Borgarlínan til bjargar?

fyrir bankana?

Svo segir í Mogga:

"Töluverð óvissa er um útkomu ársins á rekstri Strætó BS og gera nýjustu spár ráð fyrir 450 milljóna króna tapi á árinu. Er það sagt skýrast að mestu af lækkun farþegatekna um rúmar 200 milljónir og jafnframt að sérstakt Covid-framlag ríkisins vegna kórónuveirufaraldursins verði 120 milljónir, sem er í fundargerð stjórnar Strætó sagt vera 780 milljónum kr. lægra en áætlun ársins gerði ráð fyrir. Á móti eiga hagræðingaraðgerðir að skila um 275 milljóna kr. lækkun rekstrarkostnaðar á árinu. Væntingar um allt að 900 millj. Jóhannes Rúnarsson, framkvæmdastjóri Strætó, segir að útkomuspá fyrir yfirstandandi ár, þar sem spáð er tapi upp á 450 millj. kr. eins og fyrr segir, skýrist að mestu af lægra Covid-framlagi frá ríkinu upp á 780 milljónir króna.

„Tekjur eru lægri en í áætlun en gjöld eru einnig lægri en í áætlun. Það voru væntingar um allt að 900 [milljóna kr.] framlag frá stjórnvöldum í ljósi þess að Strætó hélt sama þjónustustigi að mestu og fyrir faraldurinn, til að tryggja að lykilstarfsfólk kæmist í og úr vinnu og að hægt væri að tryggja fjarlægðarmörk í vögnum,“ segir hann.

Spurður um hagræðingaraðgerðir segir Jóhannes í svari til blaðsins að enn sé verið að vinna með áætlun fyrir árið 2022 og ekki búið að útfæra þær í smáatriðum.

Fjallað var um drög að fjárhagsog starfsáætlun Strætó fyrir árin 2022-2026 á stjórnarfundi í seinasta mánuði. Þar kom fram að gert er ráð fyrir að tekjur verði í samræmi við tekjuáætlun 2019. „Launakostnaður hefur hækkað mikið sem skýrist af kjarasamningshækkunum og vinnutímastyttingu vaktavinnufólks sem áætlað er að kosti um 350 [milljónir kr.] á ári,“ segir í fundargerð."

Miðlæg Borgarlína er sögð kosta einhverja hundrað miljarða ef ekki meira. Verði ekki mikil tekjuaukning frá því strætókerfi sem nú er rekið þá lítur dæmið ekki beinlínis vel út þegar svona fimm milljarða vaxtakostnaður bætist ofan á.

En Borgin er góður Borgari og og munu bankarnir ekki frekar  vilja lána henni heldur en fólki í húsnæðisbasli til dæmis? Út frá því sjónarmiði er ekki æskilegast að framkvæmdirnar verði sem allra glæsilegastar og  dýrastar svo vextirnir verði sem mestir? 

Bíður fólkið ekki bara eftir því að keyra í Borgarlínunni frekar en þessum leiðinlega gula strætó? Fólkið vill ekki keyra í einkabílnum, er það nokkuð? Þess vegna þarf ekki að byggja greiðari gatnamót er það nokkuð? Byggja frekar jarðgöng með blokkum ofná? Þórdís Lóa tryggir þessu framgang eftir næstu kosningar eins og núna. 

Bjartir tímar framundan fyrir bankana og Borgarlínuna?.

Athugasemdir

[Grímur Kjartansson, 12.10.2021 kl. 09:49]

Samkvæmt þeim erlendu fréttamiðlum sem ég fylgist með þá eru gífurlegar verðhækkanir á leiðinni. Hér hefur það strax komið fram á pappír til prentunar á jóalbókunum en svo virðist sem ALLT muni verða dýrara fyrir neytendur á næstu mánuðum.
Ég held að það sé óhætt að gleyma þessari Borgarlínu sem raunverulegri framkvæmd þó myndaglærusýningar muni sjálfsagt halda áfram.
Spurningin er hvað íslendingar muni gera, líklegast er náttúrlega að enn verði bara bætt við skuldabyrði komandi kynslóða því löngu er búið að ræna tóma lífeyrissjóði þeirra sem eru að fara