Jón Magnússon lögmaður

veltir fyrir sér þeim hættum sem að okkar samfélagi steðjar vegna andvaraleysis okkar sjálfra.

Jón segir á bloggi sínu:

"Við verðum að bregðast við og gjörbreyta reglum um hælisleitendur og meinta umsækjendur um alþjóðlega vernd strax. Annars vex vandamálið gríðarlega á næstu árum.

Við getum ekki leyst vanda Egyptalands, Afganistan, Pakistan o.s.frv. en með því að reyna það, þá eyðileggjum við okkar samfélag. Þeir sem koma frá þessum ríkjum og öðrum sambærilegum eru ekki tilbúnir til að aðlaga sig þeim gildum, sem Evrópa byggir á.

Þjóðerni,menning og  grunngildi Evrópuríkja, sem meitluð hafa verið í aldanna rás á grundvelli kristinnar arfleifðar, frjálslyndra viðhorfa og virðingar fyrir gildi einstaklingsins og frelsi borgaranna mun láta undan nema við bregðumst strax við og leggjum fyrst og fremst áherslu á hagsmuni eigin borgara."

Sem oft áður mælir lögmaðurinn ljúfi sem út úr mínu hreina hjarta.

Andvaraleysi okkar ráðamanna er með þvílíkum endemum að til landauðnar  horfir. Og ekki bara hérlendis heldur er galdrafordæðuskapurinn sem fylgir þessu Islams fólki með morðum og forneskju með þvílíkum ódæmum að neð endemum er. Hvernig á að snúast til varna svo vel sé er ekki auðvelt að sjá.

Vantar okkur Íslendinga ekki þjóðernisvakningu og þjóðernisstolt? 

Þarf ekki að kveða niður fyrirlitningu vinstri manna á því sem okkur hægri mönnum finnst vera þjóðerni íslenskt.

Antipóll Píratadellunnar og alls þess sem Evrópuhugsjóninni tengist fer ekki saman við margt sem okkur finnst eiga að hafa í hávegum.

Jón Magnússon  lögmaður talar oft skýrt svo að hlusta má.

Athugasemdir

[Vagn (IP-tala skráð) 6.1.2022 kl. 21:22]

Það er algengt meðal jaðarsettra hægrimanna sem í miklum minnihluta standa í sinni baráttu með undarlegar hugsjónir mannréttindabrota, rasisma og fordóma sem fordæmdar eru í öllum vestrænum ríkjum að telja sig vera að verja einhver vestræn gildi, menningu og kristna arfleið. Anders Behring Breivik er gott dæmi um þessa sjálfskipuðu yfirlýstu hjartahreinu verjendur kristinna vestrænna gilda og menningar. Og Ku Klux Klan dæmi um samtök með sömu hugsjón og baráttumál.

Ég er nokkuð viss um að hinn ljúfi Jón Magnússon, eins og hinn mildi Anders Behring Breivik, er eitthvað að misskilja út á hvað kristni og vestræn gildi og menning ganga. Og síðan innleiðingartilraun Hitlers mistókst hefur þessum hægri jaðarliðum gengið illa að finna þeim heimili og innleiða á vesturlöndum þessar hugmyndir sínar um vestræn gildi, menningu og kristna arfleið.

Vestræn gildi, menning og kristin arfleið er það sem við vesturlandabúar lifum við hvern einasta dag en ekki einhverjir sjúklegir pólitískir draumar ruglukolla um hvað ættu að vera vestræn gildi, menning og kristin arfleið.

Stæðu vestræn gildi, menning og kristin arfleið ekki traustum fótum væri ógnin ekki frá fjarlægum löndum og öðrum menningarheimum. Ógnin væri að innan, frá Jónum þessa heimshluta.

[Ásdís Ólafsdóttir, 7.1.2022 kl. 14:16]

Hárrétt hjá þér Halldór landið er að verða stjórnlaust.

Kveðja frá okkur 

[Halldór Jónsson, 7.1.2022 kl. 17:01]

Þvílík glórulaus forstokkun hjá Kerrunni að vanda. Allt er falt og gullið er valt.Að samsama Brevik við Jón Magnússon  er bara geðveiki á háu stigi

[Hörður Þormar (IP-tala skráð) 7.1.2022 kl. 20:31]

Dostojevskí sagði víst einhvers staðar að í guðlausum heimi væri allt leyfilegt.

Kynlíf, peningar og völd. Er þetta ekki það sem er eftirsóknarverðast í lífinu?

Er ekki sjálfsgt að sækjast eftir því ef maður getur?

[Vagn (IP-tala skráð) 7.1.2022 kl. 21:27]

Það sem er geðveiki á háu stigi er að loka augunum fyrir því að þó þeir hegði sér ekki eins þá er enginn munur á hugarheimi þeirra, pólitík og hugsjónum. Stefnuyfirlýsing Breviks gæti eins verið skrifuð af Jóni.

Skrif Jóns eru til þess fallin að sá litlum fræjum sem arftakar Breviks geta vaxið úr. Lærissveinar meistara Jóns sem gætu vel tekið upp baráttuaðferð Breiviks.

Mundu það að Hitler framdi engin óhæfuverk persónulega, ljúfur dýravinur og barnagæla sem ekki gerði svo mikið sem flugu mein. Ætli Jón sé sama ljúfmennið? Og hefur þú fundið fyrir sterkri löngun til að heilsa með því að lyfta hægri hönd frekar en að rétta hana fram?

[Halldór Jónsson, 8.1.2022 kl. 05:23]

Jesus

[Ingólfur Sigurðsson, 8.1.2022 kl. 08:21]

Ég hef hingað til ekki tekið þátt í því að kalla Vagn kerruna, en þarna gæti kerran verið komin út af sporinu.

Sagt er að þegar fólk er rökþrota sjái það Hitler í næsta manni.

Óhæfuverk kommúnista eins og Vagns eru greinileg í norrænum samfélögum. Hryðjuverk Hitlers voru framin í einni styrjöld sem tók enda á 6 árum. Hryðjuverk góða fólksins hafa verið framin á 80 árum, og fyrir vikið er sú sæluparadís orðin að helvíti, sem norræn lönd voru. Full ástæða til að vekja á því athygli og viðurkenna að vinstrimenn bera ábyrgð á því.

Munurinn á þjóðernishyggju Jóns okkar ágæta Magnússonar og Hitlers og Breiviks er margvíslegur. Hann er til dæmis ekki einræðisherra. Hann er búinn að lifa lengur en Breivik og hefur aldrei gerzt sekur um neitt slíkt. 

Ef einhverjir er að sá fræjum upplausnar og eyðileggingar á vestrænum gildum eru það Vagnar þessa heims.

Ég óska Vagninum að komast aftur á rétt spor. Það er nóg að vinstrimenn hafi sölsað undir sig RÚV. 

Vonandi að sem flestir finni kjark og vizku til að skrifa eins og Jón Magnússon gerir. 

Vonandi að Vagnar þessa heims finni kjark og vizku til að læra af honum. Ég vil annars ekki tala illa um vinstrimenn og gagnrýna þá nema þegar ég neyðist til þess. Ég trúi því að þeir geti breyzt og batnað, horfið af villu síns vegar. Vagn getur gert það líka.

[Halldór Jónsson, 8.1.2022 kl. 14:26]

"Ég er nokkuð viss um að hinn ljúfi Jón Magnússon, eins og hinn mildi Anders Behring Breivik, er eitthvað að misskilja út á hvað kristni og vestræn gildi og menning ganga. Og síðan innleiðingartilraun Hitlers mistókst hefur þessum hægri jaðarliðum gengið illa að finna þeim heimili og innleiða á vesturlöndum þessar hugmyndir sínar um vestræn gildi, menningu og kristna arfleið."

Jesus