Betri bjór

þegar Birgir Þórarins cand theol ákvað að hann væri Sjálfstæðismaður hér eftir og sveik þar með blákaldur þá sem kusu hann sem Miðflokksmann. Hann skipaði sér þar með í flokk með Rósu Björku Brynjólfsdóttur  og Andrési Inga Jónssyni sem sem þiggja vald sitt frá Guði en ekki kjósendum.

Þingflokkur Sjálfstæðisflokksins styrktist þar með úr 16 í 17 eða sex og kvartprósent  sem þætti gott ef um bjór væri að ræða.Einn Biggabjór takk!

Þessum þingmönnum finnst greinilega það ekki skulda kjósendum sinum eitt né neitt og finnst í lagi að segja þeim að þeim sé mátulega í rass rekið að láta fífla sig á kjörstað með þessum hætti. Kjóstu komma og fáðu Pírata eða eitthvað annað verra.Í hvaða flokka fer þetta fólk næst?

Getur Sigmundur Davið ekki selt  Sigurði Inga hrossalækni  hræið af Miðflokknum fyrir einhverja vegtyllu?  Það væri greiði við þjóðina að fækka þessu sérvitringaflokkadóti sem færir okkur ekkert nema vesen og vandræði. Og ekki ætti hugsjónaágreiningur að standa í vegi fyrir slíkum bísness en kannski eitthvað krónutap? Vonandi tapar  íhaldið samt  ekki á kaupunum á Miðju-Bigga. 

En fyrir Bjarna Ben og íhaldið er 1.0625% betri bjór sem Biggi Ármanns þakkar auðvitað fyrir núna hvað sem verður.

 

Athugasemdir

[Vagn (IP-tala skráð) 9.10.2021 kl. 17:20]

Þingmenn þiggja vald sitt frá stjórnarskránni en ekki kjósendum (hvað sem sagt er í einhverjum hátíðarræðum), og eru aðeins bundnir af ákvæðum hennar. Kjósendur ákveða aðeins hverjir fá það vald sem stjórnarskráin veitir alþingismönnum.

Alþingismenn eru eingöngu bundnir við sannfæringu sína og eigi við neinar reglur frá kjósendum sínum.

Sannfæring Birgis er sú sama og þegar hann bauð sig fram og var kosinn. Honum líkar bara ekki félagsskapurinn og á sér fáa vini í efstu lögum flokksins. Fyrir kjósendur hans er hann nú í betri stöðu til að vinna eftir sannfæringu sinni og koma þeim málum í verk sem kjósendur völdu hann fyrir.

[Gunnar Heiðarsson, 9.10.2021 kl. 23:33]

Heill og sæll Halldór

Það er ljóst að Sjálfstæðisflokkur mun ekki tapa á því að taka Birgi inn í sinn þingmannahóp, svo skeleggur sem Birgir Þórarinsson er. Hitt er óvíst hvort flokkurinn græði nokkuð á því. Ekki víst að Birgi leyfist að halda sínum málflutningi til varnar sjálfstæði þjóðarinnar og varnar því að náttúruöflin lendi í höndum embættismanna eða fjárglæframanna, með sama hætti og hingað til.

Mig grunar að sagan muni dæma Birgi á tvo vegu sem þingmann, annarsvegar ákveðinn, mælskan og sérfylginn þingmann Miðflokksins og hinsvegar sem lufsu sem ekki þorir að opna munn sinn, sem þingmann Sjálfstæðisflokks.

Ástæða þess að ég tel þennan dóm eiga eftir að falla á Birgi er ekki vegna þess að ég telju stefnu Sjálfstæðisflokks ranga, heldur vegna þess að flokkurinn heldur ekki lengur uppi sinni stefnu. Hins vegar er ljóst að Miðflokkur heldur sinni stefnu, sem reyndar er keimlík stefnu Sjálfstæðisflokks. Því eiga þeir sem unna sjálfstæði þjóðarinnar og vilja að þjóðin ráði sínum málum, mun frekar heima í Miðflokki en Sjálfstæðisflokki.

Það er af sem áður var, þegar slagorð Sjálfstæðisflokks var "Stétt með stétt" og grunn stefna flokksins var leiðarljós þeirra sem kjósendur treystu til setu á Alþingi.  

Kveðja