Buslum frekar með Bjarna

Í Staksteinum Morgunblaðsins er vakin athygli á stöðugleikanum sem ríkir á Evrusvæðinu.

Þar segir:

"Verðbólga á evrusvæðinu mælist nú meiri en nokkru sinni frá því að sameiginlega myntin, evran, var tekin upp fyrir meira en tveimur áratugum. Greint var frá því í gær að verðbólgan næmi 4,9% í nóvember, sem er jafnvel hærra en meðalspámaður svæðisins hafði gert ráð fyrir, en hann hafði spáð 4,5% verðbólgu. Ekki nóg með það, verðbólgan á evrusvæðinu er hærri en verðbólgan hér á landi. Þar munar að vísu litlu, 0,1%, en eftir innlendar verðbólgutölur sem ollu áhyggjum fyrir skömmu er óneitanlega athyglisvert að evrusvæðið slái þær út.

--- Hér á landi hefur verið brugðist við með þeim hætti sem búast mátti við, þ.e. hækkun vaxta Seðlabankans. Á evrusvæðinu er ólíklegt að gripið verði til sambærilegra aðgerða enda efasemdir um að undirliggjandi efnahagsástand þoli slíkar aðgerðir.

--- En það er umhugsunarvert hvað veldur verðbólgunni á evrusvæðinu. Vandi með aðföng, sem tengist kórónuveirunni, er hluti skýringarinnar, en ört hækkandi orkuverð vegur þungt.

--- Sú verðhækkun verður ekki skrifuð á kórónuveiruna nema að litlu leyti, en aðallega á orkustefnu Evrópusambandsins. Þar á bæ hafa menn keppst við að draga úr þeirri orkuframleiðslu sem best dugar en reyna í staðinn að taka upp aðra og síður örugga, auk þess að treysta á gas frá Rússum.

--- Inn í þetta evrópska orkuklúður hafa jafnvel sumir viljað, af mikilli skammsýni, draga okkur."

Það er heldur aumkunarverð viðtölin við leiðtoga landsöluflokkanna sem kjósa að tala sitt í hvoru lagi þó spekin sé sú sama. Göngum í ESB og Evrópuherinn, tökum upp Evru, leysum vandamálin með samevrópskum atvinnuleysistölum. Jafnvel Bieltved hugmyndafræðingur  slær þá ekki út í efnahagsspeki sem er þó töluvert.

Allt verður betra með Brussel og sameiginlegri orkustefnu.

Fyrir mína parta vil ég heldur reyna að busla með Bjarna sem sjálfstæð þjóð.

Athugasemdir

[Vagn (IP-tala skráð) 1.12.2021 kl. 11:54]

Loksins! Loksins! Loksins! Eftir 30 ár kom loksins mánuður þar sem verðbólga á Evrusvæðinu er prósentubroti meiri en á Íslandi! Og Evruandstæðingar, ESB hatarar og einangrunarsinnar halda ekki vatni! Það er enginn stöðugleiki á Evrusvæðinu!!! 

Og við erum nú þegar, og höfum verið þessa öld og rúmlega það, undir sameiginlegri orkustefnu ESB. Hún er ekki hræðilegri en svo að margir halda okkur standa utan hennar.