Er þetta svona Óli Björn?

við treystum því sem þú segir.

Þeir eru að efast um það kommarnir  að við höfum staðið eins og menn að einkavæðingu bankanna.

Einn skrifar svo í Moggann í dag:

..." en hvað gerði þá hæfa fjárfesta umfram okkur hin er ekki ljóst á þessari stundu.

Einn þeirra keypti í gegnum félag sem er með neikvæða eiginfjárstöðu upp á 135 milljónir.

Annar sérvalinn snillingur rak einkahlutafélag sitt í þrot árið 2015 vegna skulda við umræddan banka en þykir samt hæfur til stjórnarsetu í honum(!).

Árið 2008 fékk félag í hans eigu 233 milljónir að láni hjá Íslandsbanka (Glitni) til hlutabréfakaupa en varð gjaldþrota árið 2015 og skuldaði þá 313 milljónir.

EKKERT fékkst upp í skuldirnar.

Getur verið að bankinn hafi líka lánað honum fé til hlutabréfakaupa núna?

Greinilega eru vel valdir eðalfjárfestar í þessu partíi. Já það er aftur byrjað partí á Íslandi eins og 2007 og kannski ekki skrýtið að fjármálaráðherra fullyrði ítrekað að heimilin á Íslandi hafi aldrei haft það betra því þetta er skemmtilegt partí.

En á sama tíma berast fregnir af því að einstætt foreldri á lágmarkslaunum sé tæknilega gjaldþrota og þar vanti 83.000 í hverjum mánuði upp á að það geti framfleytt sér og að hjá pari með tvö börn sé rekstrarhallinn tæpar 90.000 á mánuði.

Ætli það sé fólkið sem mun sitja uppi með timburmennina þegar partíinu lýkur?

Mun sauðsvartur almúginn sem ekki er með í partíinu eiga að borga þrifin eins og síðast?

 

Flokkur fólksins segir NEI við því. Aldrei aftur! "

Segðu okkur Óli Björn hvort sé verið að ljúga að okkur eða ekki? 

 

Mun sauðsvartur almúginn sem ekki er með í partíinu eiga að borga þrifin eins og síðast?

Flokkur fólksins segir NEI við því. Aldrei aftur!"

Þetta skrifar þingmaður flokks fólksins, Þórdís Lóa.

Við trúum þér Óli Björn  að þú segir okkur sannleikann um stöðu þeirra sem nú voru að kaupa í Íslandsbanka en látir ekki kommana bara ljúga að okkur?

 

 

Athugasemdir

[Sigurður Kristján Hjaltested, 29.3.2022 kl. 14:27]

Og allt er thetta í bodi Bjarna Ben..

Sorglegt ad thetta fólk fái enn og aftur

ad koma okkur til fjandans fyrir sína

vini og kunningja.

[Símon Pétur frá Hákoti (IP-tala skráð) 29.3.2022 kl. 15:24]

Þetta er alla vega ekki í anda stefnu Sjálfstæðisflokksins, að deila ríkiseigum til sér- og handvalinna, og gefa þeim að auki sérstakan afslátt. 

Það er meira í stíl nómenklatúru gömlu Sovétkommanna.  Og einnig olígarka, hér sem víðar.

Við höfum báðir raun af því hvernig komið er fyrir hinum áður glæsta 45% atkvæða flokki.

Nú stendur hann í 22,5%.  Sem sagt kominn í hrakvirðisflokkinn.