þekkingin með. Atvinnuleysi yrði mikið og af því að langan tíma tekur að stofna fyrirtæki og gera það lífvænlegt yrði það meira og mundi vara lengur en ella.

 

Atvinnuleysi er mesta böl hvers samfélags. Það vill vera mest meðal ungs fólks, sem þá leitar til annarra landa.

Stjórnmálamenn sem eru ,,með allt á þurru" sjálfir og eru teknir að miða sín laun við stjórnendur fákeppnisfélaganna þurfa að hugsa sinn gang. Það er ástæða fyrir því að stjórnmálamenn eru á hóflegum launum í þróuðum ríkjum."

 

Misskipting er erfið viðfangs.Flugumferðarstjórum sem ríkið hefur einkaleyfi á að mennta, ráða og sjá fyrir, finnst þeir alltaf fá og lítið. Og þeim er eiginlega afhent sjálfdæmi í kjaramálum með verkfallsrétti.

 

Það er launaveruleiki. 

Athugasemdir

[Þorsteinn Hafþórsson (IP-tala skráð) 17.9.2021 kl. 23:04]

Svo er lálaunamanni eins og mér rétt fyrir ofan fátæktar gildru eða miðað við slagorðið fangi fátæktar með 420 á mánuði alveg fyrirmunað að skilja afhverju fríðindahópur stjórmálamanna sem ekki geta borgað sinn bíl eða olíu eða símreikning finnst það alltaf besta lausnin að hækka skatta á þessa hluti og hækka hjá mér verðtryggð íbúðarlán