www.pallvil.blog.is

Ég held að ofangreint blogg séu orð í tíma töluð til að reyna að sjá í gegnum það sem er að gerast núna í sambandi við fjörbrot Baugsveldisins og Björgólfs líka. Ég pasta  eftirfarandi texta Páls sem lýsir mínum hugrenningum líka hvað varðar fjölmiðlun á Íslandi, nú þegar allt stefnir í alþýðulýðveldið Ísland, með Alþingisvæddum ríkisbönkum, ný Fjárhagsráð og Planökonómí, gjaldeyrisnefndir og endalok almenningshlutafélaga og Kauphallarviðskipta.

 

Páll segir:

" Blaðamenn Morgunblaðsins geta hrundið atlögu tveggja helstu skúrka útrásarfirringarinnar, Björgólfs Guðmundssonar og Jóns Ásgeirs Jóhannessonar, að faglegri blaðamennsku á Íslandi. Í nafni borgaralegrar óhlýðni ættu blaðamenn Morgunblaðsins að neita gefa út blaðið fyrr en sameining Árvakurs og 365 miðla hefur verið afturkölluð.

Á Morgunblaðinu starfa blaðamenn sem alla starfsævi sína hafa byggt upp trúnaðarsamband við lesendur blaðsins. Trúnaðurinn byggir á því að vinna að faglegri fréttaöflun með hagsmuni almennings í fyrirrúmi.

Sameining Árvakurs, útgáfufélags Morgunblaðsins, við lygamaskínu Baugs sem heitir 365 miðlar er blaut tuska framan í andlit allra blaðamanna Morgunblaðsins, lífs og liðinna.

Helsti eigandi Morgunblaðsins, Björgólfur Guðmundsson, fer í sögubækurnar sem maðurinn er tók íslenska þjóðarbúið í gíslingu innlánsreikninga Landsbankans í Bretlandi. Björgólfur er rúinn æru og trausti heiðvirðra manna. Sameining Morgunblaðsins við lygaverksmiðju Baugs sýnir svo ekki verður um villst að dýpt spillingareðlisins á sér engin takmörk.

Blaðamenn Morgunblaðsins ættu að leggja niður vinnu þangað til sameiningin hefur verið afturkölluð. Björgólfur er ekki í neinni stöðu til að standast samtakamátt blaðamanna.

Þegar búið er að hrinda atlögunni ættu blaðamenn að stofa almenningshlutafélag um kaup á hlut Björgólfs í Árvakri. Maðurinn til að leiða það félag heitir Styrmir Gunnarsson, fyrrum ritstjóri Morgunblaðsins. "

Ég held nú að Styrmir sé nú engin forsenda fyrir því að Morgunblaðið geti starfað áfram sem objektívt blað þó að vissulega sé eftirsjá í brotthvarfi hans úr röðum blaðamanna.  Hvort að Árvakur lifir af veit ég ekki en sumir segja að fjárhaguinn sé erfiður.. En hitt veit ég að Fréttablaðið er miðill sem ég mun aldrei sakna ef það hætti að koma út og því fyrr því betra. Blaðið er bara hundleiðinlegt og hefur aldrei staðið Mogganum á sporði. Þeir sem vaða uppi í Fréttablaðinu eru menn sömu skoðana og Jón Ásgeir hvað varðar ráðstafanir á framtíð Íslands. Ég deili ekki þeim skoðunum. Þó að þær séu svosum líka á síðum Mogga þá eru þær ekki  beinlínis ritsjórnarstefna heldur tekur blaðið þátt í umræðum þjóðar í vanda.

Lesið endilega bloggið hans Páls Vilhjálmssonar blaðamanns

 

Athugasemdir

[Bjarni Kjartansson, 14.10.2008 kl. 17:32]

Syrgi minn elskaða Mogga.

Kaupi blaðið afar sjaldan.

Ólst upp með hann á hverjum morgni.

Var áskrifandi mjög lengi og síðar blaðberi, með dóttur minni og svo konu minni.

Nú er komin sambúðaslit hjá okkur mér og Moggatetri.

 Samfylgd í hartnær 57ár er lokið.

Kaupi það örsjaldan í lausasölu.

Miðbæjaríhaldið

[Halldór Jónsson, 14.10.2008 kl. 21:50]

´Takk fyrir Bjarni minn. Ég hætti að kaupa Mogga þegar hann hætti alveg að taka skrif frá mér eftir 40 ára samband. Hann birti að vísu miningargreinar en annað ekki. ég sendi held ég 4 greinar í Baugstíðindi og þeir birtu 2 með semingi. Ég nennti ekki að elta ólar við svoleiðis. 

 Eftir að þeir ráku Svein Guðjónsson vin minn hafði ég tvöfalda ástæðu til að vera í fýlu útí Moggann og kaupa hann ekki. Svo hætti Styrmir og ég sendi þá 2 greinar til prufu og þær hafa komið bara fljótt þannig að Mogginn getur orðið mitt blað aftur ef hann leggur mig ekki í einelti vegna skoðana mina sem eru sjálfsagt ekki réttar á þeim bæ. 

Ég les Moggann samt oftlega en er ekki áskrifandi aftur- ennþá. En ég er í raun farinn að sakna blaðsins   Allt efnisvalið þar og layoutið er hinu svo miklu fremra. Og hún Agnes Braga er líka frábær og fleiri blaðamenn eru þar  góðir. Ef ég gerðist áskrifandi aftur Þá gæti ég sett gulan miða á lúguna sem ætti að spara þeim Bónusfeðgum að troða þessu hundleiðinlega blaði sínu inná mig. En maður fer auðvitað með það á kamarinn hafi maður ekki annað blað.

.