Halldór Jónsson

6.12.2007 | 07:26

Til varnar kristni og kirkju

Já þetta er rétt lesið ! Þó að ég hafi nú ekki verið þekktur að því að vera vel kristinn maður eða kirkjurækinn um dagana, þá hef ég orðið hugsi síðustu daga.

Vaxandi yfirgangur minnihlutahópa í þjóðfélaginu undir yfirskyni víðsýni og og umburðarlyndis hefur orðið þessarra heilabrota valdandi. Mér finnst bókstaflega traðkað á venjulegu fólki af allskyns menningarvitum, sem þykjast yfir það hafið af einhverjum ástæðum. Þessir aðilar telja það einhverja skyldu sína að hafa svo hátt um vizku sína, að aðrar raddir heyrist ekki. Þannig verðu lygin smám saman að sannleika eins og dr.Josef Göbbels vissi manna best. Hinn þögli meirihluti lætur hinsvegar lítið í sér heyra.

Ég gekk í barnaskóla eins og aðrir. Þar voru kennd kristinfræði og biflíusögur. Ekki datt föður mínum, sem var lítt kristinn, í hug að banna mér að sækja tíma eins og sumir foreldrar gerðu heldur hvatti mig til að slá mér upp á því sem hann nefndi kjaftafög, svo sem sögu, landfræði oþh. Ég lærði því kristnifræði vel og brilléraði á prófum án þess að trúa einu einasta orði í fræðunum.

Þjóðfélagi okkar hef ég síðan kynnst til þessa dags, sem kristnu samfélagi, þar sem fólk með mínar trúarskoðanir er í minnihluta. Svo er líka ennþá, þar sem þjóðin er víst 80-90 % í þjóðkirkjunni. Ég heimta því alls ekki að þjóðkirkjunni verði lokað til að þóknast mér. Í skólunum mínum var nemendum raðað eftir getu í bekkina. Í mínum bekk voru margir betri en ég, sem var manni hvatning áfram. Það var enginn í bekknum, sem gat ómögulega lært eða skilið það sem fram fór. Enda vandséð til hvers það ætti að leiða að stöðva hina í bekknum, ef skólinn var á annað borð ætlaður til að kenna nemendum og koma þeim áfram.

Nú hafa þessir háværu minnihlutahópar krafizt aðgengis fyrir alla nemendur, sama hvort hann skilur íslenzku eða ekki, hvort hann getur lært eða ekki, er með geðraskanir, athyglisbrest, hegðunarvandamál eða ekki. Og öllum skal hrært saman í bekkina óháð getu. Afleiðingin verður auðvitað sú, að kennarastarfið er gert ómanneskjulegt og óleysanlegt. Framleiðslan verður auðvitað stórskert þegar sá hægasti ákvarðar hraðann. Þjóðfélagið skaðast allt. Það koma einhverjir múslímakrakkar inn í bekk og þá má ekki lengur kenna bekknum biflíusögur. Prestum er nú síðast bannaður aðgangur að leikskólum, af því að einhverjum múslímakrökkum yrði þá mismunað. Mér bara ofbýður svona vitleysa. Þau geta bara farið heim ef þeim líkar ekki við hvernig við erum. Þjóðfélagið á ekki að snúast um minnihlutahópa, hvorki mig nér aðra.

Nú eru kennarar að kikna undir álaginu, sem fylgir blönduninni í skólanum. Þeir segjast þurfa miklar launahækkanir og lái þeim hver sem vill. En það er sama þó að við tvöfölduðum laun þeirra, vandamálið yrði áfram það sama. Því sýnist mér einhverslags einkavæðing skólanna löngu nauðsynleg, þannig að þeir sem það geta og vilja geti keypt betri menntun og kennara fyrir börnin sín. Þannig eigi börn ,sem það geta, kost á að þurfa ekki að vera í skólum með tossum eða dópistum í þriðja lið og svo framvegis. Skemmd epli lækna ekki heilbrigð epli var sagt í einni dæmisögunni sem ég lærði í barnaskólanum.

Þurfa ekki foreldrar líka að spyrja sig oftar að því, hver þeirra ábyrgð sé gagnvart börnunum, þegar öll þessi vandamál blasa við í skólunum og leikskólunum ?. Þarf ekki að auka heimagreiðslur til þeirra mæðra sem vilja vera heima með börnunum sínum fremur en að senda þau í heilsdagsvistanir í 80 % niðurgreidda leikskóla, til þess eins að vinna láglaunavinnu uppí gjöldin ? Mér sýnist þetta augljóslega þjóðhagkvæmt þó að ég kunni utanað alla þuluna um félags...... Á leikskólum er víða unnið frábært starf og krakkarnir læra margt nytsamlegt svo sem að syngja á framandi tungum starfsfólksins. En börn hafa líka gott af að vera með mæðrum sínum og því ætti einhver millivegur að vera til við en þetta “súrmjólk í hádeginu”- heilkenni. Þyrftu ekki kennarar sjálfir að standa að einhverjum þeim breytingum í skólastarfinu, þar sem betri laun gætu fengist og þá líka fyrir meiri árangur ?

John Howard, þá forsætisráðherra, sagði við innflytjendur í Ástralíu nokkurn veginn í þessa

veru :” Við erum ástralskt, kristið og siðvætt þjóðfélag með eigin lög. Við báðum ykkur ekki um að koma hingað. Annað hvort semjið þið ykkur að okkar þjóðfélagi eða hypjið ykkur. Ég hefði kosið þennan mann á undan mörgum öðrum þó Ástralir hafi ekki endilega gert það.

Mér finnast núorðið svo margir vera í stjórnmálum vegna eigin ábata fremur en af hugsjónum. Það virðist varla nokkur þora að segja hug sinn um þessa þróun.

Ég vildi því líka sjá okkur velja innflytjendur vandlegar en að konum útíbæ sé falið það vald. Þeir sem vilja vera múslímar á þessu landi mega það mín vegna heima hjá sér að hætti Þorgeirs Ljósvetningagoða. Þeir eru minnihluti alveg eins og ég, sem hef mín trúmál útaf fyrir mig og reyni ekki að troða þeim uppá aðra. En ríkistrúin er sú kristna og ég samþykki því Þjóðkirkjuna, meðan yfirgnæfandi meirihluti Íslendinga vill hafa hana svipað og forsetaembætti á Bessatöðum, sem mér líkar ekki heldur. Enda gegnir kirkjan mismiklu hlutverki í lífi hvers Íslendings sem fæðist, lifir og deyr. Þjóðfélagið telur sig vera og er lagalega kristið samfélag hvað sem við hinir öðruvísi segjum. Mitt uppeldi segir mér það, að það sé bæði heimskulegt og uppeldisleysi að teikna skopmyndir af Múhameð eða Jesú til þess eins að særa annað fólk. Mér var kennt að það væri ljótt að hrekkja minnimáttar.En það á heldur ekki að láta allt eftir honum.

Ég vil ekki sjá opinbera múslímasöfnuði hér á Íslandi. Ég vil ekki fá neina múlla hingað til að rækta upp sjarja-ómennsku í æskulýð landsins. Ég get ekki séð að þjóðfélagið batni við slíkt né við moskubyggingar. Ég vil heldur ekki láta minnihlutann, tossa eða útlendinga tefja fyrir skólastarfi meðal þeirra sem geta lært og slíkt fólk eigi því heima í sérskólum eða sérkennslu.

Svo vil ég fara gætilega með veitingu íslenzks ríkisborgararéttar. Farandverkamaður er ekki innflytjandi. Mér finnst við eiga að þykja vænt um land okkar og þjóð eins og Einari Þveræingi . Mér finnst að við eigum ekki leyfa menningarhálfvitum og hávaðaseggjum að henda íslenzku þjóðerni á glæ með uppivöðslusemi. Mér finnst að ein kynslóð hafi ekki leyfi til að gefa óskyldum þjóðum það land sem okkur Íslendingum var trúað fyrir af forfeðrunum.

Flokkur: Stjórnmál og samfélag | Facebook