Blessun Birgis ?

Cherchez la femme  segja Fransmenn.

Ekkert er eins og það sýnist.

Getur ekki verið að það sé eitthvað á bak við vistaskiptin hjá Birgi Þórarins sem við höfum ekki heyrt af?

Getur ekki verið að þarna séu peningar, aðstaða eða fríðindi á spýtunni sem hann Birgir fær með þessu móti sem hann fengi ekki með því að vera óháður þingmaður, hvað þá að segja af sér þingmennsku eins og sumir heimta?

Getur Guðræknin hjá honum  yfir móralleysi Miðflokksmanna eigi sér ekki veraldlegar fremur en Guðrækilegar skýringar? Frekar heldur Mammónskar ?

Er þetta sú blessun Birgis sem verður best hjá Sjálfstæðisflokknum?

Athugasemdir

[Ómar Geirsson, 14.10.2021 kl. 17:39]

Blessaður Halldór.

Núna ertu djúpur, svo djúpur að þú næstum slærð mér við þegar ég les yfir suma pistla mína og skil eiginlega ekki orð í þeim.

Vil samt hjálpa til, gleymum því sem blasir við, gengisfellingu lýðræðis og þingflokks Sjálfstæðisflokksins, hugsum um hvað býr í raun að baki??

Birgir er vel gefinn maður, það hefur talist honum til lasts, að vera trúaður, sem og jafnvel forneskjulegur í skoðunum, en enginn fríar hann vits.

Sem er kjarni allra ályktana, Birgir er ekki til dæmis í Samfylkingunni.

Þar með veit hann mætavel að gjörð hans yrði fordæmd, hann yrði því sem næst úrkast, fordæmdur fyrir gjörðir sínar og undirferli.

Spurningin Halldór er, hvað kom á móti??

Persónulega finnst mér einfeldningar hafa reynt að svara þeirri spurningu fram að þessu.

Kveðja að austan.