Í alvöru?

virðist Guðmundur Gunnarsson telja að greiði Alþingi Íslendinga atkvæði á veg sem honum ekki líkar, þá stöðvi kæra hans til Mannréttindadómstóls Evrópu kjördæmamálið í NV endanlega?

Geta einhver þingstörf þá farið fram meðan hann er ekki sáttur við Alþingi Íslendinga?

Hvaðan kemur þessum manni þetta mikla vald og vit? 

"Áhugamál hans eru fjöll af öllum stærðum og gerðum, helst vestfirsk. Guðmundur brennur fyrir jafnrétti óháð búsetu og upprisu íslenska þorpsins."

Áður bæjarstjóri?

Það er ekki furða þó Björn Bjarnason spyrji:

"Telur Guðmundur Gunnarsson unnt að kæra niðurstöðu í atkvæðagreiðslu á alþingi beint til MDE í Strassborg? Vill hann láta á það reyna þar hvort alþingi sé í raun fullvalda í málum sem stjórnarskráin felur því að leiða til lykta?

Hvað hefur Guðmundur Gunnarsson fyrir sér þegar hann fullyrðir að „dómstólar erlendis“ muni „ekki fara um okkur mjúkum höndum“? Á hverju reisir hann þessa skoðun?"

Er þessi maður ekki máttarstólpi Viðreisnar á Vestfjörðum? Er ekki Viðreisn annar af tveimur alþjóðasinnuðum  íslenskra stjórnmálaflokka?

Í alvöru?

Athugasemdir

[Guðmundur Ásgeirsson, 21.11.2021 kl. 15:54]

Nei, kæra til MDE hefur ekki slík áhrif, enda eru niðurstöður hans ekki bindandi að landsrétti heldur aðeins fyrir ríkið. MDE getur ekki veitt nein fyrirmæli um nýjar kosningar eða lögbann á starfsemi Alþingis eða neitt slíkt.

Það eina sem MDE getur skorið úr um í þessu tilviki er hvort sú málsmeðferð að Alþingi skeri sjálft úr um eigið lögmæti standist ákvæði MSE (sem vel að merkja er hluti af íslenskum lögum). Það er alveg ljóst að svo er ekki, en sú niðurstaða mun fyrst og fremst hafa þau áhrif að skylda íslenka ríkið til að gera nauðsynlegar breytingar á málsmeðferð við úrlausn um lögmæti kosninga svo að hún samræmist MSE. Það verður ekki gert nema með stjórnarskrárbreytingu í samræmi við breytingarákvæði 79. gr. stjórnarskrárinnar, þ.e. með tvöföldu samþykki Alþingis með kosningum á milli. Það gætu því þurft að líða allt að 8 ár þar til verður hægt að framkvæma þetta á einhvern hátt sem myndi samræmast MSE.

Við hljótum að vera sammála um mikilvægi þess að Ísland virði þau mannréttindi sem það hefur sjálft samþykkt. Við ættum ekki að óttast það heldur taka því fagnandi.

[Vagn (IP-tala skráð) 21.11.2021 kl. 18:15]

Lögmæti starfa Alþingis má draga í efa meðan einhverjir þingmenn eru skipaðir eftir geðþótta en ekki lögmætum niðurstöðum kosninga. Og Alþingi sem ekki er rétt skipað og starfar utan laga og reglna er óstarfhæft og ómarktækt. Hver einasta ákvörðun þess ætti heima fyrir dómstólum.

Fyrir Mannréttindadómstól Evrópu hefur atkvæðagreiðsla kjörinna fulltrúa um lögmæti eigin kjörs verið dæmd ósamræmanleg evrópskum rétti.

Lagabreytingar, stjórnarskrárbreytingar og skaðabætur gæti orðið niðurstaðan. Og það væri ekki í fyrsta sinn sem það skeður. Alþingi þarf víst af fara eftir þeim reglum Mannréttindasáttmálans sem það hefur gengist undir að fara eftir. Alþingi er ekki frjálst að brjóta á rétti frambjóðenda og kjósenda. Fullveldi Alþingis er ekki það mikið að því sé frjálst að haga sér eins og mannréttindi séu ekki til.

https://www.visir.is/g/20212163263d/islendingar-aettu-ekki-von-a-godu-i-strassbourg

https://www.frettabladid.is/frettir/urskurdarvald-althingis-taki-mid-af-fordaemisgefandi-domi-fra-strassborg/

[Grímur Kjartansson, 21.11.2021 kl. 22:25]

Reynsal okkar af MDE er að vegna þess að Spanó  er íslendingur þá var hann fenginn til að búa til álit og hinir sögðu meeeeee
svo fór það upp á hærra stiga og viti menn þar var Spanó líka 
tilbúinn að lofsama eigið mat

[Halldór Jónsson, 23.11.2021 kl. 21:28]

Jahemm

Spanó hikaði ekki við að dæma um eigið ágæti í Strassborg.

Getur Alþingi Íslendinga þá ekki haft skoðun á sjálfu sér?

Og ef farið er að ábendingum Guðna Forseta um stjórnarskrárbreytionmgar verða hugsanlega liðin 2 eða fleiri kjörtímabil áður en að þessi mál "þorpsdýrkandans" koma til afgreiðslu eins og Guðmundur bendir á

[Guðmundur Ásgeirsson, 23.11.2021 kl. 22:31]

Grímur og Halldór.

Að forseti Mannréttindadómstólsins sitji í yfirdeild er skrifað í Mannréttindasáttmála Evrópu, alveg eins og þau ákvæði eru skrifuð í hann sem gera að verkum að Alþingi eigi ekki með réttu að úrskurða um eigið lögmæti.

Bæði atriðin hafa því nákvæmlega jafn mikið gildi.